Ўзбекистон Республикаси Ҳукумати ва Украина Ҳукумати, бундан кейин «Томонлар» деб аталувчилар,
Ўзбекистон Республикаси ва Украина аҳолиси соғлиғини мустаҳкамлаш ва ҳимоя қилиш масаласига алоҳида эътибор бериб,
давлатларнинг ижтимоий, иқтисодий ривожланишида соғлиқни сақлашнинг ўта муҳим аҳамиятини ҳисобга олган ҳолда,
соғлиқни сақлаш, дори-дармонлар ва тиббий-техника ишлаб чиқариш, иккала мамлакат фуқароларига тиббий ёрдам кўрсатиш соҳасида ҳамкорликнинг долзарблигини эътироф этган ҳолда,
тенг ҳуқуқлилик, суверенитетни ҳурмат қилиш, ўзаро манфаатдорлик ва ўзаро ёрдам қатъиятларидан келиб чиқиб,
Томонлар соғлиқни сақлаш тизимини такомиллаштириш, шу жумладан, фуқароларни тиббий суғурта қилишга ўтиш, соғлиқни сақлашни ташкил қилишнинг бошқа илғор шаклларини ҳаётга татбиқ этиш, тиббий хизмат бозорини барпо қилиш бўйича машваратлар ўтказиш ва тажриба алмашишни кўзлайдилар.
Томонлар инсонпарварлик қатъиятларидан келиб чиқиб, ўзаро беминнат тез санитария-профилактика, даволаш, машварат тиббий ёрдами кўрсатишни таъминлашга аҳдлашдилар.
Томонлар соғлиқни сақлаш ва тиббиёт фанининг қуйидаги соҳалари бўйича ўзаро фойдали ҳамкорликни ривожлантиришга аҳдлашдилар:
аҳолига, жумладан, Чернобиль атом электр станцияси аварияси қатнашчиларига ихтисослаштирилган тиббий ёрдам кўрсатиш;
дори-дармонлар, ташхис воситалари, иммунобиологик препаратлар ишлаб чиқариш, шунингдек, тиббиёт маҳсулотларини расмий рўйхатга олиш, уларга сертификат бериш ва улар сифатини текшириш соҳасида ҳамкорлик қилиш;
экспериментал, клиник ва профилактик тиббиёт соҳасидаги асосий ва амалий илмий тадқиқот ишларини ривожлантириш.
Томонлар шартнома асосида тиббиёт, таълим ва илм ходимларини тайёрлаш ва улар малакасини ошириш учун шароит яратиб берадилар.
Ўзбекистон ва Украина соғлиқни сақлаш вазирликлари санитария хизмати бошқармалариаро тўғридан-тўғри алоқалар ўрнатадилар, санитария-эпидемиология хизмати ходимларини ахборот ва стажировка курсларига қабул қиладилар, санитария-эпидемиология хизмати фаолиятини такомиллаштириш бўйича тажриба алмашадилар.
Томонлар шартнома асосида тиббиёт техникаси етказиб бериш, Ўзбекистон ва Украина корхоналарида уларни ишлаб чиқариш буюртмаларини қабул қилиш, тиббий техникани монтаж қилиш ва ишга тушириш масалаларида ҳамкорлик қилиш, «Тибтехника» тизимидаги муҳандис техник ходимларни тайёрлаш ва улар малакасини оширишни амалга оширишда ёрдам беришга аҳдлашдилар.
Томонлар ўзаро манфаатдорлик асосида ўз давлатлари фуқароларини Ўзбекистон ва Украина санатория ҳамда курортларида даволанишга юборишлари мумкин.
Ушбу Битимни амалга ошириш мақсадида Томонлар соғлиқни сақлаш соҳасида ҳамкорлик бўйича Кенгаш тузадилар, унинг мажлислари зарурият бўлганда навбатма-навбат Ўзбекистон Республикаси ва Украинада ўтказилиб турилади.
Агар Томонлардан бири белгиланган муддат тугашидан икки ой бурун иккинчи Томонга ўзининг ушбу Битимнинг амалини тўхтатиш ниятини билдирмаса, Битимнинг амали ўз-ўзидан кейинги бир йиллик муддатларга узаяди.
Мазкур Битимнинг тугалиши шу Битим доирасида бошланган лойиҳаларнинг охирига етказилишига таъсир қилмайди.
Тошкент шаҳрида 1995 йил 20 июнда ҳар бири икки нусхада ўзбек, украин ва рус тилларида тузилди, бунда барча матнлар бир хил кучга эга.