Ўзбекистон Республикаси Ҳукумати ва Россия Федерацияси Ҳукумати, бундан кейин Томонлар деб аталувчилар,

ўз давлатларининг миллий қонунлари ва халқаро мажбуриятларига амал қилиб,

ноқонуний молиявий операцияларга, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларга қарши кураш бўйича халқаро ҳамжамиятнинг зўр беришларига муҳим аҳамият бериб,

ноқонуний молиявий операцияларга, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларга қарши кураш олиб борувчи ваколатли органлар ўртасида самарали ҳамкорликни йўлга қўйишдаги ўзаро манфаатдорликдан келиб чиқиб,

қуйидагилар тўғрисида келишиб олдилар:

Ушбу Битим мақсадлари учун фойдаланиладиган тушунчалар қуйидагиларни англатади:

«ноқонуний молиявий операциялар» — жисмоний ва юридик шахс, резидент ёки норезидентларнинг жиноий, маъмурий ёки фуқаро-ҳуқуқий жавобгарликка олиб келувчи Томонлардан ҳар бирининг миллий қонунларини бузиш билан амалга оширилган, улар билан боғлиқ бўлган фуқаролик ҳуқуқ ва мажбуриятларини аниқлаш, ўзгартириш ёки тугатишга қаратилган, уларни амалга ошириш шакли ва усулидан қатъи назар, пул маблағлари, қимматбаҳо қоғозлар ва тўлов ҳужжатлари билан келишув ва бошқа ҳаракатлари;

«ахборот» — тўғридан-тўғри ёки билвосита ноқонуний молиявий операцияга тааллуқли бўлиши мумкин бўлган барча аниқ маълумот, факт, хабар, шунингдек қонунийлаштириш (ажратиб олиш) билан боғлиқ бўлган молиявий операциялар ёки Томонлардан ҳар бирининг миллий қонунларида аниқланишига кўра ноқонуний йўл билан даромадлардан фойдаланиш;

«ноқонуний йўл билан олинган даромадлар» — буюмлар, шу жумладан пуллар, қимматбаҳо қоғозлар, қўзғатса бўладиган ва кўчмас мулк, мулк ҳуқуқи, иш ва хизматлар, ақлий фаолият натижалари, жумладан уларга алоҳида ҳуқуқлар (ақлий мулк), жиноий, маъмурий ёки фуқаро-ҳуқуқий жавобгарликка олиб келувчи, Томонлардан ҳар бирининг миллий қонунларини бузиш оқибатида эгалланган, фуқаро ҳуқуқларининг бошқа объектлари.

1. Томонлар ноқонуний молиявий операцияларни, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш, аниқлаш, тўхтатиш ва очиш бўйича самарали курашни ташкил этиш мақсадида ҳамкорлик қиладилар.

2. Ушбу Битим Томонларнинг фуқаролик ва жиноий ишлар бўйича ҳуқуқий ёрдам кўрсатиш тўғрисидаги халқаро шартномалардан келиб чиқувчи ҳуқуқ ва мажбуриятларига дахл қилмайди.

1. Ушбу Битимни амалга ошириш мақсадида Томонларнинг ҳамкорлиги ҳар бир Томон аниқлайдиган (бундан кейин ваколатли орган деб аталади) ваколатли орган ҳар томонидан бевосита амалга оширилади.

Томонлар бундай органларнинг рўйхатини бир-бирларига юборадилар.

Ваколатли органларнинг номланиши ўзгарган ҳолда Томонлар бу ҳақда бир-бирларини тезлик билан хабардор қиладилар.

2. Ушбу Битимни амалга ошириш учун ваколатли органлар ҳамкорликнинг аниқ йўналишлари бўйича уни амалга ошириш тартиби тўғрисида протоколлар тузадилар.

Томонлар ушбу Битим доирасида қуйидаги ҳамкорлик шаклларидан фойдаланадилар:

а) ноқонуний операцияларни, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш, аниқлаш, тўхтатиш ва очишга кўмаклашиши мумкин бўлган ахборот билан алмашиш, чунончи:

ҳуқуқий характердаги, хусусан молиявий операцияларга, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларга қарши қаратилган миллий қонунлар, шундай бузишларга қарши қаратилган санкциялар;

молиявий операцияларни, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш, аниқлаш, тўхтатиш ва очишнинг шакллари ва усуллари тўғрисида;

Томонлар давлатлари ўртасида валюта бойликларининг кўчиши тўғрисида;

молиявий операцияларни амалга ошириш тартибларини бузиш ва ноқонуний йўл билан олинган даромадларни қонунийлаштириш (ажратиб олиш)нинг шакллари ва усулларининг ривожланиши тўғрисида;

