«Давлат статистикаси тўғрисида»ги Ўзбекистон Республикаси Қонунига мувофиқ ҳамда Ўзбекистон Республикаси Президентининг «Ўзбекистон Республикаси Макроиқтисодиёт ва статистика вазирлигини қайта ташкил этиш тўғрисида» 2002 йил 24 декабрдаги ПФ-3183-сон Фармонини бажариш юзасидан, шунингдек республика статистика органлари фаолиятини ташкилий таъминлаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Давлат статистика қўмитаси тизими тузилмаси 1-иловага мувофиқ;

Ўзбекистон Республикаси Давлат статистика қўмитаси марказий аппаратининг ташкилий тузилмаси 2-иловага мувофиқ тасдиқлансин.

2. Ўзбекистон Республикаси Давлат статистика қўмитаси марказий аппарати штатдаги ходимларининг чекланган сони 128 нафар (хизмат кўрсатувчи ходимлардан ташқари) этиб белгилансин.

Ўзбекистон Республикаси Давлат статистика қўмитасида раиснинг бир нафар биринчи ўринбосари, раиснинг уч нафар ўринбосари ҳамда етти кишидан иборат Ҳайъат бўлишига рухсат этилсин.

Ўзбекистон Республикаси Давлат статистика қўмитаси раиси вазир мақомига, Ўзбекистон Республикаси Давлат статистика қўмитаси раисининг биринчи ўринбосари ва ўринбосарлари — тегишли равишда вазирнинг биринчи ўринбосарига ва ўринбосарларига тенглаштирилсин.

Ўзбекистон Республикаси Давлат статистика қўмитаси раисига штатдаги ходимларнинг белгиланган сони ва статистика ишларини амалга оширишга ажратиладиган маблағлар доирасида Қўмита тузилмасига ўзгартиришлар киритиш ҳуқуқи берилсин.

3. Қуйидагилар:

Қорақалпоғистон Республикаси, вилоятлар ва Тошкент шаҳар статистика бошқармаларининг, туман (шаҳар) статистика бўлимларининг намунавий тузилмаси 3, 3а, ва 3б-иловаларга мувофиқ;

Ўзбекистон Республикаси Давлат статистика қўмитаси тўғрисидаги низом 4-иловага мувофиқ;

Ўзбекистон Республикаси Давлат статистика қўмитасининг махсус жамғармаси тўғрисидаги низом 5-иловага мувофиқ тасдиқлансин.

4. Ўзбекистон Республикаси Давлат статистика қўмитаси ҳузурида давлат статистикасини ривожлантириш, унинг фаолият кўрсатиши ва уни мувофиқлаштириш муаммолари бўйича коллегиал маслаҳат органи — Статистика кенгаши ташкил этилсин.

Ўзбекистон Республикаси Давлат статистика қўмитаси икки ҳафта муддатда Статистика кенгаши тўғрисидаги низомни белгиланган тартибда тасдиқлаш учун киритсин.

5. Белгилаб қўйилсинки:

Ўзбекистон Республикаси Давлат статистика қўмитасининг раиси ва Статистика кенгашининг шахсий таркиби республика Ҳукуматининг тақдимномасига кўра Ўзбекистон Республикаси Президенти томонидан тасдиқланади;

Ўзбекистон Республикаси Давлат статистика қўмитаси, Қорақалпоғистон Республикаси, вилоятлар ва Тошкент шаҳридаги, туманлар ва шаҳарлардаги статистика органлари ва унга бўйсунувчи ташкилотлар Ўзбекистон Республикаси Давлат статистика қўмитасининг ягона тизимини ташкил этади;

Қорақалпоғистон Республикаси, вилоятлар ва Тошкент шаҳар статистика бошқармалари бошлиқлари тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг тақдимномасига кўра Ўзбекистон Республикаси Давлат статистика қўмитаси раиси томонидан лавозимга тайинланади;

туман ва шаҳар статистика бўлимлари бошлиқлари туман ва шаҳар ҳокимларининг тақдимномасига кўра ҳамда Ўзбекистон Республикаси Давлат статистика қўмитаси билан келишилган ҳолда Қорақалпоғистон Республикаси, вилоятлар ва Тошкент шаҳар статистика бошқармалари бошлиқлари томонидан лавозимга тайинланади.

6. Ўзбекистон Республикаси Давлат статистика қўмитасига давлат статистика ҳисоботи шаклларини ва уларни тўлдириш бўйича йўриқномаларни тасдиқлаш юклансин.

Ўзбекистон Республикаси Давлат статистика қўмитаси, мулкчилик шаклларидан қатъи назар, хўжалик юритувчи субъектлар томонидан давлат статистикаси тўғрисидаги амалдаги қонун ҳужжатларига риоя қилиниши, статистика ахбороти ўз вақтида тақдим этилиши, унинг тўлиқлиги ва ишончлилиги устидан қатъий назорат ўрнатсин. Қонун бузилишлари аниқланган ҳолларда айбдор шахсларни жиноий жавобгарликкача жавобгарликка тортиш тўғрисида таклифлар киритилсин.

7. Ўзбекистон Республикаси Давлат статистика қўмитаси бир ой муддатда минтақавий статистика бошқармалари ҳамда туман (шаҳар) статистика бўлимлари ва бошқа ўзига қарашли ташкилотлар тўғрисидаги Намунавий низомларни белгиланган тартибда тасдиқласин.

8. Белгилансинки, Ўзбекистон Республикаси Давлат статистика қўмитаси тизими фаолияти статистика ишларини амалга ошириш учун ажратиладиган давлат бюджети маблағлари, шунингдек хўжалик ҳисобидаги фаолияти маблағлари ҳисобига маблағ билан таъминланади.

