Ўзбекистон Республикаси Ҳукумати

билан

Нидерландия Қироллиги Ҳукумати

иккала давлат ўртасида даромадларнинг икки ёқлама солиққа тортилишига йўл қўймаслик ва даромад ҳамда капитал солиқларини тўлашдан бош тортишни олдини олиш тўғрисида Конвенция тузиш истагини билдириб,

қуйидагилар тўғрисида аҳдлашиб олдилар:

Бу Конвенция Аҳдлашувчи Давлатларнинг бири ёки ҳар иккаласининг резиденти бўлган шахсларга нисбатан қўлланилади.

1. Ушбу Конвенция Аҳдлашувчи Давлатлардан бирининг ёки унинг сиёсий ёхуд маъмурий-ҳудудий бўлинмалари ёки маҳаллий ҳокимият органлари номидан ундирилаётган даромад ва капитал солиқларига нисбатан, уларни ундириш услубидан қатъи назар, татбиқ этилади.

2. Даромад ва капитал солиқларига, умумий даромаддан, умумий капиталдан ёки даромад ёхуд капиталнинг бир қисмидан, шу жумладан кўчар ва кўчмас мулкни мусодара қилишдан олинган даромадлардан ҳамда корхоналар томонидан тўланадиган иш ҳақи ёки мукофотларнинг умумий миқдоридан, шунингдек капитал қийматини ўсишидан олинадиган солиқлар тааллуқлидир.

3. Ушбу Конвенция қўлланиладиган амалдаги солиқлар, хусусан қуйидагилардир:

a) Нидерландияда:

— даромад солиғи;

— иш ҳақидан олинадиган солиқ;

табиий ресурсларни эксплуатация қилиш асосидаолинадиган соф фойдадаги ҳукумат улушини ўз ичига олувчи, 1967 йилги концессияни ҳисобга олган ҳолда, 1810 йилги фойдали қазилмалар қазиб олиш тўғрисидаги Қонунга (Mijnwet 1810) мувофиқ, ёки Нидерландия қитъа шельфида фойдали қазилмалар қазиб олиш тўғрисидаги Қонунга (Mijnwet Continental Plat 1965) биноан ундириладиган корпоратив солиқ;

— дивидендлар солиғи;

— капитал солиғи;

(бундан кейин, «Нидерланд солиқлари» деб юритилади).

b) Ўзбекистонда:

— юридик шахслардан олинадиган даромад (фойда) солиғи;

— жисмоний шахслардан олинадиган даромад солиғи;

— мол-мулк солиғи;

(бундан кейин «Ўзбекистон солиқлари» деб юритилади).

4. Ушбу Конвенция имзоланган санадан сўнг ундириладиган солиқларга қўшимча ёки мавжудлари ўрнига киритилган ҳар қандай бир хил ёки моҳияти бўйича ўхшаш солиқларга нисбатан ҳам ушбу Конвенция қўлланилади. Аҳдлашувчи Давлатларнинг ваколатли органлари ўзларининг тегишли солиқ қонунчилигига киритилган барча муҳим ўзгаришлар тўғрисида бир-бирларини хабардор қилиб турадилар.

1. Ушбу Конвенция мақсадлари учун, агар матн мазмунидан ўзга маъно чиқмаса:

a) «Аҳдлашувчи Давлатлардан бири» атамаси матнга боғлиқ равишда Нидерландия Қироллиги (Нидерландия)ни ёки Ўзбекистон Республикаси (Ўзбекистон)ни англатади; «Аҳдлашувчи Давлатлар» атамаси, Нидерландия Қироллигини ва Ўзбекистон Республикасини англатади;

b) «Нидерландия» атамаси, Нидерландия Қироллигининг Европада жойлашган қисмини, жумладан Нидерландлар халқаро ҳуқуққа мувофиқ денгиз ости табиий ресурсларини ва унинг тагзамин ва туташ сувларини, шунингдек уларнинг табиий ресурсларини ишлаб чиқишга доир юрисдикция ёки суверен ҳуқуқларини амалга оширадиган унинг ҳудудий денгизини ва ҳудудий денгиздан ташқари бўлган ҳар қандай туманни англатади;

c) «Ўзбекистон» атамаси Ўзбекистон Республикасини, жумладан халқаро ҳуқуққа мувофиқ Ўзбекистон қонунлари бўйича ҳудуд сифатида белгиланган ёки белгиланиши мумкин бўлган доирада тупроқ ва унинг табиий ресурсларига бўлган Ўзбекистон ҳуқуқини амалга ошириши мумкин бўлган ҳар қандай туманни англатади;

d) «шахс» атамаси жисмоний шахсни, компания ёки шахсларнинг ҳар қандай бошқа бирлашмасини ўз ичига олади;

e) «компания» атамаси ҳар қандай корпоратив бирлашмани ва солиққа тортиш мақсадларида корпоратив бирлашма сифатида қараладиган ҳар қандай ташкилотни англатади;

f) «Аҳдлашувчи Давлатлардан бирининг корхонаси» ва «бошқа Аҳдлашувчи Давлат корхонаси» атамалари тегишлича бир Аҳдлашувчи Давлат резиденти бошқаруви остида иш юритаётган корхонани ва бошқа Аҳдлашувчи Давлатнинг резиденти бошқаруви остида иш юритаётган корхонани англатади;

g) «халқаро ташиш» атамаси Давлатлардан бирида амалдаги раҳбар органига эга бўлган корхона томонидан фойдаланиладиган денгиз, ҳаво кемасида ёки темир йўл транспорти орқали ҳар қандай ташишни англатади, денгиз, ҳаво кемаси ёки темир йўл транспорти воситаларининг бошқа Давлатдаги пунктлар ўртасидагина фойдаланилиши бундан мустаснодир;

h) «миллий шахс» атамаси:

(i) Аҳдлашувчи Давлатлардан бирининг миллати ёки фуқаролигига эга бўлган ҳар қандай жисмоний шахсни англатади,

(ii) Аҳдлашувчи Давлатлардан бирида амалдаги қонунларига мувофиқ ўз мақомини олган ҳар қандай юридик шахсни, ширкат ва ассоциацияни англатади;

i) «ваколатли орган» атамаси:

(i) Нидерландияда — Молия вазири ёки унинг тегишли тарзда ваколат берилган вакилини англатади;

(ii) Ўзбекистонда — Давлат солиқ қўмитасининг Раиси ёки унинг тегишли тарзда ваколат берилган вакилини англатади.

