Ўзбекистон Республикаси Ҳукумати ва Корея Республикаси Ҳукумати (қуйида «Аҳдлашувчи Томонлар» деб аталиб),
маданият, санъат, таълим, фан, ахборот ва спорт соҳаларидаги ҳамкорлик иккала мамлакат халқлари ўртасидаги ўзаро тушунишни кўтаришга ёрдам қилишига ишонч билдириб,
Аҳдлашувчи Томонлар таълим ва фан соҳасида ўз мутахассислари ўртасидаги ўзаро тушунишни чуқурлаштиришга ва бу соҳадаги ҳамкорликка:
а) профессорлар, университет ва бошқа олий ўқув юртларининг илмий-тадқиқот ишлари билан шуғулланувчи мутахассислари ташрифлари билан алмашиш;
б) бошқа Томон ташкил этадиган семинарлар, симпозиумлар ишида аспирантлар, университет ва бошқа таълим муассасалари мутахассислари иштирок этиши;
в) ўзаролик асосида, тегишли мамлакат маъмурлари ва муассасалари томонидан бошқа мамлакат фуқароларига стипендиялар бериш ва
г) Аҳдлашувчи Томонларни қизиқтирган таълим ва фан соҳасида биргаликда тадқиқот ишлари олиб бориш ва тажрибалар ўтказишни рағбатлантириш йўли билан ёрдам берадилар.
в) артистлар, ёзувчилар ҳамда маданий ва артистлик фаолияти билан шуғулланувчи бошқа шахсларнинг ташрифлари билан алмашишни рағбатлантириш йўли билан маданият соҳасидаги ўзаро алмашувни кучайтиришга ҳаракат қиладилар.
Аҳдлашувчи Томонлар Ўзбекистон билан Кореянинг дўстлик ва маданий муносабатларини мустаҳкамлаш мақсадида жамоат ташкилотлари ўртасида ҳамкорликнинг ривожланишини рағбатлантирадилар, ўз мамлакатларининг амалдаги қонун-қоидаларига мувофиқ маданий муассасалар тузишни енгиллаштирадилар.
Аҳдлашувчи Томонлар бошқа мамлакат ҳақида тўғри ва ҳаққоний ахборотга эга бўлиш мақсадида бошқа мамлакатга тааллуқли тарихий ва жуғрофий фактларнинг барча расмий нашрларда, чунончи ўқув қўлланмалари, энциклопедиялар, ҳужжатлар, газета ва бошқа материалларда баён қилинишига лозим эътибор берадилар.
Аҳдлашувчи Томонлар расмий тан олинган спорт ва ёшлар ташкилотлари ўртасида ҳамкорликка кўмаклашадилар.
Аҳдлашувчи Томонлар иккала мамлакатнинг радио, кино, телевидение ва ахборот муассасалари ўртасидаги бевосита алоқаларни рағбатлантирадилар.
Аҳдлашувчи Томонлар зарур ҳолларда, ушбу Битимнинг бажарилишига тааллуқли масалаларни муҳокама қилиш ва алмашиш бўйича аниқ дастурлар тайёрлаш ёки ушбу Битим қоидаларини амалга ошириш бўйича қўшимча келишувларга эришиш мақсадида ўзаро маслаҳатлашувлар ўтказадилар.
Аҳдлашувчи Томонлар бир-бирларига дипломатик каналлар орқали ушбу Битимнинг кучга кириши учун зарур конституциявий таомилларнинг тугаганлиги тўғрисида хабар берадилар. Битим охирги хабарни олган муддатдан бошлаб кучга киради.
Ушбу Битим беш йил ичида ўз кучини сақлайди ва Аҳдлашувчи Томонлардан бири унинг амал қилиш муддати тугашидан олти ой олдин бошқа Томонга Битим амалини тўхтатиш истагини ёзма равишда билдирмагунга қадар битим кейинги беш йиллик даврларга автоматик тарзда узайтирилади.
Ушбу Битимнинг кучдан тўхташи мазкур Битим билан боғлиқ ва унинг амалдаги муддатида бажарилмай қолган лойиҳа ва дастурларга таъсир қилмайди.