9. Белгилаб қўйилсинки, Ўзбекистон Республикаси Давлат статистика қўмитаси:

Ўзбекистон Республикаси Макроиқтисодиёт ва статистика вазирлигининг статистикага оид ваколатлари бўйича;

Ўзбекистон Республикаси Макроиқтисодиёт ва статистика вазирлиги Статистика давлат департаментининг ваколатлари, мажбуриятлари ва мулкий ҳуқуқлари бўйича ҳуқуқий ворис ҳисобланади.

Ўзбекистон Республикаси Давлат статистика қўмитасининг ўз ваколатлари доирасида қабул қилинган қарорларининг вазирликлар, идоралар, хўжалик бирлашмалари, маҳаллий ҳокимият ва бошқарув органлари, мулкчилик шаклларидан қатъи назар, хўжалик юритувчи субъектлар томонидан бажарилиши мажбурий ҳисобланади.

10. Ўзбекистон Республикаси Давлат статистика қўмитаси ходимларини аттестациядан ўтказиш бўйича 6-иловага мувофиқ таркибда комиссия ташкил этилсин.

Аттестация комиссияси бир ой муддатда Ўзбекистон Республикаси Давлат статистика қўмитаси марказий аппарати ходимларини ҳамда Қорақалпоғистон Республикаси, вилоятлар ва Тошкент шаҳар статистика бошқармалари раҳбарларини аттестациядан ўтказсин.

Республика вилоятларида шундай аттестация комиссиялари ташкил этилсин, уларнинг таркибига Ўзбекистон Республикаси Давлат статистика қўмитаси, Иқтисодиёт вазирлиги раҳбарлари, вилоят ҳокимларининг иқтисодиёт ва кадрлар масалалари бўйича ўринбосарлари, ҳудудий Статистика бошқармалари бошлиқлари киритилсин. Ҳудудий комиссиялар икки ой муддатда вилоят статистика бошқармалари, туман ва шаҳар статистика бўлимлари ходимларини аттестациядан ўтказсин.

Аттестация комиссияси раиси (Р.С. Азимов) ўтказилган аттестация натижалари тўғрисида Вазирлар Маҳкамасига ахборот берсин.

11. Халқаро статистика стандартларига мувофиқ кадрларни қайта тайёрлаш ва уларнинг малакасини ошириш мақсадида Ўзбекистон Республикаси Давлат статистика қўмитаси ҳузурида Бозор муносабатлари ўқув-консалтинг маркази базасида Кадрларни қайта тайёрлаш ва статистика тадқиқотлари маркази ташкил этилсин.

Ўзбекистон Республикаси Давлат статистика қўмитаси 2003—2005 йилларда давлат статистика органлари тизими ходимларининг малакасини ошириш, уларни қайта тайёрлаш дастурини икки ой муддатда ишлаб чиқсин ва тасдиқласин.

Кадрларни қайта тайёрлаш ва статистика тадқиқотлари маркази давлат статистикаси ҳудудий органлари, биринчи навбатда, туман ва шаҳар статистика бўлимлари раҳбарларининг уч йилда камида бир марта касб даражаси ва малакаси оширилишини таъминласин.

12. Ўзбекистон Республикаси Олий ва ўрта махсус таълим вазирлиги Ўзбекистон Республикаси Давлат статистика қўмитасининг буюртмаларига мувофиқ давлат статистика органлари учун мутахассислар тайёрланишини таъминласин.

13. Давлат статистика ҳисоботини тақдим этиш тартибини бузганлиги, статистика маълумотларини яширганлиги ва бузиб кўрсатганлиги учун мансабдор шахсларга солинадиган жарималардан шакллантириладиган Махсус жамғармани юритиш Ўзбекистон Республикаси Давлат статистика қўмитасига берилсин.

14. Ўзбекистон Республикаси Давлат статистика қўмитаси раисига, Қорақалпоғистон Республикаси, вилоятлар ва Тошкент шаҳар статистика бошқармалари бошлиқларига давлат статистика органлари тизими ходимларининг юқори малакаси учун уларга ойлик лавозим маоши миқдоридан ортиқ бўлмаган миқдорда устама белгилаш ҳуқуқи берилсин.

Ўзбекистон Республикаси Давлат статистика қўмитасининг махсус жамғармаси маблағлари давлат статистика органлари тизими ходимларининг юқори малакаси учун тўланадиган устамалар манбаи этиб белгилансин.

15. Ўзбекистон Республикаси Молия вазирлиги:

ҳар йили давлат бюджетини шакллантиришда статистика ишларини амалга ошириш, давлат статистика органларининг таъминоти ва моддий-техника базасини мустаҳкамлаш учун зарур маблағларни назарда тутсин;

Ўзбекистон Республикаси Давлат статистика қўмитасига бешта енгил автомобиль харажатлари учун лимит ажратсин.

16. Қуйидагилар:

Ўзбекистон Республикаси Давлат статистика қўмитаси Тошкент шаҳар, Буюк ипак йўли кўчасидаги 63-уйга;

Ўзбекистон Республикаси Давлат статистика қўмитасининг Кадрларни қайта тайёрлаш ва статистика тадқиқотлари маркази Тошкент шаҳар, Буюк ипак йўли кўчасидаги 42а-уйга жойлаштирилсин.

Ўзбекистон Республикаси Макроиқтисодиёт ва статистика вазирлигининг Статистика давлат департаменти ва унга қарашли ташкилотлар эгаллаб турган хизмат бинолари Ўзбекистон Республикаси Давлат статистика қўмитаси ва унга қарашли ташкилотлар ихтиёрида қолдирилсин.

17. Ўзбекистон Республикаси Давлат статистика қўмитаси Ўзбекистон Республикаси Президентининг фармонлари ва фармойишлари, Вазирлар Маҳкамасининг қарорлари ва фармойишлари бир нусхадан мажбурий тартибда юбориладиган ташкилотлар рўйхатига киритилсин.