2. Ушбу Конвенция Аҳдлашувчи Давлатлардан бири томонидан исталган вақтда қўлланилганда, унда белгиланмаган ҳар қандай атама, агар матн мазмунидан бошқа маъно келиб чиқмаса, у, ушбу Конвенция татбиқ этиладиган солиқларга нисбатан шу Давлатнинг белгиланган қонунларида белгиланган маънога эга бўлади, ана шу Давлатнинг солиқ қонунларига мувофиқ татбиқ этиладиган ҳар қандай маъно шу Давлатнинг бошқа қонунларига биноан ушбу атамага берилган маънодан устунлик қилади.

1. Ушбу Конвенция мақсадлари учун « Давлатлардан бирининг резиденти» атамаси ана шу Давлатнинг қонунчилиги бўйича унда ўзининг яшаш жойи, резиденцияси, бошқарув жойи ёки бошқа ҳар қандай моҳияти жиҳатидан ўхшаш мезонлар асосида солиққа тортилиши керак бўлган ҳар қандай шахсни англатади, шунингдек бошқа Давлатни, унинг ҳар қандай сиёсий ёки маъмурий-ҳудудий бўлинмасини ёхуд маҳаллий ҳокимият органини ҳам ўз ичига олади. Атама бироқ, ана шу Давлатда фақат унда жойлашган манбалардан ёки капиталдан даромад олаётгани учун солиққа тортиладиган ҳар қандай шахсни ўз ичига олмайди.

2. Агар 1-банд қоидаларига мувофиқ шахс ҳар иккала Аҳдлашувчи Давлатнинг резиденти бўлса, унинг мақоми қуйидаги тарзда аниқланади:

a) у фақатгина тўсиқсиз яшаши мумкин бўлган доимий уйи жойлашган Давлатнинг резиденти ҳисобланади; агар у ҳар иккала Давлатда ҳам тўсиқсиз яшаши мумкин бўлган доимий уйига эга бўлса, фақат шахсий ва иқтисодий алоқалари энг чуқур бўлган (ҳаётий манфаатлар маркази) Давлатнинг резиденти ҳисобланади;

b) агар шахснинг ҳаётий манфаатлар маркази жойлашган Давлатни аниқлаб бўлмаса ёки Давлатлардан ҳеч бирида тўсиқсиз яшаши мумкин бўлган доимий уйи бўлмаса, у одатий турар жойга эга бўлган Давлатининг резиденти ҳисобланади;

c) агар у Давлатда одатий турар жойга эга бўлса, ҳар иккала Давлатда яшаса ёки одатда уларнинг ҳеч бирида яшамаса, фақат у миллий шахси ҳисобланган Давлатнинг резиденти ҳисобланади;

d) агар у ҳар иккала Давлатнинг миллий шахси бўлса ёки ҳеч бириники бўлмаса, унда Аҳдлашувчи Давлатларнинг ваколатли органлари бу масалани ўзаро келишув йўли билан ҳал қилишлари лозим.

3. Агар 1-банд қоидаларига мувофиқ жисмоний шахс бўлмаган шахс ҳар иккала Аҳдлашувчи Давлатнинг резиденти бўлса, унда у фақат ўзининг ҳақиқий раҳбар органи жойлашган ўша Давлатнинг резиденти ҳисобланади.

4. Аҳдлашувчи Давлатлардан бирида эътироф этиладиган нафақа жамғармаси ва одатда даромади ана шу Давлатда солиқдан озод этиладиган ана шу Давлатнинг резиденти ҳисобланади. Шундай тарзда эътироф этиладиган Аҳдлашувчи Давлатлардан бирининг нафақа жамғармаси, ана шу Давлатда ўрнатилган қоидаларга мувофиқ аниқланган ва бошқариладиган ҳар қандай пенсия фонди каби қаралади.

1. Ушбу Конвенция мақсадлари учун «доимий муассаса» атамаси, корхонанинг тадбиркорлик фаолиятини тўлиқ ёки қисман амалга .оширадиган доимий фаолият жойини англатади.

2. «Доимий муассаса» атамаси, асосан қуйидагиларни ўз ичига олади:

a) бошқарув жойи;

b) филиал;

c) офис;

d) фабрика;

e) устахона; ва

f) шахта, нефть ёки газ қудуғи, карьер ёки табиий ресурслар қазиб олинадиган ҳар қандай бошқа жой.

3. Қурилиш майдончаси, монтаж ёки йиғув объекти, фақат шундай ҳолдаки, агар уларнинг фаолияти 12 ойдан кўпроқ давом этсагина доимий муассаса ташкил қилади.

