Туман маҳаллий бюджетининг 2013 йилги даромадлари ва харажатлари бўйича асосий кўрсаткичларидан кутилаётган ижроси ҳамда 2014 йилга белгиланган асосий истиқбол кўрсаткичларини муҳокама қилиб, Ўзбекистон Республикасининг «Маҳаллий давлат ҳокимияти тўғрисида»ги Қонуни 24, 25-моддаларига биноан, халқ депутатлари туман Кенгаши қарор қилади:

1. Туман маҳаллий бюджетининг 2013 йилги даромадлар ва харажатлар бўйича асосий кўрсаткичларининг кутилаётган ижроси тўғрисидаги туман ҳокимининг ҳисоботи маълумот учун қабул қилинсин.

2. Туман маҳаллий бюджети 2014 йилги асосий истиқбол кўрсаткичларнинг даромадлар қисми 5335607 минг сўм, харажатлар қисми 14450332 минг сўм, мақсадли субвенция миқдори 9114725 минг сўм миқдорида белгиланганлиги маъқуллансин.

3. Туман ҳокимининг ўринбосари Д. Мамадазимов, туман Давлат солиқ инспекцияси (М. Хужамов) ва Молия бўлими (Б. Норматов) биргаликда туман маҳаллий бюджети даромадлар қисмини солиқ турлари бўйича белгиланган режаларини ошириб бажаришни таъминласин.

4. Туман Молия бўлими (Б. Норматов)га:

2014 йил «Соғлом бола йили» деб номланиши муносабати билан туман маҳаллий бюджетининг 2014 йил биринчи чораги, ярим йиллик ва тўққиз ойлик ижроси якунларига мувофиқ режадан ортиқча тушадиган даромадлар ва маҳаллий бюджет харажатларини мақбуллаштириш ҳисобидан туман аҳолисини ижтимоий ҳимоя қилишга қаратилган зарур тузатишлар киритиб бориш;

бюджет маблағларидан мақсадли фойдаланилиши ва уларнинг асоссиз сарфланишини бартараф этиш юзасидан ғазначилик ижроси тизими воситасида қатъий назорат қилинишини таъминлаш вазифалари юклатилсин.

5. Туман ҳокими ўринбосари (Д. Мамадазимов)га:

тегишли мутасадди ташкилотлар раҳбарлари билан биргаликда бюджет даромадларининг тасдиқланган кўрсаткичлари бажарилишини таъминлаш, туманнинг солиқ солиш базаси кенгайтирилиши ва молиявий салоҳияти мустаҳкамланиши юзасидан зарурий чора-тадбирлар кўриш, бюджет маблағларидан мақсадли фойдаланилиши устидан қатъий назорат ўрнатиш вазифалари топширилсин.

6. Туман ҳокимлиги Молия бўлими (Б. Норматов) ва туман Давлат солиқ инспекцияси (М. Хужамов) билан биргаликда халқ депутатлари туман Кенгашига маҳаллий бюджетнинг ижроси тўғрисида ахборот бериб бориш вазифаси юклатилсин.

7. Ушбу қарор «Янгиобод тонги» газетасида эълон қилинсин.

8. Мазкур қарорнинг ижросини назорат қилиш халқ депутатлари туман Кенгашининг маҳаллий бюджетни шакллантириш ва ижро этиш, маҳаллий солиқлар, йиғимларни белгилаш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси зиммасига юклатилсин.

9. Ушбу қарор 2014 йил 1 январидан эътиборан кучга киради.