Ўзбекистон Республикаси Президентининг «Қишлоқ хўжалиги техникаси ва технологияларини синаш тизимини янада такомиллаштириш чора-тадбирлари тўғрисида» 2013 йил 23 майдаги ПҚ-1972-сон қарорини бажариш юзасидан, шунингдек юқори самарали қишлоқ хўжалиги ва мелиорация техникасини, қишлоқ хўжалиги экинлари етиштиришнинг ресурсларни тежайдиган замонавий технологияларини ишлаб чиқаришга жорий этишни жадаллаштириш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази (кейинги ўринларда Марказ деб аталади) устави 1-иловага мувофиқ;

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази томонидан, қишлоқ хўжалиги ва мелиорация техникасининг янги турларини қўллаган ҳолда, қишлоқ хўжалиги ва мелиорация техникаси ҳамда қишлоқ хўжалиги экинларини етиштириш технологиялари синовларини ўтказиш тартиби тўғрисидаги низом 2-иловага мувофиқ тасдиқлансин.

2. Марказ:

2013 йилнинг 1 октябригача — «Ўзстандарт» агентлиги ва Ўзбекистон Республикаси Қишлоқ ва сув хўжалиги вазирлиги билан биргаликда қишлоқ хўжалиги ва мелиорация техникаси ҳамда технологиялари синовларини ўтказиш соҳасида халқаро стандартларни жорий этиш бўйича комплекс дастурни ишлаб чиқсин ва тасдиқласин;

ҳар йили 1 августгача — келгуси йилда синовдан ўтадиган қишлоқ хўжалиги ва мелиорация техникаси ҳамда технологиялари рўйхатини, шунингдек Марказнинг режалаштирилаётган даврда хўжалик ҳисобидаги фаолиятидан маблағлар тушиши ва улардан фойдаланиш прогнозини шакллантирсин ва Ўзбекистон Республикаси Молия вазирлигига киритсин.

3. Ўзбекистон Республикаси Инновацион ривожланиш вазирлиги:

фундаментал, амалий ва инновация илмий-техника дастурларини шакллантиришда уларга қишлоқ хўжалиги, мелиорация техникаси ва қишлоқ хўжалиги экинлари етиштиришнинг ресурсларни тежайдиган замонавий технологиялари ишлаб чиқилишини ва ишлаб чиқаришга жорий этилишини назарда тутувчи илмий лойиҳалар киритилишини таъминласин;

илмий-техника дастурлари доирасида ишлаб чиқилган қишлоқ хўжалиги ва мелиорация техникаси ҳамда қишлоқ хўжалиги экинларини етиштириш технологиялари синовларининг Марказда мажбурий ўтказилишини амалиётга киритсин.

4. Ўзбекистон Республикаси Қишлоқ хўжалиги вазирлиги, Сув хўжалиги вазирлиги:

қишлоқ хўжалиги ва мелиорация техникаси ҳамда технологияларининг ўтказилган синовлари натижалари бўйича ишлаб чиқилган Марказ тавсияларини, қишлоқ хўжалиги экинларини, экин майдонлари жойлаштирилишини, механизациялаштирилган ишлар ҳажмларининг ва агротехнологияларни ҳисобга олган ҳолда вазирликлар ҳайъатларида кўриб чиқсин, шунингдек уларни республикада ишлаб чиқариш ёки импорт бўйича сотиб олиш юзасидан қарор қабул қилсин;

хар бир минтақанинг тупроқ-иқлим шароитлари хусусиятларидан келиб чиққан ҳолда Ўзбекистон қишлоқ хўжалигини механизациялаш ва электрлаштириш илмий-тадқиқот институтининг тегишли технологик паркларида қишлоқ хўжалиги экинлари етиштиришнинг ресурсларни тежайдиган замонавий технологиялари синовларини ўтказишда Марказга Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳамда халқаро молия институтлари (ХМИ)даги Бошқарувчилар Офислари, Ташқи ишлар вазирлиги, Молия вазирлиги билан биргаликда ХМИ ва донор мамлакатларнинг грантлари ва техник кўмаклашиш маблағларини жалб этишга ёрдам берсин.

