Ўзбекистон Республикаси автомобил саноатининг барқарор ривожланишини таъминлаш, «General Motors Uzbekistan» АЖ автомобиллари учун эҳтиёт қисмлар ишлаб чиқариш бўйича юқори технологияли қувватларни яратиш ҳамда Андижон шаҳридаги «Бобур» АЖ ишлаб чиқариш майдонларидан оқилона фойдаланиш мақсадида Вазирлар Маҳкамаси қарор қилади:

1. Қуйидагилар маълумот учун қабул қилинсин:

«Uzavtosanoat» АЖ ва «Austem Co., Ltd» (Корея Республикаси) компанияси томонидан «General Motors Uzbekistan» АЖ янги моделдаги автомобиллари учун ғилдирак дисклари ва шасси қисмларини ишлаб чиқариш бўйича «O‘ZAUTO-AUSTEM» масъулияти чекланган жамияти шаклида қўшма корхона ташкил этилгани;

«O‘ZAUTO-AUSTEM» МЧЖнинг устав фонди иштирокчилар умумий йиғилиши ўтказилган санада 500 минг АҚШ долларига тенг этиб белгилангани, бунда «Ўзавтосаноат» АЖ ва «Austem Co., Ltd» (Корея Республикаси) ҳиссалари тенг улушда — 50 фоиздан тақсимланиши;

2011 йил 1 сентябрга қадар «O‘ZAUTO-AUSTEM» МЧЖ иштирокчилари устав фондни 8,6 миллион АҚШ долларигача оширишни режалаштиргани, бунда уларнинг устав фондидаги улушлари сақланиб қолиши;

«Ўзавтосаноат» АЖ томонидан ташкил этилган «AVTOSANOAT INVEST» МЧЖ ва «erae cs limited» (Корея Республикаси) компанияси томонидан «General Motors Uzbekistan» АЖ автомобиллари учун радиаторлар, кондиционер тизимлари, вентиляция ва иситиш тизимларини ишлаб чиқариш бўйича «O‘ZERAE CLIMATE CONTROL» масъулияти чекланган жамияти шаклида қўшма корхона ташкил этилгани;

«O‘ZERAE CLIMATE CONTROL» МЧЖнинг устав фонди иштирокчилар умумий йиғилиши ўтказилган санада 350 минг АҚШ долларига тенг этиб белгилангани, бунда «AVTOSANOAT INVEST» МЧЖ улуши 60 фоиз, «erae cs limited» компанияси улуши эса 40 фоизни ташкил этиши;

2011 йил 1 сентябрга қадар «O‘ZERAE CLIMATE CONTROL» МЧЖ иштирокчилари устав фондни 7 миллион АҚШ долларигача оширишни режалаштиргани, бунда «erae cs limited» компанияси томонидан қўшимча 2,66 миллион АҚШ доллари миқдорида маблағ киритилиши ва «Ўзавтосаноат» АЖ жамият иштирокчилари таркибига киритилиши ҳамда устав фондидаги улушлар қуйидагича тақсимланиши:

«Ўзавтосаноат» АЖ — 3,99 миллион АҚШ доллари (57 фоиз);

«erae cs limited» (Корея Республикаси) — 2,8 миллион АҚШ доллари (40 фоиз);

«AVTOSANOAT INVEST» МЧЖ — 210 минг АҚШ доллари (3 фоиз).

5. «Austem Co., Ltd» (Корея Республикаси) ва «erae cs limited» (Корея Республикаси) компаниялари томонидан «O‘ZAUTO-AUSTEM» ва «O‘ZERAE CLIMATE CONTROL» МЧЖ ишлаб чиқариш майдонларига оид техник шартлар тақдим этилганлигини ҳисобга олган ҳолда, Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги ҳамда «Ўзавтосаноат» АЖнинг лойиҳаолди ҳужжатларини техник-иқтисодий асосларсиз, бир босқичли тартибда ишлаб чиқиш тўғрисидаги таклифи қабул қилинсин.

6. «Ўзавтосаноат» АЖ икки ой муддатда «General Motors Uzbekistan» АЖ автомобиллари учун ғилдирак дисклари ва шассилар, радиаторлар, кондиционер тизимлари, вентиляция ва иситиш тизимларини ишлаб чиқариш бўйича лойиҳаолди ҳужжатларини ишлаб чиқиб, тасдиқлаш учун Ўзбекистон Республикаси Вазирлар Маҳкамасига киритсин.

7. Ўзбекистон Республикаси Давлат архитектура ва қурилиш қўмитаси белгиланган тартибда лойиҳа-смета ҳужжатларини экспертизадан ўтказишни ҳамда қурилиш-монтаж ишлари сифатини назорат қилишни таъминласин.

8. Ушбу қарор ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклатилсин.