Ўзбекистон Республикаси Вазирлар Маҳкамасининг 1997 йил 31 мартдаги «Товар бозорларида монополистик фаолиятни чеклаш ва рақобат тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги 165-сонли қарори ижросини таъминлаш мақсадида ҳамда Навоий кон-металлургия комбинати давлат корхонасининг 2010 йил 20 апрелдаги 5-22/6281-сонли ва вилоят молия бошқармасининг 2010 йил 30 апрелдаги 07-97/661-сонли хатларини инобатга олиб, қарор қиламан:

1. Қуйидагилар:

Навоий кон-металлургия комбинати давлат корхонаси томонидан Навоий, Зарафшон шаҳарлари ва Учқудуқ туманидаги турар жой фондини ҳамда нотурар жой мақсадида фойдаланилаётган турар жойларни сақлаш, унга техник хизмат кўрсатиш тарифлари 1- ва 2- иловаларга;

Навоий, Зарафшон шаҳарлари ва Учқудуқ туманида истиқомат қилаётган аҳолидан қаттиқ ҳолдаги маиший чиқиндиларни тўплаш ва олиб кетиш хизмати тарифлари 3-иловага мувофиқ тасдиқлансин. 2010 йил 1 июндан жорий этилсин.

2. Навоий кон-металлургия комбинати давлат корхонаси тизимидаги уй-жой фондини сақлаш ва унга техник хизмат кўрсатиш корхоналари аҳолига ўз вақтида сифатли хизмат кўрсатилишини таъминласинлар.

3. Мазкур қарор қабул қилиниши муносабати билан вилоят ҳокимининг 2009 йил 27 августдаги 206-Қ-сонли қарори ўз кучини йўқотган деб ҳисоблансин.

4. Ушбу қарорнинг бажарилишини назорат қилиш вилоят ҳокимининг биринчи ўринбосари А.Эшонқулов зиммасига юклатилсин.