18. Ўзбекистон Республикаси Адлия вазирлиги Давлат статистика қўмитаси билан биргаликда бир ой муддатда амалдаги қонун ҳужжатларига мазкур қарордан келиб чиқувчи ўзгартириш ва қўшимчалар тўғрисида Вазирлар Маҳкамасига таклифлар киритсин.

19. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Ходимларнинг умумий сони (хизмат кўрсатувчи ходимлардан ташқари) —128 киши.

I гуруҳ (61 туман) — 6-7 киши

II гуруҳ (58 туман) — 5-6 киши

III гуруҳ (83 туман) — 3-4 киши

1. Мазкур Низом Ўзбекистон Республикаси Давлат статистика қўмитасининг мақоми, асосий вазифалари, функциялари, ваколатларини ва фаолиятининг ташкилий асосларини белгилайди.

2. Ўзбекистон Республикаси Давлат статистика қўмитаси «Давлат статистикаси тўғрисида»ги Ўзбекистон Республикаси Қонунига ҳамда Ўзбекистон Республикаси Президентининг «Ўзбекистон Республикаси Макроиқтисодиёт ва статистика вазирлигини қайта ташкил этиш тўғрисида» 2002 йил 24 декабрдаги ПФ-3183-сон Фармонига мувофиқ ташкил этилган.

3. Ўзбекистон Республикаси Давлат статистика қўмитаси статистика соҳасида ривожланишнинг миллий ва минтақавий хусусиятларини ҳисобга олган ҳолда илмий методологияга, халқаро стандартлар ва қоидаларга асосланган яхлит илғор статистика ахбороти тизимини яратишга ва унинг фаолият кўрсатишига йўналтирилган ягона сиёсатни амалга оширувчи, давлат ҳокимияти ва бошқарув органлари, хўжалик юритувчи субъектлар, фуқаролар ва ташкилотларнинг расмий статистика ахборотларига бўлган эҳтиёжини қондирувчи давлат ҳокимияти ижро этувчи органи ҳисобланади.

4. Ўзбекистон Республикаси Давлат статистика қўмитаси ўз фаолиятида:

Ўзбекистон Республикаси Макроиқтисодиёт ва статистика вазирлигининг статистикага оид ваколатлари бўйича;

Ўзбекистон Республикаси Макроиқтисодиёт ва статистика вазирлиги Статистика давлат департаментининг ваколатлари, мажбуриятлари ва мулкий ҳуқуқлари бўйича ҳуқуқий ворис ҳисобланади.

5. Ўзбекистон Республикаси Давлат статистика қўмитаси статистика ишларининг:

ишончлилик, холислик, беғаразлик;

долзарблик, қиёсийлик ва барқарорлик;

қулайлик, очиқ-ойдинлик ва ошкоралик;

статистика ахборотини йиғиш, қайта ишлаш ва умумлаштириш тартибига ҳар қандай аралашишни истисно этиш принциплари асосида ташкил этилишини таъминлайди.

6. Ўзбекистон Республикаси Давлат статистика қўмитаси ўз фаолиятида Ўзбекистон Республикаси Конституцияси ва қонунларига, Олий Мажлис қарорларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, мазкур Низомга ҳамда бошқа қонун ҳужжатларига амал қилади.

7. Ўзбекистон Республикаси Давлат статистика қўмитаси, Қорақалпоғистон Республикаси, вилоятлар ва Тошкент шаҳридаги, туманлар, шаҳарлардаги статистика органлари ҳамда Ўзбекистон Республикаси Давлат статистика қўмитасига қарашли ташкилотлар Ўзбекистон Республикаси Давлат статистика қўмитасининг ягона тизимини ташкил этади.

8. Ўзбекистон Республикаси Давлат статистика қўмитасининг ўз ваколатлари доирасида қабул қилинган қарорларининг вазирликлар, идоралар, ижро этувчи ҳокимият маҳаллий органлари ва хўжалик юритувчи субъектлар томонидан бажарилиши мажбурий ҳисобланади.

Давлат статистика органлари фаолиятига давлат органлари ва жойлардаги давлат ҳокимияти органларининг аралашишига йўл қўйилмайди.

9. Ўзбекистон Республикаси Давлат статистика қўмитаси ўз фаолиятини республика ва маҳаллий ҳокимият органлари, ўзини ўзи бошқариш органлари, жамоат бирлашмалари ва ташкилотлари билан ўзаро боғлиқ равишда амалга оширади.

10. Ўзбекистон Республикаси Давлат статистика қўмитаси мустақил юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга, мустақил балансга, ўз ҳисоб рақамларига, шу жумладан хорижий валютадаги ҳисоб рақамларига эга бўлади.

11. Қуйидагилар Ўзбекистон Республикаси Давлат статистика қўмитасининг асосий вазифалари ҳисобланади:

статистика соҳасида ягона сиёсатни ишлаб чиқиш ва амалга ошириш, статистикани ташкил этишнинг замонавий халқаро статистика стандартларига жавоб берадиган самарали тизимини таъминлаш;

илмий асосланган, бозор иқтисодиёти асосий принципларига жавоб берадиган ягона статистика методологиясини ҳамда миллий ҳисоб рақамларини тузишни таъминловчи ва халқаро статистика стандартларига мувофиқ бўлган кўрсаткичлар тизимини ишлаб чиқиш ва жорий этиш;

жамиятнинг иқтисодий ва ижтимоий ҳаётида рўй бераётган жараёнларни ҳар томонлама характерловчи статистика ва ҳисобот кўрсаткичларининг тезкорлигини, ишончлилигини, холислигини ва изчиллигини таъминлаш;