5. Ўзбекистон Республикаси Молия вазирлиги республика бюджетидан:

республика корхоналарида серияли ишлаб чиқарилаётган қишлоқ хўжалиги техникасининг даврий синовларини 2014 йил 1 январдан бошлаб ўтказишга;

Марказни синовлар ўтказиш учун жорий йил учун кўзда тутилган зарур қишлоқ хўжалиги техникаси ва транспорт воситалари билан жиҳозлашга — 2013 йилнинг 1 сентябригача, кейинги йил учун — 2014 йилнинг 1 июнигача маблағлар ажратсин.

6. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари ахборот-таҳлил департаментига юклансин.

1. Ушбу Устав Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази (кейинги ўринларда Марказ деб аталади) фаолиятини ташкил этиш тартибини белгилайди.

2. Марказ ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа норматив-ҳуқуқий ҳужжатларга, шунингдек ушбу Уставга амал қилади.

Марказ Ўзбекистон Республикаси Қишлоқ хўжалиги вазирлигига ҳисобот беради.

3. Марказ илмий-тадқиқот фаолиятини амалга ошириш ҳуқуқига эга бўлган давлат муассасаси шаклидаги юридик шахс ҳисобланади, мустақил балансга, банкларда ҳисоб рақамларига, шу жумладан хорижий валютадаги ҳисоб рақамларига, рамзга, штампга ва бланкага, Ўзбекистон Республикаси Давлат герби тасвири туширилган, ўз номи давлат тилида ёзилган муҳрга ва бошқа реквизитларга эга бўлади.

4. Марказнинг расмий номи:

а) давлат тилида:

тўлиқ — Qishloq xoʼjalik texnikasi va texnologiyalarini sertifikatsiyalash va sinash markazi;

қисқача — QTTSM;

б) рус тилида:

тўлиқ — Центр по сертификации и испытанию сельскохозяйственной техники и технологий;

қисқача — ЦИТТ;

5. Жойлашган жойи (почта манзили): Тошкент вилояти, Янгийўл тумани, Гулбаҳор посёлкаси, Ёшлик кўчаси, 5-уй.

6. Қуйидагилар Марказнинг асосий вазифалари ҳисобланади:

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги ва озиқ-овқат таъминоти илмий-ишлаб чиқариш марказининг соҳа илмий — тадқиқот институтлари билан биргаликда қишлоқ хўжалиги ва мелиорация техникаси, қишлоқ хўжалиги экинларини етиштиришнинг ресурсларни тежайдиган замонавий технологиялари синовларини ўтказиш соҳасида янги стандартлар, услубий ҳужжатлар ва тартиботларни ишлаб чиқиш ва амалдагиларини қайта кўриб чиқиш;

сериялаб ишлаб чиқариш тўғрисида қарор қабул қилиш мақсадида қишлоқ хўжалиги ва мелиорация техникасини, уларнинг агрегатлари ва узелларининг тажриба намуналари синовларини ўтказиш;

маҳсулот сифатининг барқарорлигини назорат қилиш ва уни ишлаб чиқаришни давом эттириш имкониятини аниқлаш мақсадида серияли ишлаб чиқарилаётган қишлоқ хўжалиги ва мелиорация техникаси синовларини ўтказиш;

республикада қишлоқ хўжалиги ишлаб чиқаришининг ўзига хос хусусиятларини ҳисобга олган ҳолда уни қўллаш самарадорлигини аниқлаш мақсадида қишлоқ хўжалиги ва мелиорация техникасининг, шу жумладан хорижда ишлаб чиқарилганларининг бошқа турдаги синовларини ўтказиш;

қишлоқ хўжалиги ва мелиорация техникасининг бошқа янги турларини қўллаган ҳолда қишлоқ хўжалиги экинлари етиштиришнинг ресурсларни тежайдиган замонавий технологиялари синовларини ўтказиш;

чет эл ва мамлакатимиз қишлоқ хўжалиги ва мелиорация техникаси тавсифларининг халқаро стандартларга ва техник жиҳатдан тартибга солиш соҳасидаги норматив ҳужжатларга мувофиқлигини аниқлаш мақсадида сертификатлаш ишлари ва синовларини қонун ҳужжатларида белгиланган тартибда ўтказиш.