4. Ушбу модданинг аввалги қоидаларига қарамай, «доимий муассаса» атамаси қуйидагиларни ўз ичига олмайди:

a) иншоотлардан шу корхонага тегишли бўлган товар ёки буюмларни фақат сақлаш, намойиш қилиш ёки етказиб бериш мақсадларида фойдаланиш;

b) шу корхонага тегишли бўлган товар ёки буюмлар захирасини фақат сақлаш, намойиш қилиш ёки етказиб бериш мақсадларида ушлаб турилиши;

c) шу корхонага тегишли товар ёки буюмлар захирасини бошқа корхона томонидан фақат қайта ишлаш мақсадларида ушлаб турилиши;

d) доимий фаолият жойининг фақат товар ёки буюмлар сотиб олиш ёки ушбу корхона учун ахборот йиғиш ушлаб турилиши;

e) доимий фаолият жойининг ушбу корхона учун фақат бошқа ҳар қандай тайёргарлик ёки ёрдамчи тусдаги фаолиятни амалга ошириш йўлида ушлаб турилиши;

f) доимий фаолият жойининг (а) - (е) кичик бандларида эслатиб ўтилган фаолият турларининг ҳар қандай уйғунлашуви учунгина бундай доимий фаолият ойининг фаолияти ана шу уйғунлашув натижаси, тайёргарлик ҳамда ёрдамчи тусда бўлган тақдирда сақлаб турилиши

5. 1- ва 2-бандларнинг қоидаларига қарамай, агар 6-банд татбиқ этиладиган мустақил мақомли агентдан ўзга бўлган шахс Давлатлардан бирида корхонаси номидан иш юритса ва одатда корхона номидан шартномалар тузиш ваколатига эга бўлса ва одатда шу ваколатни амалга оширса, бунда бу корхона ана шу Давлатда ана шу корхона учун ушбу шахс томонидан кўрсатилган ҳар қандай фаолиятга нисбатан доимий муассасага эга, деб ҳисобланади, агар, фақат ушбу шахснинг фаолияти 4-бандда эслатиб ўтилган фаолият турлари билан чекланиб қолмаса, агар фаолият доимий фаолият жойи орқали амалга оширилса, шу банднинг қоидаларига биноан бу доимий фаолият жойидан доимий муассаса ҳосил қилмайди.

6. Корхона, Давлатлардан бирида брокер, комиссионер ёки бошқа ҳар қандай мустақил мақомли агент орқали ана шу Давлатда тадбиркорлик фаолиятини амалга оширсагина, шу шахслар ўзларининг одатдаги фаолияти доирасида ҳаракат қилишлари шарти билан доимий муассасага эга деб, қаралмайди.

7. Аҳдлашувчи Давлатлардан бирининг резиденти бўлган компания бошқа Давлатнинг резиденти бўлган компанияни назорат қилса ёки назорат қилинса ёки ана шу бошқа Давлатда тижорат фаолиятини (доимий муассаса орқали ёки бошқа тарзда) амалга ошираётган бўлса, бу ҳол ўз-ўзидан бу компаниялардан ҳеч бирини бошқаси учун доимий муассасага айлантирмайди.

1. Аҳдлашувчи Давлатлардан бирининг резиденти томонидан бошқа Давлатда жойлашган кўчмас мулкдан (жумладан, қишлоқ ёки ўрмон хўжалигидан олинадиган даромадлар) оладиган даромади ана шу бошқа Давлатда солиққа тортилиши мумкин.

2. «Кўчмас мулк» атамаси кўриб чиқилаётган мулк жойлашган Давлат қонунчилиги бўйича белгиланган маънога эгадир, ҳар қандай ҳолда ҳам ушбу атама ҳуқуқи ер устидаги мулкчиликка тааллуқли умумий қонунчиликнинг қоидалари билан белгиланган кўчмас мулкка тегишли бўлган мулкни, чорва, қишлоқ ва ўрмон хўжалигига тегишли воситаларни, кўчмас мулк узуфруктини ва минераллар, манбалар ва бошқа табиий ресурсларнинг қатламларини қазиш учун товон сифатида тўланадиган ўзгарувчан ёки қайд этилган тўловлар ҳуқуқини ёки минераллар, манбалар ва бошқа табиий ресурслар қатламларини қазиш ҳуқуқини ўз ичига олади; денгиз, дарё, ҳаво кемалари, темир йўл транспорти воситалари кўчмас мулк сифатида қаралмайди.

3. 1-банд қоидалари кўчмас мулкдан тўғридан-тўғри фойдаланиш, ижарага бериш ёки ҳар қандай бошқа шаклда фойдаланишдан олинган даромадга нисбатан қўлланилади.

4. 1- ва 3-банд қоидалари, шунингдек корхонанинг кўчмас мулкдан олган даромадларига ва мустақил шахсий хизматларни амалга оширишда фойдаланиладиган кўчмас мулкдан олган даромадларига ҳам қўлланилади.

1. Аҳдлашувчи Давлатлардан бирининг корхонасини фойдаси фақат ана шу Давлатда солиққа тортилади, агар, фақат корхона ўз тадбиркорлик фаолиятини бошқа Давлатда у ерда жойлашган доимий муассаса орқали амалга оширмаётган бўлса. Агар корхона ўз фаолиятини юқорида айтилганидек амалга ошираётган бўлса, корхонанинг фойдаси бошқа Аҳдлашувчи Давлатда солиққа тортилиши мумкин, фақат доимий муассасага тегишли бўлган қисмигина солиққа ортилади;

2. 3-банд қоидаларига мувофиқ агар Давлатлардан бирининг корхонаси бошқа Давлатда у ерда жойлашган доимий муассаса орқали тадбиркорлик фаолиятини амалга ошираётган бўлса, ҳар бир Аҳдлашувчи Давлатда бундай доимий муассасага фойда у алоҳида ва мустақил корхона сифатида худди шундай ёки шунга ўхшаш фаолиятни худди шундай ёки шунга ўхшаш шартлар асосида амалга ошириб доимий муассаса ҳисобланган корхонадан мутлақо мустақил равишда иш кўриб олиши мумкин бўлган фойда каби ўтказилади.