статистик ахборотнинг қулайлигини, аниқлигини ва ошкоралигини кенгайтириш ишларини амалга ошириш;

статистика ишларини ташкил этишнинг статистика ахборотини йиғиш, қайта ишлаш ва умумлаштириш тартибига ҳар қандай аралашишни истисно қилувчи тизимини яратиш;

ижтимоий-иқтисодий ҳодисалар ва жараёнлар тўғрисидаги статистика ахборотларини йиғиш, қайта ишлаш, тўплаш, сақлаш, умумлаштириш, таҳлил қилиш ва эълон қилишни амалга ошириш;

СНС халқаро методологиясига мувофиқ бўлган миллий ҳисоблар тизимини ишлаб чиқиш, халқаро статистика стандартлари ва қоидаларини ҳисобга олган ҳолда миллий ҳисобларни тузишни ахборотлар билан таъминлаш тизимини шакллантириш;

статистика ишлари давлат буюртмасини тайёрлаш ва унинг бажарилишини таъминлаш, давлат ҳокимияти ва бошқарув органлари эҳтиёжлари, фойдаланувчиларнинг статистика ахборотларига талабини ўрганиш асосида Давлат статистика ишлари дастурларини ишлаб чиқиш ва уларнинг бажарилишини ташкил этиш;

йўналишлар бўйича статистика ахборотларининг таққосланувчанлигини, мамлакатлараро таққосланувчанлигини таъминловчи, ўзаро боғлиқ бўлган иқтисодий-статистик таснифлар тизимини ишлаб чиқиш, жорий этиш ва юритиш;

вазирликлар, идоралар ва ташкилотларнинг статистика соҳасидаги ягона сиёсатни амалга ошириш бўйича фаолиятининг мувофиқлаштирилишини таъминлаш;

республикани, минтақаларни ва тармоқларни иқтисодий ва ижтимоий ривожлантириш дастурларининг, ижтимоий-иқтисодий масалалар бўйича Олий Мажлис қарорларининг, Ўзбекистон Республикаси Президенти фармонларининг, Вазирлар Маҳкамаси қарорлари ва фармойишларининг бажарилишининг статистика кузатувларини амалга ошириш;

давлат органларини ва фуқароларнинг ўзини ўзи бошқариш органларини, юридик шахсларни, давлат муассасаларини ва халқаро ташкилотларни ҳамда жамоатчиликни статистика ахбороти билан белгиланган тартибда таъминлаш;

долзарб ижтимоий-иқтисодий масалалар бўйича методик базанинг ишлаб чиқилишини амалга ошириш, тематик ёзишмаларни, ценз тадқиқотларини ва мониторингни ташкил этиш ва амалга ошириш;

статистика органларини замонавийлаштириш ҳамда статистика ахборотини тезкорлик билан узатишни ва қайта ишлашни таъминловчи замонавий компьютерлар ҳамда ахборот-коммуникация тизимлари ва технологиялари билан қайта жиҳозлаш, статистика бўйича ягона ахборот тизимини янада ривожлантириш, унинг республикадаги бошқа ахборот тизимлари билан ўзаро мувофиқлиги ва боғлиқлигини таъминлаш;

статистика ишларини ташкил этиш учун зарур бўлган иқтисодий-статистик классификаторлар тизимини ҳамда Корхоналар ва ташкилотларнинг ягона давлат реестрини юритиш;

статистика ахборот ресурсларининг хавфсизлигини таъминлаш ва ахборот-ҳисоблаш тизимини рухсатсиз фойдаланишдан ҳимоя қилиш;

барча даражалардаги статистика органлари кадрлари малакасини изчил асосда оширишни ва уларни қайта тайёрлашни таъминлаш;

Ўзбекистон Республикасининг устувор йўналишлар бўйича давлат статистикаси соҳасидаги халқаро мажбуриятларини бажариш ва халқаро ҳамкорлигини ривожлантириш;

хўжалик шартномалари асосида корхоналар ва ташкилотларга дастурлар ишлаб чиқиш бўйича хизматлар ҳамда ахборот-ҳисоблаш хизматлари кўрсатишга доир статистик ва бошқа ишларни бажариш, ноширлик фаолиятини амалга ошириш.

12. Ўзбекистон Республикаси Давлат статистика қўмитаси ўзига юкланган вазифаларга мувофиқ қуйидаги функцияларни амалга оширади:

давлат статистика принципларига риоя этилишини ва халқаро стандартлар ва қоидаларга мувофиқ бўлган статистик методологиянинг ягоналигини таъминлайди;

статистика кузатувлари ва статистик ҳисоб-китоблар методологиясини такомиллаштириш бўйича методологик тадқиқотлар ўтказади;

давлат статистикасини ривожлантиришнинг устувор йўналишларини, уларнинг илмий-методологик, ташкилий-техник, кадрлар ва молиявий таъминотини белгилайди;

статистика ишларининг кўп йиллик ва йиллик Дастурларини ишлаб чиқади ва белгиланган тартибда республика Ҳукуматига тасдиқлаш учун киритади ҳамда уларнинг бажарилишини ташкил қилади;

статистика кузатувлари дастурларини ишлаб чиқади ва тасдиқлайди, уларнинг самарали амалга оширилишини, статистика ахборотларини қайта ишлаш, тўплаш, сақлаш ва тарқатишни таъминлайди;

давлат статистика ҳисоботи шаклларини ва уларни тўлдиришга доир йўриқномаларни ишлаб чиқади ва белгиланган тартибда тасдиқлайди ҳамда идоравий статистика ҳисоботи шаклларини келишиб олади;

энг муҳим ижтимоий-иқтисодий муаммолар бўйича мониторингни ташкил қилади ва амалга оширади;