7. Марказ ўзига юкланган вазифаларга мувофиқ қуйидаги функцияларни амалга оширади:

синовлар ўтказишнинг илғор жаҳон тажрибасини ўрганади ва ресурсларни тежайдиган қишлоқ хўжалиги ва мелиорация техникаси ҳамда технологияларини жорий этишга кўмаклашади;

агротехнология талабларини такомиллаштириш бўйича таклифлар тайёрлайди;

республиканинг турли минтақаларида қишлоқ хўжалиги ва мелиорация техникаси ҳамда технологиялари синовларини ўтказиш режасини тузади;

қишлоқ хўжалиги ва мелиорация техникаси ҳамда технологиялари синовларини ўтказиш юзасидан буюртмачилар билан шартномалар тузади;

республиканинг тупроқ-иқлим шароитларини ҳисобга олган ҳолда қишлоқ хўжалиги ва мелиорация техникаси ҳамда технологияларини қўллаш самарадорлигини ва уларнинг ишончлилигини аниқлайди;

чет эл ва мамлакатимиз қишлоқ хўжалиги ва мелиорация техникаси, уларнинг агрегатлари, узелларининг стандартларга мувофиқлигини аниқлайди;

талабаларни, муҳандис-техник ходимлар ва механизаторларни (операторларни) замонавий қишлоқ хўжалиги ва мелиорация техникаси ҳамда технологияларидан самарали фойдаланиш ва уларга хизмат кўрсатиш кўникмаларига ўқитишни амалга оширади ва уларга сертификатлар беради;

қонун ҳужжатларига мувофиқ бошқа функцияларни амалга оширади.

8. Марказ ўзига юкланган вазифалар ва функцияларни бажариш учун қуйидаги ҳуқуқларга эга:

амалдаги стандартлар, методик ҳужжатларнинг, шунингдек қишлоқ хўжалиги ва мелиорация техникасини, уларнинг агрегатлари ва узелларини ишлаб чиқариш технологиясининг халқаро ва техник жиҳатдан тартибга солиш соҳасидаги норматив ҳужжатларга мувофиқлигини ўрганиш;

бошқарув органларидан (Ўзбекистон Республикаси Сув хўжалиги вазирлиги, «Ўзагротехсаноатхолдинг» АЖ», «Ўзстандарт» агентлиги, «Ўзпахтасаноат» акциядорлик жамияти ва бошқалардан) ҳамда хўжалик юритувчи субъектлардан (қишлоқ хўжалиги машинасозлиги корхоналаридан, таъмирлаш ва сервис корхоналаридан, аккредитация қилинган синаш ташкилотларидан ва бошқалардан) янги норматив ҳужжатларни ишлаб чиқиш ва амалдагиларини қайта кўриб чиқиш учун зарур бўлган маълумотлар ва ахборотларни сўраб олиш;

ўтказилган синовлар натижалари бўйича Ўзбекистон Республикаси Қишлоқ хўжалиги вазирлиги, Сув хўжалиги вазирлигига қишлоқ хўжалиги ва мелиорация техникаси, уларнинг агрегатлари ва узелларини импорт бўйича олиш ва уларнинг янги намуналарини серияли ишлаб чиқаришни ташкил этиш юзасидан, шунингдек қишлоқ хўжалиги ва мелиорация техникасининг янги турларини қўллаган ҳолда қишлоқ хўжалиги экинларини етиштиришнинг ресурсларни тежайдиган замонавий технологияларини жорий этиш юзасидан тавсиялар киритиш;

даврий синовлар ўтказиш учун тайёр маҳсулотлардан, республикада серияли ишлаб чиқарилаётган ёки импорт қилинаётган маҳсулотлардан қишлоқ хўжалиги ва мелиорация техникаси намуналарини танлаб олиш;