3. Доимий муассаса фойдасини аниқлашда, ушбу доимий муассаса фаолияти мақсадлари учун сарфланган, жумладан доимий муассаса жойлашган Давлатда ёки ҳар қандай бошқа ердаги фаолият мақсадлари учун сарфланган бошқарув ва умумий маъмурий харажатларни чегириб ташлашга йўл қўйилади.

4. Аҳдлашувчи Давлатлардан бирида доимий муассасага тегишли бўлган фойдани корхона оладиган умумий фойда миқдорини унинг турли бўлинмаларига пропорционал тақсимлаш асосида аниқлаш одатдаги амалиёт эканлигига қарамай, 2-банддаги ҳеч бир нарса, одатда қабул қилинганидек, бу Давлатга шундай тақсимлаш асосида солиқ солинадиган фойдани аниқлашга халақит бермайди. Бироқ тақсимлашнинг танланган усули шундай бўлиши лозимки, натижа ушбу моддада мавжуд бўлган тамойилларга мувофиқ келиши лозим.

5. Доимий муассаса томонидан корхона учун товар ёки буюмларнинг харид қилишигагина асосланиб доимий муассасага бирон-бир фойда ҳисобланмайди.

6. Аввалги бандлар мақсадлари учун доимий муассасага тааллуқли бўлган фойда, агар бошқаси учун салмоқли ва етарли сабаблар бўлмаса, ҳар йили бир хил услубда аниқланади.

7. Агар фойда ушбу Конвенциянинг бошқа моддалари билан боғлиқ бўлмаган даромад турларини қамраб оладиган бўлса, унда бу моддаларнинг қоидаларига ушбу модда қоидалари таъсир этмайди.

1. Халқаро юк ташишларда денгиз, ҳаво ёки темир йўл транспорти воситаларини эксплуатация қилишдан олинган фойдага фақат корхонанинг ҳақиқий раҳбар органи жойлашган Давлатлардан биридагина солиқ солинади.

2. Ушбу модда мақсадлари учун, халқаро юк ташишларда денгиз ва ҳаво кемаларини эксплуатация қилишдан олинган фойда халқаро юк ташишларда фойдаланиладиган денгиз ва ҳаво кемаларини экипажсиз фрахталаш асосида олинадиган фойдани ўз ичига олади, агар бу фойда 1-банд тадбиқ этиладиган фойдаларга нисбатан тасодифий бўлса.

3. 1-банд қоидалари, шунингдек транспорт воситаларини эксплуатация қилиш бўйича пулда, қўшма фаолиятда ёки халқаро ташкилотда иштирок этишдан олинадиган фойдага ҳам этилади.

1. Агар:

a) Аҳдлашувчи Давлатлардан бирининг корхонаси бошқа Аҳдлашувчи Давлат корхонасини бошқаришда, назорат қилишда ёки унинг капиталида бевосита ёки билвосита иштирок этса,

ёки

b) ўша шахс бир Аҳдлашувчи Давлат корхонасини ва бошқа Давлат корхонасини бошқаришда, назорат қилишда ёки унинг капиталида бевосита ёки билвосита иштирок этса,

ва ҳар қандай ҳолатда корхона ўртасида уларнинг тижорат ва молиявий муносабатларида мутлақо мустақил бўлган корхоналар ўртасида бўладигандан фарқли шароитлар вужудга келтирилса, унда уларнинг бирига ҳисобланиши мумкин бўлган ҳар қандай фойда, аммо шундай шароитлар натижасида унга ҳисобланмаган фойда ана шу корхона фойдасига киритилиши мумкин, ва тегишлича солиққа тортилади. Бироқ шундай тушуниладики, агар бирлашган корхоналар битим тузсалар, бу битим харажатларни улуш сифатида тақсимлаш тўғрисидаги битим ёки бошқарув, умумий-маъмурий, техник ёки тижорат харажатларини, илмий тадқиқот харажатларини ва бошқа шунга ўхшаш харажатларни тақсимлаш учун ёки шу асосдаги умумий хизмат кўрсатиш тўғрисидаги битим каби бўлса, бунда бу юқорида таъкидланган шароит бўла олмайди.

2. Қачонки, Давлат шу Давлат корхонаси фойдасига бошқа Аҳдлашувчи Давлат корхонаси бўйича ана шу бошқа Давлатда солиққа тортиладиган фойдани — шунингдек солиқларни киритса, ва шу тариқа киритилган фойда, агар иккала корхона ўртасида вужудга келтирилган муносабатлар икки мустақил корхона ўртасидаги муносабатлар каби бўлганида биринчи эслатилган Давлат корхонасига ҳисобланадиган — фойда бўлса, у ҳолда ана шу бошқа Давлат шу Давлатга тегишли фойдадан олинадиган солиқ миқдорига зарур тузатишлар киритади. Бундай тузатишларни белгилашда ушбу Конвенциянинг бошқа қоидаларига тегишлича эътиборни қаратиши керак ва Давлатлардан бирининг ваколатли органлари, бу зарур бўлса, ўзаро маслаҳатлашишларни бошлашлари лозим.

1. Аҳдлашувчи Давлатлардан бирининг резиденти бўлган компания томонидан бошқа Аҳдлашувчи Давлат резидентига тўланадиган дивидендлар ана шу бошқа Давлатда солиққа тортилиши мумкин.

2. Бироқ, бундай дивидендлар, шунингдек уларни тўлаётган компания резидент бўлган Давлатлардан бирида, шу Давлатнинг қонунларига мувофиқ ҳам солиққа тортилиши мумкин, аммо дивидендларни ҳақиқий эгаси бошқа Давлатнинг резиденти бўлса, бунда шундай тарзда олинадиган солиқ миқдори қуйидагилардан ошмайди:

a) агар дивидендларнинг ҳақиқий эгаси бўлган компания дивидендлар тўлаётган компания капиталининг камида 25 фоизини бевосита назорат қилса, дивидендлар ялпи миқдорининг 5 фоизидан;

b) бошқа барча ҳолларда дивидендлар ялпи миқдорининг 15 фоизидан.