мамлакатда ва минтақаларда рўй бераётган ижтимоий-иқтисодий жараёнларни комплекс таҳлил қилиш учун статистика кўрсаткичларининг ахборот тизимини шакллантиради;

иқтисодий ислоҳотларнинг боришини, институционал ўзгаришларни, бозор муносабатлари ва бозор инфратузилмасининг вужудга келишини, нархлар динамикасини ва инфляция даражасини, давлат, корхоналар ва иқтисодиёт тармоқларининг молиявий аҳволини, меҳнат бозорлари, инвестиция ва истеъмол товарлари ва хизматлари конъюнктурасини, демографик жараёнларни, меҳнат ресурслари динамикаси ва таркибини, меҳнатга ҳақ тўлаш ва унинг шартларини, ижтимоий гуруҳлар ва даромаддорлик гуруҳлари бўйича аҳоли турмушининг моддий таъминланганлиги даражасини, ижтимоий соҳа, ҳуқуқий тартибот ва экологиянинг аҳволини, иқтисодиёт секторлари ва тармоқлари фаолият кўрсатиши динамикасини, давлатнинг ташқи иқтисодий фаолияти, савдо ва тўлов балансини статистика кузатувларини ва тадқиқ қилишни амалга оширади;

мамлакатдаги энг муҳим иқтисодий ва ижтимоий жараёнлар ва ҳодисаларнинг дастлабки статистик таҳлилини амалга оширади;

бозор муносабатларида иқтисодиётни ва ижтимоий соҳани баравар тавсифлаш ҳамда мувофиқ ахборот тизимлари ва дастурий ресурсларни яратиш учун ягона асосни таъминлаш учун Ўзбекистон Республикаси Давлат статистика қўмитасига биркитилган умумдавлат ва тизим ичидаги классификаторларни ишлаб чиқади ва уларнинг юритилишини таъминлайди;

фойдаланувчиларга умумдавлат классификаторлари ва уларга киритиладиган ўзгартиришлар тўғрисидаги ахборотни белгиланган тартибда тақдим этади;

республикадаги барча хўжалик юритувчи субъектларни тўлиқ ҳисобга олишни ва идентификациялашни ҳамда ахборот ресурсларининг мослигини таъминловчи асосий методологик инструмент сифатида Корхоналар ва ташкилотларнинг ягона давлат регистрини янада ривожлантиришни таъминлайди;

статистика кузатувларини танлов бўйича ташкил этишнинг асоси сифатида статистика кузатувлари субъектларининг асосий мажмуини такомиллаштиради;

статистик фаолият, шу жумладан давлат ахборот тизимлари ва ресурсларини яратиш ҳамда юритиш масалалари бўйича норматив-ҳуқуқий ҳужжатлар лойиҳаларини ишлаб чиқади, келишиб олади ва белгиланган тартибда республика Ҳукуматига ва тегишли органларга киритади;

респондентларни статистика кузатувларини ўтказиш учун зарур бўлган статистика ҳисоботи шакллари бланкалари, уларни тўлдириш бўйича йўриқномалар билан республика бюджетидан ушбу мақсадларга ажратиладиган маблағлар доирасида таъминлайди;

статистика кузатувлари ва расмий статистика ахбороти масалалари бўйича ахборот-тушунтириш ишларини амалга оширади;

миллий қонун ҳужжатларига ва мавжуд халқаро стандартларга ва тавсияномаларга мувофиқ статистика маълумотларининг махфийлигини таъминлайди;

маълумотларни тайёрлаш методларини, тартибини ва сифатини такомиллаштириш негизида барча фойдаланувчиларга очиқ статистика ахборотини тарқатади ва уларни фойдаланиш учун тенг шароитлар билан таъминлайди;

методология ва статистика масалалари бўйича халқаро қоидаларга мувофиқ бўлган ва миллий шароитларга мослаштирилган тадқиқот ишларини ташкил қилади ва амалга оширади;

ижро этувчи ҳокимиятнинг бошқа органлари билан биргаликда Ўзбекистон Республикасининг халқаро ташкилотларда аъзолигидан келиб чиқадиган мажбуриятларни бажаради, жамиятнинг эҳтиёжларига мувофиқ статистика соҳасида халқаро ҳамкорликни амалга оширади, илғор хорижий тажрибани ўрганади, умумлаштиради ва тарқатади.

Ўзбекистон Республикаси Давлат статистика қўмитаси қонун ҳужжатларида белгиланган бошқа функцияларни ҳам бажаради.

13. Ўзбекистон Республикаси Давлат статистика қўмитасига ўзига юкланган функцияларни бажариши учун қуйидаги ҳуқуқлар берилади:

статистика бўйича ягона сиёсатни ўтказиш соҳасидаги фаолиятни мувофиқлаштиришни ва функционал тартибга солишни амалга ошириш;

давлат статистика кузатувлари шаклларини, уларни тўлдириш ҳамда тақдим этиш тартибини тасдиқлаш ва идоравий статистика кузатувлари шаклларини келишиб олиш;

молия, божхона, солиқ органларидан, банклардан, бошқа идоралар ва хизматлардан, юридик шахслардан ва уларнинг ваколатхоналари ва филиалларидан, якка тартибдаги тадбиркорлардан идоравий ҳисобга олиш маълумотларини олиш ҳамда улардан давлат статистика ҳисоботларида статистика мақсадларида фойдаланиш;

молия, божхона, солиқ органларидан ва давлат бошқа ташкилотларидан давлат статистика ишларини амалга ошириш учун зарур бўлган бошқа маълумотларни (уларни ишлаб чиқишнинг ҳар қандай босқичида), шунингдек уларга илова қилинадиган тушунтиришларни талаб қилиш ва олиш;