бошқа синаш ташкилотларининг ва ишлаб чиқарувчилар, шунингдек етказиб берувчилар маҳсулотларининг қишлоқ хўжалиги ва мелиорация техникаси техник тавсифномаларининг белгиланган техник жиҳатдан тартибга солиш соҳасидаги норматив ҳужжатларга мувофиқлиги юзасидан ўтказилаётган синовларда қатнашиш;

Ўзбекистон Республикаси Вазирлар Маҳкамасига, Ўзбекистон Республикаси Қишлоқ хўжалиги вазирлиги, Сув хўжалиги вазирлиги, «Ўзстандарт» агентлиги ва бошқа ваколатли органларга қонун ҳужжатларида белгиланган тартибда тегишли чоралар кўриш учун, аккредитация қилинган бошқа синаш ташкилотлари, қишлоқ хўжалиги ва мелиорация техникаси, агрегатлар ва узелларни ишлаб чиқарувчилар ҳамда етказиб берувчилар томонидан техник жиҳатдан тартибга солиш соҳасидаги норматив ҳужжатлар талабларининг бузилиши ҳолатлари тўғрисида ахборотлар киритиш;

Ўзбекистон Республикаси Инновацион ривожланиш вазирлигининг устувор давлат грантларини амалга ошириш бўйича танловларда қатнашиш.

9. Марказ қуйидагиларга мажбур:

ўз фаолиятида Ўзбекистон Республикаси қонун ҳужжатларига ва ушбу Уставга амал қилиш;

техника хавфсизлиги бўйича белгиланган қоидаларга риоя этган ҳолда синаш ишларини амалга ошириш.

10. Марказ ўз мажбуриятлари бўйича ўзига тегишли мол-мулк билан жавоб беради.

11. Марказни Ўзбекистон Республикаси қишлоқ хўжалиги вазири томонидан Ўзбекистон Республикаси Вазирлар Маҳкамаси билан келишилган ҳолда лавозимга тайинланадиган ва лавозимдан озод этиладиган директор бошқаради.

Директор ўринбосарлари Марказ директорининг тақдимномасига биноан Ўзбекистон Республикаси қишлоқ хўжалиги вазири томонидан лавозимга тайинланади ва лавозимидан озод этилади.

12. Марказнинг директори:

Марказ фаолиятига раҳбарлик қилади ҳамда Марказга юкланган вазифалар ва функцияларнинг бажарилиши учун шахсан жавоб беради;

белгиланган тартибда Марказнинг штат жадвалини тасдиқлайди ва зарурат бўлганда, Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси билан келишган ҳолда Марказнинг тасдиқланган ташкилий тузилмасига ходимларнинг белгиланган сони доирасида ўзгартиришлар киритиш ҳуқуқига эга;

Марказ ходимларини белгиланган тартибда лавозимга тайинлайди ва лавозимдан озод қилади;

Марказ ходимларининг бажариши мажбурий бўлган буйруқлар, фармойишлар ва йўриқномалар чиқаради, уларнинг бажарилиши юзасидан назоратни ташкил қилади;

қонун ҳужжатларига мувофиқ бошқа ваколатларни амалга оширади.

13. Истиқболли ва жорий режаларни кўриб чиқиш, қишлоқ хўжалиги ва мелиорация техникаси ҳамда технологияларининг барча турларини давлат синовларидан ўтказиш сифатини ошириш, ягона техника сиёсатини ўтказиш, синовлар натижаларини, шунингдек синовлар бўйича норматив-методик ҳужжатларни ишлаб чиқиш ва такомиллаштиришга доир илмий-тадқиқот ишлари натижаларини муҳокама қилиш учун Марказда Илмий-техника кенгаши ташкил этилади, унинг таркиби ва Низоми Ўзбекистон Республикаси қишлоқ хўжалиги вазири томонидан тасдиқланади.

14. Марказнинг мол-мулки:

тезкор бошқариш ҳуқуқи билан Марказга бириктирилган мол-мулклар;

Марказ фаолиятидан олинган даромадлар;

қонун ҳужжатларида тақиқланмаган бошқа манбалар ҳисобига шакллантирилади.

Марказ мол-мулкининг қиймати мустақил балансда акс эттирилади.