Аҳдлашувчи Давлатлардан бирининг ваколатли органлари ўзаро битимга мувофиқ ушбу банднинг этиш соҳасини аниқлайдилар.

Бу банд дивидендлардан тўлайдиган компания фойдасини солиққа тортишга тааллуқли эмас.

3. «Дивидендлар» атамаси, ушбу моддада қўлланилганида, акциялардан, акциялардан «фойдаланиш» ёки ҳуқуқлардан «фойдаланиш», тоғ-кон саноати акцияларидан фойдаланиш ҳуқуқи, таъсисчилар акцияларидан ёки қарз талабларидан олинадиган даромад каби фойдада иштирок этишдаги бошқа ҳуқуқлардан фойдаланишдан олинадиган даромадларни, шунингдек фойдани тақсимловчи компания резиденти бўлган Давлатнинг қонунларига мувофиқ, акциялардан олинадиган даромад каби худди шундай солиқ бошқарувига тааллуқли бўлган бошқа корпоратив ҳуқуқлардан олинадиган даромадларни англатади.

4. Агар дивидендларнинг ҳақиқий эгаси Давлатлардан бирининг резиденти бўлгани холда, дивидендлар тўлаётган компания резиденти бўлган бошқа Аҳдлашувчи Давлатда унда жойлашган доимий муассаса орқали фаолиятини амалга оширса ёки ушбу бошқа Давлатда у ерда жойлашган доимий базадан мустақил шахсий хизматлар кўрсатса ва дивидендлар тўланадиган холдинг аслида шу доимий муассаса ёки доимий база билан боғлиқ бўлса, ушбу модданинг 1- ва 2-бандлари қоидалари қўлланилмайди. Бундай ҳолда, шароитга қараб 7- ёки 14-моддаларнинг қоидалари қўлланилади.

5. Агар Аҳдлашувчи Давлатлардан бирининг резиденти бўлган компания бошқа Аҳдлашувчи Давлатда фойда ёки даромад олаётган бўлса, шу бошқа Давлат компания тўлаётган дивидендларни солиққа тортмаслиги мумкин, қачонки дивидендлар ана шу бошқа Давлат резидентига тўланадиган ёки қачонки, дивидендлар тўланадиган холдинг шу бошқа Давлатда жойлашган доимий муассаса ёки доимий база билан ҳақиқатда боғлиқ бўлган ҳоллар бундан мустаснодир, шунингдек компаниянинг тақсимланмаган фойдаси ҳатто тўланаётган дивидендлар ёки тақсимланмаган фойда ана шу бошқа Давлатда тўла ёки қисман ҳосил бўлган фойда ёки даромаддан ташкил топган бўлса ҳам компаниянинг тақсимланмаган фойдаси солиққа тортишга дучор қилинмайди.

1. Аҳдлашувчи Давлатларнинг бирида ҳосил бўладиган ва бошқа Аҳдлашувчи Давлатнинг резидентига тўланадиган фоизлар, агар бу резидент фоизларининг ҳақиқий эгаси бўлса, ана шу бошқа Давлатда солиққа тортилиши мумкин.

2. Бироқ, бундай фоизлар, шунингдек улар ҳосил бўладиган ўша Аҳдлашувчи Давлатда шу Давлатнинг қонунларига мувофиқ ҳам солиққа тортилиши мумкин, аммо, агар фоизларнинг ҳақиқий эгаси бошқа Давлатнинг резиденти бўлса, бундай ҳолда солиқ фоизлар ялпи миқдорининг 10 фоизидан ошмаслиги керак. Аҳдлашувчи Давлатлардан бирининг ваколатли органлари ўзаро битимга мувофиқ, бу бандни қўллаш усулини белгилайдилар.

3. «Фоизлар» атамаси ушбу моддада қўлланилганда ипотека таъминотидан ва қарздорнинг фойдаларида иштирок этиш ҳуқуқидан, ва хусусан ҳукумат қимматбаҳо қоғозларидан олинадиган даромад ва облигация ёки қарз мажбуриятларидан олинадиган даромаддан, жумладан ана шу қимматбаҳо қоғозлар, облигация ёки қарз мажбуриятлари бўйича олинадиган мукофот ва ютуқлардан қатъи назар, ҳар қандай турдаги қарз мажбуриятларидан олинадиган даромадни англатади. Тўлов муддати чўзиб юборилганлиги учун қўлланиладиган жарималар ушбу модда учун фоизлар сифатида қаралмайди.

4. Агар фоизларнинг ҳақиқий эгаси Аҳдлашувчи Давлатлардан бирининг резиденти бўла туриб фоизлар ҳосил бўлаётган бошқа Аҳдлашувчи Давлатда у ерда жойлашган доимий муассаса орқали тижорат фаолияти олиб бораётган бўлса, ёки ушбу бошқа Давлатда жойлашган доимий база орқали мустақил шахсий хизматлар кўрсатаётган бўлса ва фоизлар тўланаётган қарз мажбуриятлари шундай доимий муассаса ёки доимий база билан ҳақиқатдан ҳам боғлиқ бўлса, 1- ва 2-банд қоидалари қўлланилмайди. Бундай ҳолда вазиятга қараб 7- ёки 14-моддаларнинг қоидалари қўлланилади.

