Озиқ-овқат саноатининг янада барқарор ривожланишини таъминлаш, республика корхоналари, ижтимоий соҳа муассасалари ва аҳолисининг эҳтиёжларини қондириш мақсадида Вазирлар Маҳкамаси қарор қилади:

1. Ўзбекистон Республикаси Давлат божхона қўмитасига, истисно тариқасида, Ўзбекистон Республикаси Вазирлар Маҳкамасининг 2012 йил 8 июндаги 167-сон «Мамлакатимизда шакар ишлаб чиқаришни кенгайтириш чора-тадбирлари тўғрисида»ги қарорига мувофиқ, «Ангрен шакар» МЧЖ ХК томонидан олиб кирилаётган товарларни божхона тўловлари бўйича имтиёзларни қўллаган ҳолда, экспорт божхона юк декларациясини мажбурий тақдим этмасдан божхона расмийлаштируви ўтказишга рухсат берилсин.

2. Ушбу қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.