Ўзбекистон Республикаси Ҳукумати ва Украина Ҳукумати, кейинчалик «Томонлар» деб аталадилар,
илмий даражалар ҳақидаги ҳужжатларни эътироф этиш ва тенглаштириш, илмий даражаларни қиёслаш принциплари тўғрисида келишувларга асосланиб;
юқори малакали илмий ва илмий-педагог ходимларни аттестациядан ўтказиш соҳасида ҳамкорликни давом эттиришга бўлган интилишни тасдиқлаб;
Томонлар юқори малакали илмий ва илмий-педагог ходимларни аттестациядан ўтказиш тизимлари ва талабларини ривожлантиришнинг миллий концепцияларини ишлаб чиқишда ўзаро маслаҳатлашишлар ўтказадилар.
Томонлар илмий ходимларнинг ихтисосликлари миллий рўйхатларни (номенклатураларни) ишлаб чиқиш ва ўз давлатлари ҳудудида илмий даражалар берувчи кенгашлар тармоқларини ташкил этиш ҳақида ўзаро бир бирларини хабардор қилиб турадилар.
Томонлар юқори малакали илмий ва илмий-педагог ходимларни аттестациядан ўтказишнинг давлат тизимида илмий даражалар талабгорларига қўйиладиган асосий талабларнинг бир-бирига таққослаш имкониятини таъминлайдилар.
Томонлар юқори малакали илмий ва илмий-педагог ходимларни аттестациядан ўтказиш соҳасида ҳамкорликни қуйидаги йўллар билан ривожлантирадилар:
бир Томоннинг илмий даражаларга талабгорларини бошқа Томоннинг давлат ҳудудидаги илмий даражалар берувчи кенгашларда диссертация ҳимоя қилишлари учун тенг имкониятлар яратиш;
юқори малакали илмий ва илмий-педагог ходимларни аттестациядан ўтказиш давлат тизимларидаги ўзгаришлар ҳақида ўз вақтида бир-бирларини хабардор қилиб туриш, ушбу ходимлар аттестацияси бўйича тегишли норматив актлар ва бошқа ҳужжатларни ўзаро алмаштириб бориш.
ўз мамлакатларининг етакчи олим ва мутахассисларини бошқа мамлакатнинг илмий даражалар берувчи кенгашларининг ишида, ҳамда диссертациялар ҳимоясида оппонентлар сифатида қатнашишларига;
ўз мамлакатининг илмий даражалар берувчи кенгашларида ҳимоя қилинган диссертацияларни бошқа мамлакатнинг илмий даражалар берувчи кенгашларида қўшимча экспертизадан ўтказиш учун ёрдам беради.
Томонлар ўз давлатлари ҳудудида бошқа Томоннинг тегишли давлат идораси томонидан илмий даражалар берилганлиги ҳақидаги давлат намунаси шаклидаги малака ҳужжатларини эътироф этади.
Берилган илмий даражалар ҳақидаги давлат намунаси шаклидаги ҳужжатларнинг эътироф этилиши, шу ҳужжатлар эгаларига Томонларнинг ўз ҳудудларида миллий малака ҳужжатлари эгаларига бериладиган ҳуқуқлар ҳам ҳеч қандай шартсиз тарқалишини билдирмайди.
Илмий даражалар ҳақидаги давлат намунаси шаклидаги малака ҳужжатларини тенг бараварлиги ҳужжат эгаларининг қайта аттестациядан ўтказиш жараёнида белгиланади.
Қайта аттестация талабгор фуқаро бўлган ёки унинг ҳудудида доимий яшаб турган мамлакат давлат аттестация идораси томонидан ўтказилади.
Томонлар юқори малакали илмий ва илмий-педагог ходимларни аттестациядан ўтказиш жараёнларини бошқариш ва такомиллаштириш бўйича тажриба алмашишга бағишланган зарур қўшма тадбирлар ўтказиб турадилар.
Томонларнинг ушбу Битимда қатнашишлари, уларни юқори малакали илмий ва илмий-педагог ходимларни аттестациядан ўтказиш соҳасида ҳамкорликнинг бошқа шаклларидан фойдаланиш ҳуқуқларини чекламайди ва Томонларнинг илмий ва илмий-педагог ходимларнинг давлат аттестация тизимларини мустақил ишлаб туришига халақит бермайди.
Ушбу Битимнинг амалда татбиқ этилишига боғлиқ аниқ масалалар бўйича қўшимча битимлар ва протоколлар имзоланиши мумкин.
Ушбу Битимдан келиб чиқадиган ёки унинг бажарилиши билан боғлиқ бўлган масалалар бўйича келишмовчиликлар вужудга келганда, уларни бартараф қилиш тартиби бўйича Томонлар вакиллари ўзаро маслаҳатлашадилар.
Ушбу Битим бўйича ваколатли орган бўлиб, Ўзбекистон томонидан Ўзбекистон Республикаси Вазирлар Маҳкамаси ҳузуридаги Олий аттестация комиссияси, Украина томонидан эса Украина Олий аттестация комиссияси ҳисобланади.
Ушбу Битим у имзоланган кундан бошлаб кучга киради ва беш йил давомида ҳаракатда бўлади ва агар Томонларнинг биронтаси Битим ҳаракатини тўхтатиш ҳақида ўз истагини иккинчи Томонга Битим муддати тамом бўлишидан олти ой олдин ёзма равишда маълум қилмаса, унинг ҳаракати кейинги беш йиллик муддатларга ўз-ўзидан узайтирилади.
Тошкент шаҳрида 1996 йил 5 декабрда икки нусхада, ҳар бири ўзбек, украин ва рус тилларида тузилди, бунда барча матнлар тенг аутентикдир.