Ўзбекистон Республикаси Вазирлар Маҳкамасининг 2003 йил 16 октябрдаги 446-сон «Ўзбекистон Республикаси Ҳукуматининг истеъмол товарлари олиб келиш ва сотиш масалалари бўйича айрим қарорларига ўзгартириш, қўшимчалар киритиш ва уларнинг айримларини ўз кучини йўқотган деб ҳисоблаш тўғрисида»ги қарорига (Ўзбекистон Республикаси қонун ҳужжатлари тўплами, 2003 й., 20-сон, 187-модда) мувофиқ Ўзбекистон Республикаси Давлат божхона қўмитаси, Молия вазирлиги, Ташқи иқтисодий алоқалар, инвестиция ва савдо вазирлиги, Иқтисодиёт вазирлиги ва Давлат солиқ қўмитаси қарор қиладилар:

1. Ўзбекистон Республикаси Давлат божхона қўмитаси, Молия вазирлиги, Ташқи иқтисодий алоқалар вазирлиги, Ўзбекистон Республикаси Макроиқтисодиёт ва статистика вазирлиги ва Давлат солиқ қўмитасининг 2002 йил 19 сентябрдаги 01-02/20-36, 107, БА-01/12-3857, 2-5-6/79, 2002-76-сон «Юридик шахслар томонидан технология хомашёси, бутловчи узеллар ва буюмлар сифатида импорт қилинаётган ноозиқ-овқат истеъмол товарларини олиб кирилаётганлиги ҳақида сертификат бериш тартиби тўғрисида низомни тасдиқлаш ҳақида»ги қарор (рўйхат рақами 1176, 2002 йил 25 сентябрь) (Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 2002 йил, 17-18-сон) ўз кучини йўқотган деб ҳисоблансин.

2. Мазкур қарор расмий эълон қилинган кундан эътиборан кучга киради.