5. Фоизлар Аҳдлашувчи Давлатлардан бирида ҳосил бўлган деб ҳисобланади, қачонки, тўловчи ана шу Давлатнинг резиденти бўлса. Бироқ, қачонки, фоизларни тўловчи шахс Давлатлардан бирининг резиденти бўладими ёки йўқми, Давлатлардан бирида доимий муассаса ёки доимий базага эга бўлиб, шу туфайли фоизларни тўлашга нисбатан қарз вужудга келган бўлса ва шундай қарзлар шундай доимий муассаса ёки доимий база томонидан тўланаётган бўлса, бундай ҳолда фоизлар, доимий муассаса ёки доимий база жойлашган Давлатда вужудга келган, деб ҳисобланади.

6. Агар тўловчи билан амалда фоизлар олиш ҳуқуқига эга бўлган шахс ўртасидаги, ёки улар иккаласи ва қандайдир бошқа шахс ўртасидаги алоҳида муносабатлар оқибатида қарз талабларига нисбатан тўланадиган фоизлар миқдори тўловчи билан амалда фоизлар олиш ҳуқуқига эга бўлган шахс ўртасида келишилиши мумкин бўлган миқдордан ортиқ бўлса, бундай муносабатлар йўқ бўлган ушбу модда қоидалари фақат охирги эслатилган миқдорга нисбатан қўлланилади. Бундай ҳолда тўловнинг ортиқча қисми ушбу Конвенциянинг бошқа қоидаларини инобатга олган ҳолда, ҳар бир Давлат қонунчилигига мувофиқ, аввалгидек солиққа тортилади.

1. Аҳдлашувчи Давлатларнинг бирида ҳосил бўладиган ва бошқа Аҳдлашувчи Давлатнинг резидентига тўланадиган роялтилар, агар бу резидент роялтининг ҳақиқий эгаси бўлса, ана шу бошқа Давлатда солиққа тортилиши мумкин.

2. Бироқ, бундай роялтилар, шунингдек улар ҳосил бўлган ўша Аҳдлашувчи Давлатда ва шу Давлат қонунларига мувофиқ ҳам солиққа тортилиши мумкин, аммо агар роялтининг ҳақиқий эгаси бошқа Аҳдлашувчи Давлат резиденти бўлса, солиқ роялтилар ялпи миқдорининг 10 фоизидан ошиб кетмаслиги лозим. Давлатларнинг ваколатли органлари ўзаро битимга мувофиқ ушбу банднинг қўллаш усулини белгилайдилар.

3. «Роялти» атамасидан ушбу моддада фойдаланилганда адабиёт, санъат ёки фан асарларига, шу жумладан кинофильмларга ҳар қандай патент, савдо белгиси, дизайн ёки андоза, режа, махфий формула ёки жараёнга, ёхуд саноат, тижорат ёки илмий тажрибага нисбатан ахборотга — бўлган ҳар қандай муаллифлик ҳуқуқидан фойдаланиши ёки фойдаланиш ҳуқуқи учун товон сифатида олинадиган ҳар қандай турдаги тўловларни билдиради.

4. Агар роялтининг ҳақиқий эгаси Аҳдлашувчи Давлатлардан бирининг резиденти бўла туриб роялти ҳосил бўлаётган бошқа Аҳдлашувчи Давлатда у ерда жойлашган доимий муассаса орқали тижорат фаолияти олиб бораётган бўлса, ёки ушбу бошқа Давлатда жойлашган доимий база орқали мустақил шахсий хизматлар кўрсатаётган бўлса ва роялти тўланаётган ҳуқуқ ёки мулк амалда шундай доимий муассаса ёки доимий базага ҳақиқатдан боғлиқ бўлса, 1- ва 2-бандларнинг қоидалари қўлланилмайди. Бундай ҳолда, 7-модда ёки 14-моддаларнинг қоидалари вазиятга қараб қўлланилади.

5. Роялти Аҳдлашувчи Давлатлардан бирида пайдо бўлган деб, ҳисобланади, агар тўловчи ана шу Давлатнинг резиденти бўлса. Бироқ, роялтини тўловчи шахс Аҳдлашувчи Давлатлардан бирининг резиденти бўладими ёки йўқми, Давлатларнинг бирида роялтини тўлаш мажбурияти зиммасига тушган доимий муассасага ёки доимий базага эга бўлса ва бу доимий муассаса ёки база тўлов бўйича жарималарни қопласа, бунда бундай роялтилар доимий муассаса ёки доимий база жойлашган ўша Давлатда ҳосил бўлган, деб ҳисобланади.

6. Агар тўловчи билан амалда роялти олиш ҳуқуқига эга шахс ўртасидаги, ёки уларнинг иккаласи ва бошқа бирон-бир шахс ўртасидаги алоҳида муносабатлар оқибатида роялтидан фойдаланишга, фойдаланиш ҳуқуқига ёки ахборот учун тўланадиган роялтининг миқдори, тўловчи ва амалда шу даромадлар ҳуқуқига эга шахс ўртасида келишилиши мумкин бўлган миқдордан ошиқ бўлса, бундай муносабатлар йўқ бўлган, ушбу модда қоидалари фақат охирги эслатилган миқдорга нисбатан қўлланилади. Бундай ҳолда, тўловнинг ортиқча қисми ушбу Конвенциянинг бошқа қоидаларини инобатга олиб, ҳар бир Аҳдлашувчи Давлат қонунчилигига мувофиқ аввалгидек солиққа тортилади.

1. Аҳдлашувчи Давлатлардан бирининг резиденти 6-моддада аниқлаб берилган ва бошқа Аҳдлашувчи Давлатда жойлашган кўчмас мулкни мусодара қилишдан оладиган даромадлари ана шу бошқа Давлатда солиққа тортилиши мумкин.