ваколатли органларнинг маълумоти бўйича ноқонуний йўл билан олиниши мумкин бўлган даромадлар билан боғлик бўлган молиявий операциялар тўғрисида;

б) ноқонуний (ҳар бир Томоннинг миллий қонунлари нуқтаи назаридан) молиявий операциялар, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларни аниқлашга қаратилган тадбирларни ўтказиш масалалари бўйича биргаликда ҳаракат қилиш:

в) ноқонуний молиявий операцияларни, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш ва аниқлаш соҳасида Томонларнинг ўзаро манфаатларига дахлдор бўлган масалалар бўйича қўшма таҳлилий тадқиқотлар олиб бориш;

г) ёрдам кўрсатиш:

мутахассислар стажировкасида;

ноқонуний молиявий операциялар, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш ва аниқлаш бўйича вазифаларнинг бажарилишини таъминловчи ахборот тизимини яратишда;

д) Томонлардан ҳар бирининг миллий қонунларига зид бўлмаган ҳамкорликнинг бошқа шакллари.

Томонлар ноқонуний молиявий операциялар, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операциялар натижасида ва улардан олинган маблағга келган ва ушбу Битим доирасидаги қўшма ҳамкорлик натижасида мусодара қилинган мулкни қайтаришда бир-бирларига кўмаклашадилар.

Томонлар ноқонуний молиявий операциялар, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларга қарши кураш соҳасида ўз давлатларининг миллий қонунларини уйғунлаштиришга интиладилар.

Ушбу Битим доирасида ахборот тақдим қилиш ҳар бир Томон давлатининг миллий қонунларига ва сўров асосида ҳамда ваколатли органнинг ўз ташаббуси билан ваколатли органлар ваколатига мувофиқ амалга оширилади.

Ахборот тақдим қилиш тўғрисидаги сўров сўраётган ваколатли органнинг номини, сўров билан мурожаат қилишнинг мақсади, шунингдек сўровчи органни қизиқтирган аниқ масалаларни ўз ичига олиши керак. Сўров ваколатли орган раҳбари ёки ваколатли шахс томонидан имзоланган ва шу органнинг гербли муҳри билан тасдиқланган бўлиши керак.

Бир Томоннинг ваколатли органи бошқа Томоннинг ваколатли органига ноқонуний молиявий операцияларнинг, шунингдек ноқонуний йўл билан олинган даромадларни қонунийлаштириш (ажратиб олиш) билан боғлиқ бўлган молиявий операцияларнинг олдини олиш, аниқлаш, тўхтатиш ва очиш билан боғлиқ масалалар бўйича ахборотнинг махфийлигини кафолатлайди.

Ушбу Битим доирасида олинган ахборот бу ахборотни берган Томон ваколатли органнинг ёзма равишдаги розилигисиз ҳеч кимга берилиши мумкин эмас.

Томонларнинг тажриба алмашиши ва кадрлар тайёрлашда ҳамкорлик қилиш соҳасида биргаликдаги ҳаракатлари қуйидаги йўллар билан амалга оширилиши мумкин:

ишчи ташрифларини уюштириш ва ваколат ва вазифалари Томонларнинг ваколатли органлари томонидан белгиланадиган вакиллар билан алмашиш;

семинарлар ўтказиш;

техник воситалар ва методик тавсияномаларни ишлаб чиқиш ва алмашиш.

Ушбу Битимга дипломатик ноталар алмашиш йўли билан ўзгартишлар киритилиши мумкин. Бундай ўзгартишлар ушбу Битим кучга кириши учун кўзда тутилган процедураларга мувофиқ кучга киради ва унинг ажралмас қисми бўлади.

Ушбу Битимни изоҳлаш ёки татбиқ этиш билан боғлиқ бўлган ҳар қандай баҳсли масалалар дипломатик каналлар орқали ўзаро маслаҳатлашишлар йўли билан ҳал этилади.

Ушбу Битим дипломатик каналлар орқали унинг кучга кириши учун зарур бўлган давлат ички процедураларининг бажарилганлиги тўғрисида сўнгги ёзма билдириш олинган санадан бошлаб кучга киради.

Ушбу Битим Томонлардан бири дипломатик каналлар орқали бошқа Томонни унинг амал қилишини тўхтатиш нияти тўғрисида ёзма равишда хабар қилган кундан бошлаб олти ой ўтгунига қадар ўз кучини сақлайди.

Ушбу Битим амал қилишининг тўхтатилиши, агар Томонлар бошқача келишмасалар, унга мувофиқ бажарилаётган ва тугалланмай қолган фаолиятни амалга оширишга дахл қилмайди.

Тошкент шаҳрида 1997 йил 22 декабрда икки нусхада, ҳар бири ўзбек ва рус тилларида тузилди, иккала матн бир хил кучга эга.