15. Марказнинг мол-мулкини тасарруф этиш қуйидаги ҳолатларда Ўзбекистон Республикаси Қишлоқ хўжалиги вазирлиги билан келишган ҳолда Марказ директори томонидан амалга оширилади:

асосий воситаларни сотиш, уларни ижарага ёки гаровга топшириш;

мол-мулкни бошқа хўжалик жамиятларининг устав фондига улуш сифатида киритиш;

хўжалик жамиятларининг акциялари (улушлари)ни сотиб олиш;

Марказ мол-мулкини бошқача тарзда тасарруф этиш.

Бунда бинолар ва иншоотларни (шу жумладан қурилиши тугалланмаганларини) сотиш, шунингдек уларни сотишдан тушган маблағларни тақсимлаш қонун ҳужжатларида белгиланган тартибда Ўзбекистон Республикасининг Давлат активларини бошқариш агентлиги томонидан амалга оширилади.

16. Марказ фаолиятини молиялаштириш:

Ўзбекистон Республикаси Давлат бюджети маблағлари;

Ўзбекистон Республикаси Инновацион ривожланиш вазирлигининг грантлари;

халқаро молия институтларининг грантлари;

корхоналар ва ташкилотлар билан шартномалар бўйича бажариладиган ишлардан олинадиган даромадлар;

ҳомийлик ёрдами тарзида бериладиган маблағлар;

қонун ҳужжатларида тақиқланмаган бошқа манбалар ҳисобига амалга оширилади.

17. Марказ қонун ҳужжатларида белгиланган тартибда қайта ташкил этилиши ёки тугатилиши мумкин.

1. Ушбу Низом Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази (кейинги ўринларда Марказ деб аталади) ўтказадиган синов турларини, синов ўтказиш режаларини шакллантириш қоидаларини, маҳсулотларни синаш ва уларни истеъмолчиларга етказиб бериш жараёнида синовдан ўтказилган маҳсулот ҳолатининг амалдаги техник жиҳатдан тартибга солиш соҳасидаги норматив ҳужжатлар талабларига мувофиқлигини назорат қилиш тартибини белгилайди.

2. Мазкур Низом ўз эҳтиёжлари учун ишлаб чиқарилган ёки импорт қилинадиган якка қишлоқ хўжалик ва мелиорация техникаларидан ташқари, республика корхоналари томонидан ишлаб чиқарилаётган ва импорт қилинаётган қишлоқ хўжалиги ва мелиорация техникасининг, улар агрегати ва узелларининг барча намуналарига, қишлоқ хўжалиги ва мелиорация техникасининг янги турлари қўлланган ҳолда қишлоқ хўжалиги экинлари етиштиришнинг ресурсларни тежайдиган замонавий технологияларига татбиқ этилади.

3. Марказда 1-иловага мувофиқ рўйхат бўйича республика корхоналари томонидан ишлаб чиқариладиган ва импорт қилинадиган қишлоқ хўжалиги ва мелиорация техникасининг, улар агрегати ва узелларининг барча намуналари, шунингдек қишлоқ хўжалиги ва мелиорация техникасининг янги турларини қўллаган ҳолда қишлоқ хўжалиги экинлари етиштиришнинг ресурсларни тежайдиган замонавий технологиялари мажбурий синовдан ўтказилиши керак.

4. Маҳсулотларни синовдан ўтказиш шартлари, шу жумладан уларни етказиб бериш муддатлари, уларга илова қилинадиган зарур ҳужжатлар рўйхати ва таркиби халқаро ва давлат стандартларига мувофиқ синовларнинг буюртмачиси ва Марказ томонидан тузиладиган шартномада белгиланади.

