Oʻzbekiston Respublikasi Hukumati bilan Isroil Davlati Hukumati, kuyida “Ahdlashuvchi Tomonlar” deb ataladi,

xalqlar oʻrtasida oʻzaro anglashuvga va ikkala mamlakat oʻrtasida turizm sohasida teng huquqli va oʻzaro manfaatli hamkorlikni rivojlantirishga koʻmaklashuvchi ikki mamlakat oʻrtasidagi munosabatlarni mustahkamlashga boʻlgan muddaolarini izhor etib,

quyidagilar toʻgʻrisida ahdlashishdi:

Ahdlashuvchi Tomonlar ikki mamlakat oʻrtasida turizmni rivojlantirishga koʻmaklashishga harakat qiladilar, va xususan ikkala mamlakatdagi turistik boshqaruv tizimlari, turistik assotsiatsiyalari va tashkilotlari oʻrtasida munosabatlar oʻrnatilishini va turistik harakatlarning amalga oshirilishini faol koʻllab-quvvatlaydilar.

Ahdlashuvchi Tomonlar turistik investitsiyalarni, shu jumladan, turizm sohasida xususiy investitsiyalar qoʻyish bilan shugʻullanadiganlarni koʻllab-quvvatlaydilar.

Ahdlashuvchi Tomonlar quyidagi sohalarda ikki tomonlama turistik hamkorlikni rivojlantirishga rozi boʻlishdi: sogʻlomlashtirish turizmi, ishchi guruhlarni tayyorlash, dasturlarni, sayr-sayohat boʻyicha ekspertlarni, kasb-axborot materiallarini, hujjatlarini, statistik, turistik adabiyotlar va taalluqli materiallarni oʻzaro ayirboshlash. Reklama va hujjatlar toifasiga kiradigan materiallar ikki mamlakat oʻrtasida ayirboshlash jarayonida bojxona yigʻimlaridan ozod etiladi. Mazkur shartlar turistik yarmarkalar va koʻrgazmalar uchun yuboriladigan eksponatlarga ham amal qiladi, bunda ularning tijoriy qiymati hisobga olinmaydi.

Ahdlashuvchi Tomonlar xalqaro turistik tashkilotlar doirasida hamkorlik qiladilar.

Ahdlashuvchi Tomonlar mazkur Bitimning bajarilishini taʼminlash maqsadida, turizm sohasida shugʻullanadigan oʻz davlatlari tizimlariga Bitimning bajarilishi va bajarilishi ustidan nazorat qilish boʻyicha ishchi dasturini tashkil qilish maqsadida zarur barcha narsani toʻplash vazifasini topshiradilar.

Mazkur Bitimning ijrosi uchun “Oʻzbekturizm” milliy kompaniyasi va Isroil Davlati Turizm vazirligi masʼuldir.

Ushbu Bitim Tomonlar mazkur Bitimning amalga oshirilishi uchun zarur yuridik ichki talablar bajarilganligi haqida bir-birlarini yozma ravishda diplomatik yoʻllar orqali xabardor etadigan notalar olishlari bilan kuchga kiradi.

Mazkur Bitim besh yil davomida kuchda boʻladi va basharti Ahdlashuvchi Tomonlardan biri ikkinchi Tomonni Bitim tugashiga olti oy qolguniga kadar yozma ravishda diplomatik kanallar orqali xabardor etmasa, Bitim harakat muddati toʻgʻridan toʻgʻrinavbatdagi besh yilga uzaytiriladi.

Toshkent shahrida, 1994-yil 4-iyulda, 5754 yilga muvofiq, ikki asl nusxada, har biri oʻzbek, ivrit va ingliz tillarida imzolandi. Matnlarni talqin qilishda kelishmovchiliklar tugʻilgan holda ingliz tilidagi matn ustuvor hisoblanadi.