юридик шахсларни ва якка тартибдаги тадбиркорларни давлат рўйхатидан ўтказишни амалга оширувчи органлардан, фаолиятнинг айрим турларини лицензияловчи органлардан, ижро этувчи ҳокимиятнинг бошқа органларидан, шунингдек бюджетдан ташқари давлат жамғармаларидан таъсис ҳужжатлари нусхаларини ҳамда Корхоналар ва ташкилотларнинг ягона давлат регистрини юритиш учун зарур бўлган юридик шахслар ва якка тартибдаги тадбиркорлар тўғрисидаги маълумотларни олиш;

давлат органлари, юридик шахслар, уларнинг ваколатхоналари ва филиаллари, статистика маълумотлари тақдим этувчи якка тартибдаги тадбиркорлар томонидан бажарилиши мажбурий бўлган норматив ҳужжатларни белгиланган тартибда қабул қилиш;

давлат статистика кузатувлари методологияси ва уларни ташкил этиш, шунингдек расмий статистика ахбороти билан боғлиқ масалалар бўйича ахборот-тушунтириш ишларини амалга ошириш;

статистика ахборотлари ва статистика маълумотларининг нотўғри фойдаланилиши ва талқин қилиниши ҳолларини тушунтириш;

амалдаги қонун ҳужжатларига мувофиқ давлат статистикаси соҳасидаги Ўзбекистон Республикаси қонун ҳужжатларининг барча юридик шахслар ва якка тартибдаги тадбиркорлар томонидан бажарилиши устидан назоратни амалдаги қонун ҳужжатларига мувофиқ амалга ошириш;

олинаётган статистика маълумотларининг тўлиқлиги, ишончлилиги ва холислигини экспертизадан ўтказиш;

Ўзбекистон Республикаси ҳудудидаги муассасалар ва ташкилотларда статистика маълумотларининг ишончлилиги ва тўлиқлигини белгиланган тартибда текшириш. Бузилишлар аниқланган тақдирда уларни бартараф этиш тўғрисида кўрсатмалар бериш ва статистика маълумотларига тегишли тузатишлар киритиш;

статистика маълумотларини тақдим этиш тартиби бузилишига йўл қўйган ҳамда яширин ва ноқонуний ишлаб чиқаришни, пул маблағларининг банкдан ташқари айланишини яширишга ва корхоналар фаолиятини холисона баҳолашнинг бузилишига сабаб бўладиган, унинг муассислари ва акциядорлари манфаатларига зарар келтирадиган нотўғри статистика маълумотларини қасддан тақдим этган шахсларга нисбатан Ўзбекистон Республикаси қонун ҳужжатларига мувофиқ жарима жазолари қўллаш;

нотўғри статистика ҳисоботини нотўлиқ ва қасддан нотўғри тақдим этган ҳолда қўпол қонун бузилишига йўл қўйган шахсларни қонунчиликка мувофиқ маъмурий ва жиноий жавобгарликка тортиш юзасидан белгиланган тартибда таклифлар киритиш;

давлат статистика ҳисоботини тақдим этиш тартиби бузилганлиги учун мансабдор шахслардан ундириладиган жарималар ҳисобига Махсус жамғармани шакллантириш ҳамда ундан белгиланган қоидага мувофиқ фойдаланиш;

Ўзбекистон Республикаси Давлат статистика қўмитаси тасарруфидаги ташкилотларни ташкил этиш, қайта ташкил этиш ва тугатиш тўғрисида Ўзбекистон Республикаси қонун ҳужжатларида белгиланган тартибда таклифлар тайёрлаш ва киритиш, шунингдек ушбу корхоналар ва ташкилотлар тўғрисидаги низомларни (уставларни) тасдиқлаш;

хўжалик шартномалари бўйича, тижорат асосида статистик, таҳлилий, ахборот-ҳисоблаш, ноширлик ва соҳа мавзуси бўйича бошқа ишларни амалга ошириш;

бошқа давлатларнинг статистика идоралари ва халқаро статистика ва бошқа ташкилотлар билан статистика фаолияти масалалари бўйича ҳамкорлик қилиш тўғрисида белгиланган тартибда битимлар тузиш;

статистика соҳасидаги илмий тадқиқотларнинг устувор йўналишларини белгилаш, уларни ишлаб чиқиш учун Ўзбекистон Республикаси илмий муассасаларини, республика ва хорижий мамлакатларнинг бошқа ташкилотларини, шунингдек олимлар ва мутахассисларни белгиланган тартибда жалб этиш;

халқаро статистика ва иқтисодиёт ташкилотлари билан ҳамкорлик қилиш, статистика масалалари бўйича семинарлар ва кенгашлар, шу жумладан халқаро семинар ва кенгашлар ўтказиш ҳамда уларнинг ишида қатнашиш.

Ўзбекистон Республикаси Давлат статистика қўмитаси Ўзбекистон Республикасининг амалдаги қонун ҳужжатларига мувофиқ бошқа ҳуқуқларга ҳам эгадир.

14. Ўзбекистон Республикаси Давлат статистика қўмитаси статистика соҳасидаги ягона сиёсатнинг самарали амалга оширилиши учун жавоб беради.

15. Ўзбекистон Республикаси Давлат статистика қўмитаси ходимлари «Давлат статистикаси тўғрисида»ги Ўзбекистон Республикаси Қонуни талабларини бузганлик учун, шунингдек статистика маълумотларини яширганлик ва бузиб кўрсатганлик учун, ёхуд мазкур қонун бузилишларига кўмаклашганлик учун қонунга мувофиқ маъмурий ва жиноий жавобгарликка тортилади.

16. Ўзбекистон Республикаси Давлат статистика қўмитасига раис раҳбарлик қилади. Раис республика Ҳукуматининг тақдимномасига кўра Ўзбекистон Республикаси Президенти томонидан лавозимга тайинланади ва лавозимдан озод қилинади.

