Ўзбекистон Республикаси Олий Кенгаши Раёсати қарор қилади:

Халқ депутатлари Хоразм вилоят Совети раёсати ва халқ депутатлари Гурлан, Хонқа, Шовот шаҳарлари ҳамда Қўшкўпир, Ҳазорасп район Советларининг илтимослари қондирилиб, вилоятга бўйсунувчи шаҳарлар: Гурлан районининг маъмурий маркази Гурлан, Хонқа районининг маъмурий маркази Хонқа ва Шовот районининг маъмурий маркази Шовот шаҳарлари, ва шунингдек, районга бўйсунувчи шаҳарлар: Қўшкўпир районининг маъмурий маркази Қўшкўпир ва Ҳазорасп районининг маъмурий маркази Ҳазорасп шаҳарлари шаҳар посёлкалари туркумига ўтказилсин.

Илгари Гурлан шаҳри таркибига киритилган Пахтачи аҳоли пункти Гурлан райони ва қишлоғи таркибига, Сахтиён аҳоли пункти Сахтиён қишлоғи таркибига ва Ярмиш аҳоли пункти Эшимжийрон қишлоғи таркибига;

илгари Шовот шаҳри таркибига киритилган Арбоб ва Большевик аҳоли пунктлари Шовот райони Шовотқала қишлоғи таркибига, Ипакчи ва Қазувчи аҳоли пунктлари, Хитой қишлоғи таркибига, Тожиқёп ва Қулли аҳоли пунктларининг шаҳарга киритилган қисмлари Қиёп қишлоғи таркибига, Хидирели аҳоли пункти эса Чиғатойқалъа қишлоғи;

илгари Хонқа шаҳри таркибига киритилган Маданийер ва Олға аҳоли пунктларини Хоразм қишлоғи таркибига;

илгари Қўшкўпир шаҳри таркибига киритилган Янгиёп аҳоли пункти Қўшкўпир райони Кенагас қишлоғи таркибига, Янгилик аҳоли пункти эса Янгилик қишлоғи таркибига қайтарилсин.