5. Синовдан ўтказилаётган маҳсулот ўз вазифасига кўра синовларнинг қуйидаги турларидан бирида синовдан ўтказилади:

давлат синовлари — импорт қилинадиган ёки бюджет маблағлари ҳисобига ишлаб чиқариладиган қишлоқ хўжалиги ва мелиорация техникаси намуналарининг давлат комиссияси (маҳсулотларнинг энг муҳим турларини алоҳида синаш учун махсус ташкил этиладиган) ёки Марказ томонидан ўтказиладиган синовлар;

дастлабки синовлар — маҳсулотларнинг тажриба намуналарини ва/ёки тажриба туркумларини қабул қилиш синовларига тақдим этиш имкониятини аниқлаш мақсадида уларнинг назорат синовлари;

қабул қилиш синовлари — ишлаб чиқаришга қўйиш ёки импорт қилишнинг мақсадга мувофиқлиги, ёхуд вазифасига кўра фойдаланиш тўғрисидаги масалани ҳал этиш мақсадида ўтказиладиган республикада ишлаб чиқариладиган ёки импорт қилинадиган тажриба намунасини синаш;

даврий синовлар — маҳсулот сифатининг барқарорлигини ва уни ишлаб чиқаришни давом эттиришнинг мақсадга мувофиқлигини назорат қилиш мақсадида техник жиҳатдан тартибга солиш соҳасидаги норматив ҳужжатларда белгиланган ҳажмда ва муддатларда ўтказиладиган серияли ишлаб чиқариладиган маҳсулотларнинг назорат синовлари;

малака синовлари — корхонанинг ушбу турдаги маҳсулотни белгиланган ҳажмда ишлаб чиқаришга тайёрлигини баҳолаш мақсадида ўтказиладиган белгиланадиган сериянинг ёки биринчи саноат туркумининг назорат синовлари;

тур синовлари — серияли намуналар конструкцияси ёки технологик жараёнга киритилган ўзгартиришларни самарадорлигини ва мақсадга мувофиқлигини баҳолаш мақсадида у билан тўғридан-тўғри тузилган шартномалар бўйича бажариладиган синовлар;

сертификация синовлари — маҳсулотга хос бўлган хоссаларнинг техник жиҳатдан тартибга солиш соҳасида норматив ҳужжатларга мувофиқлигини аниқлаш мақсадида ўтказиладиган маҳсулотларнинг назорат синовлари;

такрорий синовлар (ҳакамлик синовлари) — тез-тез такрорланадиган — фойдаланиш ёки ишлаб чиқариш билан боғлиқ носозликларнинг сабаблари ва хусусиятини аниқлаш мақсадида махсус дастур бўйича амалга ошириладиган тайёрловчи завод томонидан ишлаб чиқарилган маҳсулотларнинг охирги туркумидан танлаб олинган техника намуналарини синаш;

6. Қишлоқ хўжалиги ва мелиорация техникасини синовдан ўтказиш муддатлари норматив ҳужжатларга мувофиқ белгиланади.

7. Келгуси йилда қишлоқ хўжалиги ва мелиорация техникаси ҳамда технологияларини синовдан ўтказиш ишларини бажариш учун ҳар йили ноябрь ойидан кечикмай уларни синовдан ўтказиш режаси тузилади.

8. Қишлоқ хўжалиги ва мелиорация техникаси ҳамда технологияларини синовдан ўтказиш режаси Ўзбекистон Республикаси Сув хўжалиги вазирлиги, «Ўзагротехсаноатхолдинг» АЖ», Ўзбекистон Республикаси Инновацион ривожланиш вазирлиги, маҳсулотларни тайёрловчи корхоналар ва қишлоқ хўжалиги техникасини импорт қилувчи ташкилотларнинг (кейинги ўринларда Буюртмачи деб аталади) таклифлари асосида шакллантирилади.

Қишлоқ хўжалиги ва мелиорация техникаси ҳамда технологияларини синовдан ўтказиш режаси Ўзбекистон Республикаси қишлоқ хўжалиги вазири томонидан тасдиқланади.

9. Синовларни ўтказиш режасига мувофиқ буюртмачилар билан шартномалар тузилади. Шартномаларда маҳсулотларни синовдан ўтказиш шартлари ва муддатлари, уларни етказиб бериш муддатлари, молиялаштириш тартиби, уларга илова қилинадиган зарур ҳужжатлар белгиланади.

10. Синов ўтказиш учун тақдим этилаётган маҳсулотлар намуналари Марказда қабул қилиш-топшириш далолатномаси бўйича қабул қилинади.