Раис лавозимга ўзининг касб ва техник малакаси асосида уч йил муддатга тайинланади ҳамда у ўзининг касбга номувофиқлиги сабабли белгиланган муддатдан олдин лавозимдан озод этилиши мумкин.

Раиснинг Ўзбекистон Республикаси Вазирлар Маҳкамаси томонидан лавозимга тайинланадиган ва лавозимдан озод қилинадиган тўрт нафар ўринбосари, шу жумладан бир нафар биринчи ўринбосари бўлади.

Ўзбекистон Республикаси Давлат статистика қўмитаси раиси мақомига кўра вазирга, раиснинг биринчи ўринбосари ва ўринбосарлари — тегишли равишда вазирнинг биринчи ўринбосари ва ўринбосарларига тенглаштирилади.

Ўзбекистон Республикаси Давлат статистика қўмитаси раиси Ўзбекистон Республикаси Давлат статистика қўмитасига юкланган вазифаларнинг бажарилиши ва унинг функцияларининг амалга оширилиши учун шахсан жавоб беради.

17. Ўзбекистон Республикаси Давлат статистика қўмитаси раиси:

Ўзбекистон Республикаси Давлат статистика қўмитаси фаолиятига раҳбарлик қилади;

Ўзбекистон Республикаси Давлат статистика қўмитасининг таркибий бўлинмалари тўғрисидаги низомларни тасдиқлайди;

давлат статистика органлари ходимларига нисбатан малака талабларини белгилайди ва уларнинг меҳнатини рағбатлантириш тизимини шакллантиради, юқори малака учун устамалар белгилайди;

зарурат бўлганда Ўзбекистон Республикаси Давлат статистика қўмитаси тузилмасига штатдаги ходимларнинг тасдиқланган сони ва статистика ишларини амалга ошириш учун ажратиладиган маблағлар доирасида ўзгартиришлар киритади;

Қорақалпоғистон Республикаси, вилоятлар ва Тошкент шаҳар статистика бошқармалари раҳбарларини тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари тақдимномасига кўра белгиланган тартибда лавозимга тайинлайди ва лавозимдан озод қилади;

дастурлар бўйича бажариладиган статистика ишлари ҳажмларига мувофиқ молиявий ва моддий-техника ресурсларини тақсимлайди;

Ўзбекистон Республикаси Давлат статистика қўмитаси барча органлари ва бўлинмалари томонидан бажарилиши мажбурий бўлган буйруқлар чиқаради ва кўрсатмалар беради;

статистика органларининг моддий-техника базасини яхшилаш, уларни замонавийлаштириш ҳамда замонавий компьютерлар ва ахборот-коммуникация тизимлари ва технологиялари билан қайта жиҳозлаш чора-тадбирларини кўради;

қонун ҳужжатларида назарда тутилган тартибда ҳамда халқаро ҳуқуқ нормаларига мувофиқ бошқа давлатлар иқтисодиёт идоралари билан статистика методологиясини ва амалиётини такомиллаштириш масалалари бўйича шартномалар тузади, ўзига юкланган вазифалар доирасида халқаро ва хорижий статистика ташкилотлари билан ҳамкорликни амалга оширади;

Ўзбекистон Республикаси қонун ҳужжатлари доирасида ўзига юкланган вазифаларнинг сифатли ва ўз вақтида бажарилишини таъминлаш учун амалдаги қонун ҳужжатлари доирасида бошқа барча зарур чора-тадбирларни кўради.

18. Ўзбекистон Республикаси Давлат статистика қўмитасида 7 кишидан иборат Ҳайъат тузилади. Ҳайъат таркиби белгиланган тартибда тасдиқланади.

Ҳайъат давлат статистикасини ривожлантиришнинг асосий йўналишларини, шунингдек давлат статистикаси органлари фаолиятининг бошқа масалаларини кўриб чиқади.

Ҳайъат қарорлари протоколлар билан расмийлаштирилади ва Ўзбекистон Республикаси Давлат статистика қўмитаси раисининг буйруқлари билан амалга оширилади.

19. Ўзбекистон Республикаси Давлат статистика қўмитаси ҳузурида давлат ҳокимияти органлари, ишбилармон доиралар, илмий жамоатчилик, жамоат ташкилотлари, оммавий ахборот воситалари вакилларидан иборат таркибда давлат статистикасини ривожлантириш, фаолиятини амалга ошириш ва мувофиқлаштириш, шунингдек статистика методологиясини такомиллаштириш ва фойдаланувчиларнинг расмий статистика ахборотига бўлган эҳтиёжини ҳисобга олиш муаммолари бўйича коллегиал маслаҳат органи ҳисобланадиган Статистика кенгаши ташкил этилади.

Статистика кенгаши фаолиятининг ташкилий-техник таъминоти Ўзбекистон Республикаси Давлат статистика қўмитаси томонидан амалга оширилади.

Статистика кенгашининг шахсий таркиби республика Ҳукумати тақдимномасига кўра Ўзбекистон Республикаси Президенти томонидан тасдиқланади.

20. Ўзбекистон Республикаси Давлат статистика қўмитаси ҳузурида юридик шахс ҳуқуқига эга бўлган Кадрларни қайта тайёрлаш ва статистика тадқиқотлари маркази ташкил этилади.

21. Ўзбекистон Республикаси Давлат статистика қўмитасининг мол-мулкини асосий воситалар ва айланма маблағлар, шунингдек қиймати унинг мустақил балансида акс эттириладиган бошқа бойликлар ташкил этади.

