Ўзбекистон Республикаси Ҳукумати ва Белорус Республикаси Ҳукумати, бундан буён «Томонлар» деб аталади,
иқтисодий, савдо ва бошқа муомалалардаги, техникавий тўсиқларни бартараф этиш, стандартлаштириш, метрология ва сертификатлаштиришнинг аҳамиятини ҳисобга олиб,
унинг инсон ҳаёти ва соғлиғига хавфсизлигини таъминлаш, атроф муҳитни муҳофаза қилишнинг аҳамиятини инобатга олиб,
Томонлар, стандартлаштириш, метрология ва сертификатлаштириш миллий тизимини ҳаракатга келтириш ва шакллантиришда тўла мустақилликка эга бўлган ҳолда,
баҳамжиҳатлик билан стандартлаштириш давлат тизимини, ўлчовлар бирлигини таъминлаш тизимини ва сертификатлаштиришнинг миллий тизимларини тан оладилар ва уларни такомиллаштира борган ҳолда максимал даражада уйғунлашувига ҳаракат қиладилар,
физикавий миқдорлар бирлигининг миллий эталонларини тан оладилар, энг кўп наф келтирадиган ҳолатда ўзаро биргаликда фойдаланишга йўл қўядилар,
ўлчов воситалари Давлат реестрларини, аккредитация қилинган текширув лабораторияларни ўзаро тан оладилар,
моддалар таркиби ва хусусиятларининг стандарт намуналарини ва материалларни яратиш ва фойдаланишда, шунингдек моддалар ва материалларнинг хоссалари тўғрисида стандарт-ахборот маълумотларини яратиш ва фойдаланишда ўзаро биргаликда ҳаракат қиладилар, сертификатлаштириш бўйича идоралар, аккредитация қилинган синов лабораториялари, сертификатлар ва сертификатлаштириш миллий тизими асосида ўзаро маҳсулот етказиб беришнинг мослик белгисини тан оладилар.
Томонлар, юқорида кўрсатилган соҳалар бўйича ҳар хил талаблар бўйича келишилган шартларда меъёрий техникавий ҳужжатларни ўзаро бир-бирларига тақдим этадилар,
ҳар бир мамлакатда стандартлаштириш, метрология, сертификатлаштириш бўйича миллий идораларнинг махсус нашрларида фаолиятнинг барча соҳаларида ушбу амалий ҳамкорликни юзага чиқариш ва уни амалга ошириш дастурлари ҳақида ахборотлар бериб турадилар.
Ўзбекистон Республикасида — Ўзбекистон Республикаси Вазирлар Маҳкамаси ҳузуридаги стандартлаштириш, метрология ва сертификатлаштириш Ўзбекистон давлат марказига;
Белорус Республикасида — Белорус Республикаси Вазирлар Кенгаши ҳузуридаги стандартлаштириш, метрология ва сертификатлаштириш бўйича Қўмитага юклатилади.
Томонлар, Томонлардан бири аъзо бўлган у ёки бу ташкилотда иштирок этишга ёки шундай ташкилотга киришига бир-бирига ёрдам берадилар.
Томонлар, мазкур Битим доирасида амалга ошириладиган ишлар ва эришилган илмий-техникавий натижалар тўғрисида олинаётган ҳужжатлар ва ахборотларнинг махфийлигини шарт қилиб қўйган бўлса, уларнинг махфийлигини таъминлайдилар.
Томонлардан биттаси ҳамкорлик давомида олаётган илмий-техникавий ахборотни, бошқа бир Томон у ахборотнинг махфийлиги тўғрисида у Томонни огоҳлантирмаган бўлса, эркин фойдаланиши мумкин. Бу ахборот уни тақдим этган Томонларнинг розилиги билан учинчи давлатга берилиши мумкин.
Мазкур Битим қоидалари лозим топилган тақдирда Ўзбекистон Республикаси Вазирлар Маҳкамаси ҳузуридаги стандартлаштириш, метрология ва сертификатлаштириш Ўзбекистон давлат маркази билан Белорус Республикаси Вазирлар Кенгаши ҳузуридаги стандартлаштириш, метрология ва сертификатлаштириш бўйича Қўмита ўртасида тузилган қўшимча Битимлар (баённомалар) билан аниқлик киритилади.
Мазкур Битим Томонлар ва уларнинг стандартлаштириш, метрология ва сертификатлаштириш соҳасидаги ташкилотлар билан илгари тузилган шартномаларига дахлдор эмас.
Мазкур Битим қоидаларини томонлар орасида талқин қилинишига оид баҳслар, ўзаро консультация ва турли даражадаги музокаралар йўли билан ҳал қилинади.
Мазкур Битим чегараланмаган муддатга тузилади, у имзоланган кундан кучга киради ва Томонлардан бири иккинчи Томонга ўзининг бу Битим ҳаракатини тўхтатиш хоҳиши ҳақида ёзма равишда хабар қилган кундан 6 ой муддат ўтганига қадар амал қилади.