Қуйида «Аҳдлашувчи Томонлар» деб аталувчи Ўзбекистон Республикаси Ҳукумати ва Литва Республикаси Ҳукумати,
Ўзбекистон Республикаси ва Литва Республикаси халқлари ўртасида маданий ва санъат соҳасидаги дўстона алоқалар ва ҳамкорликни келгусида ривожлантириш ва мустаҳкамлашга интилишларини билдириб,
маданият ва санъат соҳасидаги алоқалар иккала мамлакат халқларининг туб манфаатларига жавоб беради ва дўстлик ва ўзаро ҳамкорлик муносабатларининг келгуси ривожига кўмаклашади деб ишониб,
Аҳдлашувчи Томонлар давлатларининг ҳудудларида яшовчи иккала давлат фуқароларининг манфаатларини эътиборга олиб,
Аҳдлашувчи Томонлар Ўзбекистон ва Литва халқларининг маданий алоқаларига таяниб, улар орасида маданият ва санъат соҳасида ҳамкорликни ривожлантиришга бундан кейин ҳам кўмаклашадилар.
Ҳар бир Аҳдлашувчи Томон ўз давлатининг фуқароларига бошқа Аҳдлашувчи Томон давлати маданиятининг ютуқларига кенг йўл очиб беради.
Аҳдлашувчи Томонлар давлат муассасалари ўртасида бевосита ҳамкорлик ва тўғридан-тўғри алоқаларни ўрнатишга ва мустаҳкамлашга, манфаатдор ташкилотлар ўртасида тажриба алмашишга кўмаклашадилар.
Аҳдлашувчи Томонлар маданий ҳамкорликнинг икки томонлама программалари ва лойиҳалари асосида профессионал ва ҳаваскор бадиий коллективлар, гуруҳлар, ансамбллар, алоҳида ижрочилар билан алмашишга кўмаклашадилар.
Аҳдлашувчи Томонлар санъат арбобларининг, ижодий жамоаларнинг мусиқий, театр, қўшиқ ва фольклор конкурслар, фестивалларга бир-бирларига таклифини рағбатлантирадилар.
Аҳдлашувчи Томонлар театр, эстрада, цирк, кино санъати, тарихий-маданий мерос объектларини муҳофаза қилиш, ҳаваскор халқ ижоди, халқ ҳунармандчилиги соҳасида мутахассислар билан алмашиш ва ҳамкорлик учун қулай шароитлар яратадилар.
Аҳдлашувчи Томонлар кутубхона ишида китоблар, нашрлар, каталоглар ва бошқа ахборот материаллари билан алмашиш орқали ҳамкорлик қиладилар.
Аҳдлашувчи Томонлар маданият ва санъат муассасаларининг ўқитувчилари, олимлар, аспирантлар, шунингдек мутахассислар билан алмашишни амалга оширадилар.
Аҳдлашувчи Томонлар музей иши соҳасидаги ҳамкорликни қўллаб-қувватлайдилар, тасвирий, декоратив-амалий санъат кўргазмалари билан алмашишга кўмаклашадилар.
Ушбу Битимни бажариш мақсадида Ўзбекистон Республикаси Маданият ишлари вазирлиги ва Литва Республикаси Маданият ишлари вазирлиги ўртасида икки томонлама алмашув программалари ишлаб чиқилади.
Ушбу битим 5 йил муддатга тузилади ва Аҳдлашувчи Томонлардан биттаси унинг амал қилишини тўхтатиш нияти тўғрисида бошқа Аҳдлашувчи Томонни тегишли муддат тугашидан олти ой илгари ёзма равишда хабардор қилмагунича ҳар сафар кейинги беш йиллик даврларга ўз-ўзидан узайтирилади.
Ушбу Битим амал қилишининг тўхтатилиши унинг доираларида бошланган ва ушбу Битим амал қилишининг тугатилиш дақиқасига қадар тўлиқ бажарилмаган ҳар қандай ўзаро фаолиятнинг тугатилишига таъсир қилмайди.
Вильнюс шаҳрида 1995 йил 7 июнда икки асл нусхада, ҳар бири ўзбек, литва ва рус тилларида тузилди, барча матнлар бир хил кучга эга.