Ўзбекистон Республикаси Ҳукумати ва Украина Ҳукумати, бундан буён «Томонлар» деб аталади,

иқтисодиётда ва савдо муносабатларида техникавий тўсиқларни бартараф этиш мақсадида,

стандартлаштириш, метрология ва сертификатлаштириш соҳасида, бунда халқаро ташкилотлар томонидан қабул қилинган принцип ва нормалардан келиб чиқиб, ҳамкорликни ривожлантириш ниятида,

иккала Томоннинг иқтисодий манфаатини кўзлаб, қуйидагиларга келишилди:

Томонлар, амалдаги стандартлаштириш, сертификатлаштириш ва ўлчовлар бирлигини таъминлаш давлат тизимларини тан оладилар.

Томонлар:

стандартлаштириш, метрология ва сертификатлаштириш бўйича меъёрий ва маълумот берадиган ҳужжатларни келишилган ҳолда ўзаро тақдим этишни таъминлайдилар;

миллий эталонларнинг физикавий катталиги ҳамда ўлчов воситаларининг илк намуналарини тузиш, такомиллаштириш, солиштириш ва метрологик аттестациядан ўтказиш бўйича ҳамкорликни амалга оширадилар;

бошқа Томон тарафидан ўтказилган давлат синовлари, текширишлари, калибрлашларни, метрологик аттестациядан ўтказиш натижаларини ва ўлчов воситаларининг турини тасдиқлашни тан оладилар;

текшириш ва синов лабораторияларини ҳамда марказларни аккредитлаштиришни ўтказадиган ташкилотларни, шунингдек улар томонидан аккредитлаштирилган ўлчов воситаларини текшириш, синаш ва калибрлаш лабораториялари ва марказларини тан оладилар;

бошқа Томоннинг сертификатлаштириш бўйича идораларини, аккредитлаштирилган синов лабораториялари ва марказларини, ўзаро бир-бирига етказиб берилаётган маҳсулотга сертификатларини ва мувофиқлик белгиларини тан оладилар.

Томонлардан бири, бошқа Томоннинг стандартлаштириш, метрология ва сертификатлаштириш бўйича меъёрий ҳужжатларини, агар уларнинг талаблари амалдаги давлат қонунига кўра, стандартлаштириш, метрология, сертификатлаштириш бўйича миллий идора жорий этган ва ўрнатган тартибга уларнинг талаблари қарама-қарши бўлмаса, қўллаши мумкин.

Томонлар, битимлар, баённомалар ва дастурлар асосида қуйидагиларни назарда тутиб, ҳамкорликни амалга оширадилар:

стандартлаштириш, метрология ва сертификатлаштириш бўйича меъёрий ва услубий ҳужжатларни ишлаб чиқишда биргаликда ҳаракат қилиш;

ходимлар тайёрлаш ва уларнинг малакасини ошириш;

физик катталиклар бирлиги миллий эталонларини ва ўлчов воситаларининг илк намуналарини яратиш, такомиллаштириш ва солиштириш;

моддалар ва материаллар таркиби ва хусусиятларининг стандарт намуналарини, шунингдек физик константлар ва моддалар ва материаллар хусусияти ҳақидаги стандарт маълумотларини яратиш ва қўллаш;

сертификатлаштириш давлат тизимини янада ривожлантириш, такомиллаштириш ва уйғунлаштириш;

стандартлаштириш, метрология ва сертификатлаштириш соҳасида ахборот фаолиятини ривожлантириш.

Ушбу Битимда мўлжалланган ишларни мувофиқлаштириш ва уларни амалга ошириш:

Ўзбекистон Республикасида — Ўзбекистон Республикаси Вазирлар Маҳкамаси ҳузуридаги стандартлаштириш, метрология ва сертификатлаштириш Ўзбекистон давлат марказига,

Украинада — стандартлаштириш, метрология ва сертификатлаштириш бўйича Украина Давлат Қўмитасига юклатилади.

Томонлар, стандартлаштириш, метрология ва сертификатлаштириш соҳасидаги халқаро ташкилотларга киришида ва бу ташкилотларнинг ишида, томонлардан бири шу ташкилотларнинг аъзоси бўлган ҳолда, бир-бирига ёрдам берадилар.

Томонлар, мазкур Битим доирасида амалга ошириладиган ишлар ва илмий-техникавий натижалар ҳақида олинаётган ҳужжатлар ва ахборотларнинг махфийлигини тақдим этаётган Томон шарт қилиб қўйган бўлса, уларнинг махфийлигини таъминлайдилар.

Ҳамкорлик жараёнида Томонлардан бири олаётган илмий-техникавий ахборот, агар иккинчи Томон уни махфийлигини қайд қилмаган бўлса, бемалол фойдаланишлари мумкин. Бу ахборот учинчи бир давлатга фақат уни тақдим этаётган Томон розилиги билан берилиши мумкин.

Мазкур Битим қоидалари зарурат тугилган тақдирда Ўзбекистон Республикаси Вазирлар Маҳкамаси ҳузуридаги стандартлаштириш, метрология ва сертификатлаштириш Ўзбекистон давлат маркази билан стандартлаштириш, метрология ва сертификатлаштириш бўйича Украина Давлат Қўмитаси ўртасида тузилган қўшимча Битимлар ва баённомалар билан аниқлик киритилади.

Мазкур Битим Томонлар ва уларнинг идоралари бошқа давлатлар билан тузган шартномалардан келиб чиқадиган ҳуқуқ ва мажбуриятларга дахлдор эмас.

Мазкур Битимни бажариш ва талқин қилинишига оид барча мунозарали масалалар, турли даражада, ўзаро музокара ва маслаҳатлар йўли билан ҳал қилинади.

Мазкур Битим аниқ бўлмаган муддатга тузилади, у имзоланган кундан кучга киради ва томонлардан бири уни амалдаги ҳаракатини тўхтатиш мақсадини ёзма хабар қилган кундан 6 ой ўтгунга қадар кучга эга бўлади.

Битимнинг амал қилиш муддати бошқа Томон хабар олган кундан бошлаб 6 ойдан сўнг тўхтатилади.

Битим 1995 йил 26 апрелда С. Петербург шаҳрида ҳамма матнлари бир хил кучга эга бўлган ўзбек, украин ва рус тилларида аслига тўғри 2 нусхада тузилди.