22. Ўзбекистон Республикаси Давлат статистика қўмитасини маблағ билан таъминлаш ва унинг моддий-техника таъминоти Давлат статистика ишлари дастурига мувофиқ Давлат бюджети маблағлари ҳисобига амалга оширилади.

Давлат статистика ишлари дастурига киритилмаган қўшимча статистика ишларига ҳақ тўлаш буюртмачилар маблағлари ҳисобига молиялаштирилади.

Фойда (даромад), амортизация ажратмалари, шунингдек бошқа тушумлар Ўзбекистон Республикаси Давлат статистика қўмитасининг молиявий ресурсларини шакллантириш манбалари ҳисобланади.

23. Ўзбекистон Республикаси Давлат статистика қўмитаси ўз фаолиятини ҳар йили Ўзбекистон Республикаси Вазирлар Маҳкамаси томонидан тасдиқланадиган Статистика ишларини бажариш давлат буюртмасига, шунингдек маҳсулотлар, ишлар ва хизматлардан фойдаланувчилар билан тузилган шартномаларга мувофиқ ташкил қилади.

24. Ўзбекистон Республикаси Давлат статистика қўмитаси ўз ишлари натижаларининг тезкор ва бухгалтерия ҳисобини амалга оширади, статистика ҳисоботини юритади.

1. Ушбу Низом «Давлат статистикаси тўғрисида»ги Ўзбекистон Республикаси Қонунига, Маъмурий жавобгарлик тўғрисидаги кодексга ҳамда Ўзбекистон Республикаси Президентининг «Ўзбекистон Республикаси Макроиқтисодиёт ва статистика вазирлигини қайта ташкил этиш тўғрисида» 2002 йил 24 декабрдаги ПФ-3183-сон Фармонига мувофиқ ишлаб чиқилган.

2. Низом Махсус жамғарманинг мақсади ва вазифаларини белгилайди, унинг шакллантирилиши ва фойдаланилиши тартибини назарда тутади.

3. Қуйидагилар:

давлат статистика органларининг моддий-техника базасини мустаҳкамлаш;

давлат статистика органлари мутахассислари малакасини ошириш;

давлат статистика органлари мутахассисларининг статистика маълумотларининг тезкорлиги, ишончлилиги, тўлиқлиги ва сифатини таъминлашдан моддий манфаатдорлигини ошириш воситасида статистика ҳисоботининг ишончлилиги ва тўлиқлигини таъминлашга кўмаклашиш Ўзбекистон Республикаси Давлат статистика қўмитаси махсус жамғармасининг асосий мақсади ҳисобланади.

4. Махсус жамғарма иқтисодий санкциялардан ҳамда давлат статистика ҳисоботини тақдим этиш тартибини бузганлик, статистика маълумотларини яширганлик ва бузиб кўрсатганлик учун мансабдор шахсларга солинадиган жарималардан тушадиган маблағлардан шакллантирилади.

5. Жарималардан олинган маблағларнинг:

15 фоизи — Ўзбекистон Республикаси Давлат статистика қўмитаси жамғармасига;

15 фоизи — Қорақалпоғистон Республикаси, вилоятлар ва Тошкент шаҳар Статистика бошқармалари жамғармаларига йўналтирилади;

70 фоизи — жарима санкциясини белгилаган давлат статистика органига йўналтирилади.

6. Махсус жамғармага тушган маблағлар давлат статистика органларининг махсус ҳисоб рақамларида жамланади.

7. Маблағларнинг Махсус жамғармаларга тўлиқ, тўғри ва ўз вақтида ўтказилиши устидан назорат Ўзбекистон Республикаси Давлат статистика қўмитаси томонидан амалга оширилади.

Маблағларни Махсус жамғармага ўтказиш тартиби бузилганлиги ва ўз вақтида ўтказилмаганлиги учун мансабдор шахслар Ўзбекистон Республикаси қонун ҳужжатларига мувофиқ жавоб берадилар.

8. Махсус жамғармадан:

давлат статистика органларининг моддий-техника базасини ривожлантириш ва мустаҳкамлаш;

давлат статистика органлари кадрлари малакасини ошириш, уларни тайёрлаш ва қайта тайёрлаш;

давлат статистика органлари мутахассисларини моддий рағбатлантириш;

вакиллик харажатлари учун фойдаланилади.

9. Ўзбекистон Республикаси Давлат статистика қўмитаси раиси, Қорақалпоғистон Республикаси, вилоятлар ва Тошкент шаҳар статистика бошқармалари бошлиқлари, туман (шаҳар) статистика бўлимлари бошлиқлари тегишли равишда Махсус жамғарма маблағларини тасарруф этадилар.

10. Махсус жамғарма маблағларидан мақсадли ва қонуний фойдаланилиши устидан назорат Ўзбекистон Республикаси Давлат статистика қўмитаси раиси зиммасига юкланади.

11. Махсус жамғарманинг жорий йилда фойдаланилмаган маблағлари кейинги йилга ўтади ва олиб қўйилмайди.

12. Махсус жамғарманинг молиявий ресурслари алоҳида жорий ҳисоб рақамида ҳисобга олиб борилади.

Махсус жамғарма харажатлари бўйича жорий ҳисоб Бухгалтерия ҳисобининг миллий стандартларига мувофиқ ордер-дафтар тизими бўйича юритилади.

Минтақавий давлат статистикаси органлари чоракдан кейинги ойнинг 15-кунигача Ўзбекистон Республикаси Давлат статистика қўмитасига, ҳисоб ва ҳисоботни юритишнинг тўғрилигини назорат қилиш учун Махсус жамғарманинг шакллантирилиши ва фойдаланилиши тўғрисида чорак ҳисоботлари тақдим этишади.

Махсус жамғарманинг молиялаштирилиши ва фойдаланилиши тўғрисидаги ҳисобот ортиб борувчи якун бўйича тузилади.