Ўзбекистон Республикаси Ҳукумати ва Вьетнам Социалистик Республикаси Ҳукумати, бундан кейин «Томонлар» деб аталувчилар,

Ўзбекистон Республикаси ва Вьетнам Социалистик Республикаси ўртасида савдо-иқтисодий ва илмий-техникавий ҳамкорликни мустаҳкамлаш ва ривожлантириш истагида,

қуйидаги тўғрисида келишиб олдилар:

Томонлар Ўзбекистон Республикаси ва Вьетнам Социалистик Республикаси ўртасида ҳамкорликни савдо-иқтисодий муносабатлар ва илмий-техникавий алоқалар соҳасида ҳамкорликни ривожлантириш вазифаларини муваффақиятли бажариш мақсадида бундан кейин «Комиссия» деб аталувчи савдо-иқтисодий ва илмий-техникавий ҳамкорлик бўйича ўзбек-вьетнам Ҳукуматлараро комиссияни тузадилар.

Комиссия ушбу Битим, шунингдек унинг биринчи мажлисида тасдиқланган Комиссия тўғрисидаги низомга мувофиқ ўз фаолиятини амалга оширади.

Комиссия:

1. Икки томонлама савдо-иқтисодий ҳамкорликни, икки мамлакат манфаатдорлигини ҳисобга олган ҳолда, тенглик ва ўзаро фойда асосида ривожлантириш ва такомиллаштиришга қаратилган таклифларни тайёрлайди ва чора-тадбирларни қабул қилади.

2. Ўзбекистон Республикаси ва Вьетнам Социалистик Республикаси ўртасида илмий-техникавий ҳамкорликни кенгайтириш ва чуқурлаштиришга, техник ҳужжатларни ўзаро алмашишга, икки мамлакатдаги илмий-техника соҳасидаги ютуқлар тўғрисида тегишли ахборот билан алмашишга қаратилган таклифларни ишлаб чиқишга кўмаклашади.

3. Икки давлат вазирлик, идора, ташкилот, муассаса, минтақа ва хўжалик субъектлари ўртасида турли даражадаги ўзаро қизиқиш уйғотувчи ҳамкорлик дастурларини ишлаб чиқиш ва бажаришга кўмаклашади.

4. Икки мамлакат ўртасида тузилган савдо-иқтисодий ва илмий-техникавий ҳамкорлик тўғрисидаги битимларни, шунингдек ушбу соҳалардаги ўзининг қарорларини бажариш бўйича назорат олиб боради ва уларни муваффақиятли бажаришга қаратилган чора-тадбирларни қабул қилади.

Комиссия ҳар бир Томондан тайинланган раислар томонидан бошқарадиган миллий қисмлардан иборат.

Комиссия доирасида савдо-иқтисодий ва илмий-техникавий ҳамкорликнинг турли йўналишлари бўйича подкомиссия ва ишчи гуруҳлар тузилиши мумкин.

Миллий қисмлар раислари Комиссиянинг ўз қисмлари шахсий таркиби ва унинг кейинги ўзгаришлар тўғрисида бир-бирларини ўзаро хабардор қиладилар.

Томонлар:

Комиссия ўзининг мажлисларини иш тартибда келишилган муддатларда, одатда, йилда камида бир марта навбатма-навбат Ўзбекистон ва Вьетнамда ўтказади, уларда қабул қилаётган Томон раислик қилади;

Комиссиянинг мажлисларини ўтказиш бўйича харажатларни мажлис қайси мамлакат ҳудудида ўтказилаётган бўлса ўша Томон қоплайди;

Комиссия мажлисларининг иштирокчилари, шунингдек доимий ва вақтинчалик органларининг аъзоларининг йўл ва яшаш, шу жумладан меҳмонхонада туриш харажатларини ўз вакилларини йўллаётган Томон қоплайди.

Ушбу Битимга Томонларнинг ўзаро келишувига асосан ўзгаришлар ва қўшимчалар киритилиши мумкин.

Ушбу Битим имзоланган кундан кучга киради ва бир Томон бошқа Томоннинг ушбу Битимнинг амал қилишини тўхтатиш истаги тўғрисидаги ёзма хабарномасини олган кундан сўнг олти ой ўтгунга қадар амалда бўлади.

Ханой шаҳрида 1996 йил 28 мартда, икки нусхада, ҳар бири ўзбек, вьетнам ва рус тилларида имзоланди, бунда ҳамма матнлар бир хил кучга эга.

Ушбу Битим мазмунини талқин қилишда рус тилидаги матн қўлланади.