Қуйида «Томонлар» деб аталувчи Ўзбекистон Республикаси Ҳукумати ва Молдова Республикаси Ҳукумати,
Ўзбекистон Республикаси ва Молдова Республикаси халқлари ўртасида маданият ва санъат соҳасидаги дўстона алоқаларни ва ҳамкорликни келгусида ривожлантириш ва мустаҳкамлашга интилиб,
маданият ва санъат соҳасидаги алоқалар иккала мамлакат халқларни туб манфаатларига жавоб беришига ва дўстлик, яхши қўшничилик муносабатларини ва ўзаро фойдали ҳамкорликни келгусида ривожлантиришга кўмаклашишга ишонч билдириб,
ўз миллий давлат тузилмаларидан ташқарида яшовчи фуқароларнинг эҳтиёж ва манфаатларини эътиборга олиб,
Томонлар, Ўзбекистон ва Молдова халқларининг кўп асрлик маданий ва маънавий алоқаларига таяниб, улар ўртасида маданият ва санъат соҳасидаги ҳамкорликни бундан буён ҳам ривожлантиришга кўмаклашадилар.
Томонлар Ўзбекистон Республикасида Молдова маданияти кунларини ва Молдова Республикасида Ўзбекистон маданияти кунларини ўтказишга кўмаклашадилар.
Томонлардан ҳар бири ўз фуқароларига иккинчи Томоннинг маданияти билан танишишлари учун кенг йўл очиб беришни таъминлайди.
Томонлар маданият давлат муассасалари ва жамоат ташкилотлари ўртасида бевосита ҳамкорлик ва тўғридан-тўғри алоқалар ўрнатишга, уларни кенгайтириш ва кучайтиришга, манфаатдор идоралар ўртасида тажриба алмашишга кўмаклашадилар.
Томонлар икки томонлама дастурлар ва маданий ҳамкорлик қилиш лойиҳалари асосида бир-бирларига профессионал ва бадиий ҳаваскорлик жамоалари, гуруҳлари, ансамбллари, алоҳида ижрочилар таклиф қилинишига кўмаклашишига тайёр эканини билдирадилар.
Ижрочилик санъати соҳасида Томонлар фестиваллар, кўриклар, жамоалар ва солистларнинг гастролларини уюштиришга, ўзбек ва молдован муаллифлари мусиқали ва драматик саҳна асарларининг саҳналаштирилишига кўмаклашадилар.
Томонлар театр, эстрада, цирк ва кино санъати, тарихий-маданий меросни муҳофаза қилиш, ҳаваскорлик халқ ижодиёти, халқ ҳунармандчилиги соҳаларида алмашувлар ва ҳамкорлик қилиш учун қулай шарт-шароитлар яратиш мажбуриятини оладилар.
Томонлар маданият ва санъат соҳасидаги давлат ва жамоат бирлашмалари ҳамкорлигини қўллаб-қувватлаш ва мувофиқлаштиришга қаратилган маданий акцияларни ташкил этадилар ва ўтказадилар, дастурлар, амалий лойиҳаларни ишлаб чиқадилар ва уларни амалга оширадилар.
Томонлар кутубхоначилик ишида китоблар, нашрлар, каталоглар, бошқа ахборот материалларини алмашиш йўли билан ҳамкорлик қиладилар.
Томонлар маданият ва санъат ўқув юртлари ўқитувчилари, санъатшунослик илмий-тадқиқот институтлари мутахассислари, шунингдек, аспирантлари ва олимлари билан алмашишни амалга оширадилар.
Томонлар музей иши соҳасидаги ҳамкорликни қўллаб-қувватлайдилар, давлат тўпламлари, коллекциялари ва жамғармаларида сақланаётган тарихий-маданий бойликлар тўғрисида тўлиқ ахборотлар қилишни таъминлайдилар.
Бозор иқтисодиёти шароитида маданият масалалари ва муаммоларига ёндашишни ўрганиш мақсадида Томонлар тажриба алмашиш, келишув бўйича Томонлардан ҳар бирида конференциялар, давра суҳбатлари, бошқа тадбирларни ўтказишга аҳдлашдилар.
Ушбу Битимни бажариш мақсадида Ўзбекистон Республикаси Маданият ишлари вазирлиги ва Молдова Республикаси Маданият вазирлиги ўртасида ҳамкорликнинг икки томонлама алмашув дастурлари ва иш режалари ишлаб чиқилади ва тайёрланади.
У Томонлардан бири унинг амал қилишини тўхтатиш ҳақида тегишли муддат тугашидан камида олти ой олдин иккинчи Томонни ёзма равишда хабардор қилмагунга қадар, ҳар сафар ўз-ўзидан кейинги 5 йиллик даврга узайтирилади.