2. Аҳдлашувчи Давлатлардан бирининг корхонасини бошқа Аҳдлашувчи Давлатда эга бўлган доимий муассасаси тижорат мулкининг бир қисмини ташкил этувчи кўчар мулкни бегоналаштиришдан олган ёки Аҳдлашувчи Давлатлардан бирининг резиденти бошқа Давлатда мустақил шахсий хизматларни амалга оширишида бемалол фойдаланиши мумкин бўлган доимий базага тааллуқли кўчар мулкни мусодара қилишдан олган даромадлари, унга шу доимий муассасани (алоҳида ёки корхона билан биргаликда) ёки шундай доимий базани мусодара қилишдан олган даромадини қўшган ҳолда, ана ўша бошқа Давлатда солиққа тортилиши мумкин.

3. Халқаро ташишларда фойдаланиладиган денгиз, ҳаво кемалари ёки темир йўл транспорти воситаларини бегоналаштиришдан ёки шундай денгиз, ҳаво кемалари ёки темир йўл транспорти воситаларидан фойдаланишга тааллуқли бўлган кўчар мулкни бегоналаштиришдан олинадиган даромадлари фақат корхонанинг амалдаги раҳбар органи жойлашган ўша Давлатда солиққа тортилади.

4. 1-, 2- ва 3-бандларда санаб ўтилмаган ҳар қандай бошқа мулкни бегоналаштиришдан олинадиган даромадлар фақат мулкни бегоналаштирувчи шахс резидент бўлган ўша Давлатда солиққа тортилиши мумкин.

5. 4-банд қоидалари Аҳдлашувчи Давлатлардан ҳар бирининг ўз қонунчилигига биноан капитали тўлиқ ёки қисман акцияларга бўлинган ва ана шу Давлатнинг қонунчилиги бўйича шу Давлатнинг резиденти бўлган компанияда эга бўлган акцияларини ёки ҳуқуқларидан «фойдаланиш»ни бегоналаштирилиши асосида бошқа Аҳдлашувчи Давлат резиденти ҳисобланган ва бегоналаштиришдан олдинги сўнгги ўн йил мобайнида биринчи эслатилган Давлат резиденти бўлган жисмоний шахс томонидан олинадиган даромадларни солиққа тортиш ҳуқуқига дахл қилмайди.

1. Аҳдлашувчи Давлатлардан бирининг резиденти бўлган жисмоний шахснинг касб хизматларини кўрсатиш ёки бошқа мустақил турдаги фаолиятлардан олган даромади фақат ана шу Давлатда солиққа тортилади, у бошқа Давлатда ўзи учун мунтазам қулай бўлган фаолиятни амалга ошириш учун доимий базага эга бўлган ҳол эса бундан мустаснодир. Агар у бундай доимий базага эга бўлса, унда даромад бошқа Давлатда фақат шу доимий базага тааллуқли бўлган қисмида солиққа тортилиши мумкин.

2. «Касб хизматлари» ибораси асосан мустақил илмий, адабий, артистлик, маърифий ёки ўқитувчилик фаолиятларини, шунингдек шифокорлар, юристлар, муҳандислар, меъморлар, стоматологлар ва бухгалтерларнинг мустақил фаолиятини ҳам қамраб олади.

1. Ушбу Конвенциянинг 16-, 18-, 19- ва 20-моддалари қоидаларини ҳисобга олиб, Аҳдлашувчи Давлатлардан бирининг резиденти ёлланма иш бўйича оладиган маоши, иш ҳақи ва шунга ўхшаш бошқа тақдирлаш ҳақлари, агар ёлланма иш бошқа Аҳдлашувчи Давлатда амалга оширилмаётган бўлса, фақат мана шу Давлатда солиққа тортилади. Агар ёлланма иш шу тариқа бажарилаётган бўлса, унда шу муносабат билан олинган тақдирлаш ҳақлари ана ўша бошқа Давлатда солиққа тортилиши мумкин.

2. 1-банд қоидаларига қарамай, Аҳдлашувчи Давлатлардан бирининг резиденти бошқа Аҳдлашувчи Давлатда амалга оширадиган ёлланма иш бўйича оладиган тақдирлаш ҳақлари фақат биринчи эслатилган Давлатда солиққа тортилади, агар:

a) олувчи, бошқа Аҳдлашувчи Давлатда кўриб чиқилаётган молиявий йилда бошланадиган ёки тугайдиган ҳар қандай 12 ойлик давр доирасида жами 183 кундан ошмайдиган давр ёки даврлар мобайнида бўлиб турса; ва

b) тақдирлаш ҳақлари бошқа Давлат резиденти бўлмаган ёлловчи томонидан ёки ёлловчи номидан тўланса, ва

с) тақдирлаш ҳақлари бўйича харажатларни ёлловчи бошқа Давлатда эга бўлган муассаса ёки доимий база ўз зиммасига олмаса.

3. Ушбу модданинг аввалги қоидаларига қарамай, Давлатлардан бирининг резиденти халқаро юк ташишларда фойдаланиладиган денгиз, ҳаво кемалари бортида ёки темир йўл транспорти воситаларида амалга ошириладиган ёлланма иш бўйича олинадиган ҳақлари, фақат ана шу Давлатда солиққа тортилади.

Аҳдлашувчи Давлатлардан бирининг резиденти томонидан бошқа Аҳдлашувчи Давлат резиденти бўлган компаниянинг директорлар Кенгаши, ёки компаниянинг шунга ўхшаш органининг аъзоси сифатида оладиган директорлар гонорарлари ва бошқа шунга ўхшаш тўловлар ана ўша бошқа Давлатда солиққа тортилиши мумкин.

1. 14- ва 15-моддаларнинг қоидаларига қарамай, Аҳдлашувчи Давлатлардан бирининг резиденти томонидан бошқа Давлатда театр, кино, радио ёки телевидения артисти, ёки мусиқачи каби санъат ходими сифатида, ёки спортчи сифатида унинг шахсий фаолиятидан олинадиган Даромадлар ана шу бошқа Давлатда солиққа тортилиши мумкин.