11. Маҳсулот синаш учун қабул қилиб олингандан кейин унинг сақланиши учун синов тамом бўлгунга қадар Марказ жавоб беради.

12. Синов 2 ва 3-иловаларга биноан техник жиҳатдан тартибга солиш соҳасидаги норматив ҳужжатларнинг белгиланган талабларига қатъий мувофиқ равишда ўтказилади.

Синов икки босқичда ўтказилади:

биринчи босқич — қишлоқ хўжалик техникаларини функционал ва фойдаланиш-технологик кўрсаткичларини Марказда аниқлаш;

иккинчи босқич — хўжалик шароитлари фойдаланишда пухталик кўрсаткичларини аниқлашдан иборат.

13. Синовлар натижалари баённома билан расмийлаштирилади ва уларнинг нусхалари буюртмачига ҳамда кўриб чиқиш ва улар бўйича тегишли қарор қабул қилиш учун Ўзбекистон Республикаси Қишлоқ хўжалиги вазирлиги, Сув хўжалиги вазирлигига юборилади.

Кенгашнинг ижобий қарори қабул қилинган тақдирда маҳсулот ишлаб чиқаришга жорий этилади.

Марказ ўрнатилган тартибда синовдан ижобий ўтган қишлоқ хўжалик ва мелиорация техникаларини Ўзбекистон Республикаси қишлоқ хўжалиги ишлаб чиқаришида қўллаш учун қишлоқ хўжалик ва мелиоратив техникалар реестрини юритади.

14. Синов тамом бўлгандан кейин барча маҳсулот қабул қилиш-топшириш далолатномаси бўйича буюртмачига қайтарилади.

15. Ўзбекистон Республикасида ишлаб чиқарилган қишлоқ хўжалиги ва мелиорация техникасининг даврий синовлари қуйидаги муддатларда ўтказилиши керак:

тракторлар ва ўзиюрар машиналар — ҳар икки йилда бир марта;

қишлоқ хўжалиги ва мелиорация машиналари — ҳар уч йилда бир марта.

16. Мунтазам равишда туркумлаб импорт қилинадиган (бир йилда 5 та ва ундан ортиқ) маҳсулотлар модели улар сифатининг барқарорлигини назорат қилиш мақсадида даврий синовларни ўтказиш учун тақдим этилиши керак, бунда:

даврий синовлар маҳсулотни республикага етказиб бериш бошлангандан кейин ҳар икки йилда ўтказилади;

маҳсулотларни синаш учун етказиб бериш маҳсулотлар импортини амалга оширувчи ташкилотлар томонидан таъминланади.

17. Бартараф этиш учун маҳсулотларни бўлакларга ажратиш талаб қилинадиган носозликнинг ҳар бир ҳолати, шунингдек хизмат кўрсатувчи ходимларнинг хавфсизлигига хавф туғдирувчи йўл-транспорт ҳодисалари юз бериши мумкинлигига олиб келувчи, экологик муҳитга салбий таъсир кўрсатувчи носозликлар тўғрисида Марказ улар аниқланган кундан бошлаб бир ой муддатда синовларнинг буюртмачисига, «Ўзстандарт» агентлигига уларни бартараф этиш юзасидан шошилинч чоралар кўриш учун маълумот юбориши шарт.

18. Қишлоқ хўжалиги ва мелиорация техникаси ҳамда технологияларини синовдан ўтказишда Марказ:

қишлоқ хўжалиги ва мелиорация техникаси ҳамда технологияларини синовдан ўтказишнинг ҳақиқийлиги ва тўлиқлилиги ҳамда унинг натижаларининг ишончлилиги;

синовларнинг халқаро ва техник жиҳатдан тартибга солиш соҳасидаги норматив ҳужжатлар талабларига мувофиқ ўз вақтида ва сифатли ўтказилиши;

қишлоқ хўжалиги ва мелиорация техникаси ҳамда технологияларини синовдан ўтказишга бюджет ва бюджетдан ташқари маблағлардан мақсадли фойдаланилиши учун жавоб беради.

