Ўзбекистон Республикаси Ҳукумати ва Грузия Республикаси Ҳукумати, бундан кейин Томонлар деб аталадилар,
атроф муҳитни муҳофаза қилиш соҳасидаги ҳамкорликни такомиллаштиришга ва иккала мамлакатнинг миллий ҳамда халқаро экологик дастурларда иштирок этиш бўйича биргаликдаги ҳаракатларини мувофиқлаштиришга йўлланган интилишларининг ўта муҳимлиги ва долзарблигини эътиборга олиб,
Томонлар атроф муҳит соҳасидаги қонунчиликни, норма, нормативлар, стандартларни ҳам уйғунлаштириш дастурини ишлаб чиқадилар.
Томонлар атроф муҳитни ўрганишда, тегишли ахборотни алмашишда, экологик хавфли вазиятлар тўғрисида ўзаро огоҳлантириш тизимини яратишда ҳамкорлик қиладилар.
Томонлар табиат муҳитини ҳимоя қилиш, илмий-техник ишларни, мониторингни амалга ошириш, эксперт ва маслаҳат учрашувларини ташкил этиш соҳасида ҳамкорлик қиладилар.
Томонлар атроф муҳитни муҳофаза қилиш ва табиатдан фойдаланишни давлат томонидан бошқарилиши ҳамда тартибга солиниши, давлат назорати соҳасида ҳамкорлик қиладилар, тегишли иқтисодий механизмлардан фойдаланишда тажриба алмашишни амалга оширадилар, мутахассислар малакасини оширишни ташкил этадилар.
Томонлар тадқиқот ишларини биргаликда амалга ошириш, илмий-тадқиқот ишлари натижаларини алмашиш соҳасида ҳамкорлик қиладилар.
Томонлар атроф муҳитга хавфли таъсир этувчи миллий манбалар тўғрисидаги ахборотлар билан алмашинадилар.
Томонлар фавқулодда экологик вазиятларни ва саноатдаги аварияларни тугатиш бўйича миллий қутқарув хизматлари ҳаракатини мувофиқлаштирадилар.
Томонлар заҳарли, радиоактив чиқитлар ва моддалар жойининг ўзгартирилиши тўғрисидаги ахборотни алмашишни йўлга қўядилар.
Томонлар давлат ҳудудида Томонлардан бири ёки учинчи мамлакатлардан келтирилаётган барча товарлар, материаллар ва технологиялар Томонларнинг табиатни муҳофаза қилиш норма ҳамда стандартларига, бундайлар йўқ бўлган ҳолда эса Европа Иқтисодий Уюшмаси ва Жаҳон Соғлиқни Сақлаш Ташкилоти норма ва стандартларига мувофиқ келиши кераклигига розидирлар. Томонлар товарларни табиатни муҳофаза қилиш талабларига мувофиқлигини қўшимча текшириш ҳуқуқига эгадирлар. Товарларни бир Томондан бошқа Томон давлат ҳудудига ташишда, шунингдек, транзит ташишларда хавфли юкларни ташишга алоқадор халқаро норма ва қоидаларга риоя қилиниши керак. Радиоактив, заҳарли ва бошқа чиқитларни олиб кириш ва транзит ташиш тақиқланади.
Томонлар божхона хизматларининг Қизил китобига киритилган нодир, йўқ бўлиб кетаётган ҳайвонлар, шунингдек ўсимликлар ва улар маҳсулотларининг экспорт ҳамда импорт қилинишига йўл қўймаслик бўйича биргаликдаги ҳаракатларига ёрдам берадилар.
Томонлар экологик тоза технологияларни тарқатишни иқтисодий рағбатлантириш тўғрисидаги битимни имзолаш учун тайёрлайдилар.
Мунозарали масалаларни иккала давлатнинг табиатни муҳофаза қилиш органлари халқаро қоидалар ва нормаларга мувофиқ кўриб чиқадилар.
Меморандум, агар Томонлардан бири унинг амалда бўлишини тўхтатиш тўғрисидаги истагини мазкур Меморандумнинг амалда бўлиш муддати ёки навбатдаги беш йиллик давр тугашидан камида олти ой олдин ёзма тарзда хабардор қилмаса, кейинги беш йиллик даврларга ўзидан-ўзи узайтирилади.