Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига (Ўзбекистон Республикаси Олий Кенгашининг Ахборотномаси, 1993 й., 9-сон 320-модда), Ўзбекистон Республикасининг «Чиқиндилар тўғрисида»ги Қонуни (Ўзбекистон Республикаси Олий Мажлисининг Ахборотномаси, 2002 й., 4-5-сон, 72-модда; 2003 й., 5-сон, 67-модда, 9-10-сон, 149-модда; Ўзбекистон Республикаси қонун ҳужжатлари тўплами, 2007 й., 50-51-сон, 512-модда; 2011 й., 1-2-сон, 1-модда, 36-сон, 365-модда) ва Ўзбекистон Республикаси Вазирлар Маҳкамасининг 2010 йил 28 октябрдаги Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисидаги қарори (Ўзбекистон Республикаси қонун ҳужжатлари тўплами, 2010 й., 42-43-сон) ижросини таъминлаш мақсадида ҳамда Мирзаобод туман ободонлаштириш бошқармасининг 2013 йил 20 апрелдаги 25-сонли санитар тозалик бўйича режа кўрсатгичларини бажариш, туман атроф муҳитини тозалаш ва тозаликни сақлаш учун (ҚМЧ) қаттиқ маиший ҳамда (СМЧ) суюқ маиший чиқиндиларни чиқаришда аҳолидан бир киши учун янги нархга ўтиш ҳисобини тасдиқлаш тўғрисидаги хатини кўриб чиқиб қарор қиламан:

1. Мирзаобод туман Ободонлаштириш бошқармасининг 2013 йил 20 апрелдаги 25-сонли «Мирзаобод туманида тозалаш ва тозаликни сақлаш мақсадида чиқинди нархларини янги тарифларини белгилаш тўғрисида»ги хати инобатга олинсин.

2. Мирзаобод туман Ободонлаштириш бошқармасида тозалаш ва тозаликни сақлаш бўлими режаларини бажариш мақсадида чиқинди учун қуйидаги янги нархлар тасдиқлансин.

а) 1 куб метр (ҚМЧ) қаттиқ маиший чиқинди — 28350,22 сўм;

б) 1 куб метр (СМЧ) суюқ маиший чиқинди — 24753 сўм;

в) аҳолидан 1 киши учун (ҚМЧ) қаттиқ маиший чиқинди — 4252,53 сўм;

г) аҳолидан 1 киши учун (СМЧ) суюқ маиший чиқинди — 3094 сўм;

3. Ушбу қарорни бажарилишини назорат қилиш туман ҳокимининг биринчи ўринбосари А. Баратбоев зиммасига юклатилсин.