19. Синовларни ўтказиш (даврий синовлардан ташқари) бўйича бажарилган ишлар учун тўлов Марказ билан буюртмачи ўртасида тузиладиган шартнома асосида амалга оширилади.

20. Ўзбекистон Республикаси корхоналари томонидан ишлаб чиқариладиган қишлоқ хўжалиги ва мелиорация техникасининг даврий синовлари учун тўлов бюджет маблағлари ҳисобига амалга оширилади.

21. Ушбу Низомнинг бузилишида айбдор бўлган шахслар қонун ҳужжатларида белгиланган тартибда жавоб берадилар.

ғилдиракли тракторлар;

занжирли тракторлар;

қишлоқ хўжалиги ишлари учун тракторлар;

уларнинг агрегат ва узеллари.

трактор сеялкалари, қадагич ва кўчат ўтқазиш машиналари;

уларнинг агрегат ва узеллари.

минерал ва органик ўғитлар сочгич ва тақсимлагичлар;

минерал ва кимёвий ўғитлар тарқатиш машиналари;

уларнинг агрегат ва узеллари.

суюқлик ва кукунларни пуркагич ва чанглатгичлар, ранецли, пневматик ва тракторларга ўрнатишга ёки тракторлар билан шатакка олишга мўлжалланган пуркагич ва чанглатгичлар;

ўзиюрар машиналар;

уларнинг агрегат ва узеллари.

6. Ҳосилни йиғиштириш машиналари:

ҳосилни йиғиштириш машиналари, шу жумладан ғалла ўриш ва пахта териш комбайнлари, майдалаш машинаси ёки механизмлари, кўрак йиғиш машиналари, кўсак чувийдиган машиналар, ғўза пояларини йиғиштиргич ва майдалагичлар, қатор ораларининг ўроқ машиналари (мева ва бошқа қишлоқ хўжалиги маҳсулотларини тозалаш, навларга ажратиш учун ўзиюрар машиналар);

маккажўхори ўриш комбайнлари;

картошка йиғиштириш комбайнлари;

қулупнай ва илдизмевалиларни йиғиштириш машиналари, лавлаги поясини кесиш машиналари ва лавлаги йиғиштириш машиналари, силосни ўриб-йиғиш машиналари;

узум йиғиштириш комбайнлари;

уларнинг агрегат ва узеллари.

қишлоқ хўжалигида фойдаланиш учун махсус мўлжалланган кўтариш, кўчириш, юклаш ёки тушириш машиналари ва қурилмалари;

бир ковшли юклагичлар;

қишлоқ хўжалиги тракторларига осиб ишлатиладиган юклагичлар;

уларнинг агрегат ва узеллари.

тракторларга тақиладиган, тиркаладиган ва ўрнатиладиган ўроқ машиналари;

пичан тайёрлаш машиналари: айлантиргич, ён хаскашлар ва пичан ағдаргичлар;

пичан ва похолни тойлаш учун пресслар, шу жумладан йиғиштирувчи пресслагичлар;

озуқани бўлаклагичлар, озуқани майдалагичлар, озуқани аралаштиргичлар;

уларнинг агрегат ва узеллари.

кичик ўлчамли тракторлар ва кичик механизация воситаларининг қуввати 16 кВт гача бўлган дизелларидан ташқари;

уларнинг агрегат ва узеллари.

тракторлар тиркамалари;

цистерна тиркамалари;

уларнинг агрегат ва узеллари.

плуглар, бороналар, юмшатгичлар, культиваторлар, тупроқ кесгичлар, мотигалар, пололгичлар;

уларнинг агрегат ва узеллари.

тиркамали, ярим тиркамали, осиладиган, ярим осиладиган, ўрнатиладиган, кичик ўлчамли тракторлар ва мотоблокларга агрегатланадиган машиналар;

уларнинг агрегат ва узеллари.

сув таъминоти учун насослар ва насос агрегатлари;

буриладиган ва бурилмайдиган отвалли занжирли бульдозерлар;

ғилдиракли бульдозерлар;

грейдер ва дала текислагичлар;

уларнинг агрегат ва узеллари.

уларнинг агрегат ва узеллари.