2. Агар санъат ходими ёки спортчи томонидан амалга оширилаётган шахсий фаолиятга нисбатан бўлган даромадлар санъат ходими ёки спортчининг ўзига эмас бошқа шахсга ёзилса, ушбу даромад 7-, 14- ва 15-моддаларнинг қоидаларига қарамай, санъат ходими ёки спортчининг шундай фаолияти амалга оширилаётган ўша Давлатда солиққа тортилиши мумкин.

3. Бу модданинг 1- ва 2-бандлари қоидаларига қарамай, ушбу модданинг 1-бандида аниқланган фаолиятдан олинадиган даромад шу фаолият амалга оширилаётган ўша Давлатда солиқдан озод этилади, агар, фақат санъат ходими, мусиқачи ёки спортчининг ана шу Давлатга ташриф буюриши тўлалигича ёки асосан ана шу бошқа Давлатнинг ижтимоий жамғармаларидан ёки унинг сиёсий ёхуд маъмурий ҳудудий бўлинмалари ёки маҳаллий ҳокимият органлари томонидан маблағ билан таъминланаётган бўлса, ёки бу фаолият Давлатлар ўртасидаги маданий ёки спорт битимлари бўйича амалга оширилаётган бўлса.

1. 19-модданинг 2-банди қоидаларини ҳисобга олган ҳолда, Давлатлардан бирининг резидентига тўланадиган нафақалар ва ёллаш бўйича аввалги иш ва йиллик рента билан боғлиқ бўлган шунга ўхшаш ҳақлари фақат ана шу Давлатда солиққа тортилади.

2. Бироқ, шунга ўхшаш ҳақлари даврий тусга эга бўлмаса ва бошқа Давлатдаги ёллаш бўйича аввалги иш муносабати билан тўланса, ёки агар йиллик рента ўрнига умумий сумма тўланса, бу ҳақлари ёки умумий сумма улар вужудга келган ўша Аҳдлашувчи Давлатда солиққа тортилиши мумкин.

3. Аҳдлашувчи Давлатлардан бирининг ижтимоий ҳимоя қилиш тизими қоидаларига мувофиқ бошқа Давлат резидентига тўланган ҳар қандай нафақа ва бошқа тўловлар биринчи эслатиб ўтилган Давлатда солиққа тортилиши мумкин.

4. «Йиллик рента» атамаси, пул ёки моддий бойликлар кўринишида кўрсатилган ўхшаш хизматлар учун товон сифатида тўланадиган шундай тўловларни назарда тутувчи мажбурият асосида умрбод ёки белгиланган вақт даври мобайнида даврий тўланадиган белгиланган суммани англатади.

1. а) Аҳдлашувчи Давлатлардан бирининг сиёсий ёки маъмурий-ҳудудий бўлинмаси ёки маҳаллий ҳокимият органи томонидан шу Давлатга ёки унинг сиёсий ёки маъмурий-ҳудудий бўлинмаларига ёхуд маҳаллий ҳокимият органига кўрсатган хизматлари учун жисмоний шахсга тўланадиган пенсиядан ташқари маош, иш ҳақи ва бошқа шунга ўхшаш ҳақлари фақат ана шу Давлатда солиққа тортилади.

b) Бироқ, бундай маош, иш ҳақи ва бошқа шунга ўхшаш ҳақлари бошқа Аҳдлашувчи Давлатда солиққа тортилиши мумкин, агар хизматлар ана шу Давлатда кўрсатилаётган бўлса ва жисмоний шахс шу Давлатнинг резиденти бўлиб,

(i) ана шу Давлатнинг миллий шахси бўлса, ёки

(ii) фақат шу хизматни амалга ошириш мақсадида шу Давлат резиденти бўлган бўлмаса.

2. а) Аҳдлашувчи Давлатлардан бири томонидан ёки унинг сиёсий бўлинмаси ёки маҳаллий ҳокимият органи ёки улар томонидан ташкил этилган жамғармалар томонидан ана шу Давлатга ёки ва унинг сиёсий ёки маъмурий-ҳудудий ёхуд маҳаллий ҳокимият органларига кўрсатган хизматларига нисбатан ҳар қандай жисмоний шахсга тўланадиган ҳар қандай пенсия фақат ана шу Давлатда солиққа тортилади.

b) бироқ, бундай пенсия фақат бошқа Аҳдлашувчи Давлатда солиққа тортилади, агар жисмоний шахс ана шу Давлатнинг резиденти ва миллий шахси бўлса.

3. 15-, 16-, 17- ва 18-моддаларнинг қоидалари Аҳдлашувчи Давлатлардан бири томонидан ёки унинг сиёсий ёки маъмурий-ҳудудий бўлинмаси ёхуд маҳаллий ҳокимият органи томонидан амалга ошириладиган тадбиркорлик фаолияти муносабати билан кўрсатиладиган хизматларга нисбатан тўланадиган маош, иш ҳақи ва шунга ўхшаш бошқа ҳақларига нисбатан қўлланилади.

1. Аҳдлашувчи Давлатлардан бирининг резиденти бўлган ва бошқа Давлатда энг кўпи билан икки йил мобайнида ўша бошқа Давлатдаги университет, коллеж ёки таълим бериш ёхуд илмий тадқиқот фаолияти бўйича бошқа муассасаларда таълим бериш ёки илмий тадқиқот олиб бориш мақсадида турган профессор ёки ўқитувчининг олган тўловлари, фақат биринчи эслатиб ўтилган Давлатда солиққа тортилади.

2. Бу модда тадқиқот фаолиятидан олинадиган даромадга этилмайди, агар бундай фаолият жамоат манфаати йўлида эмас, балки биринчи навбатда муайян шахс ёки шахсларнинг хусусий фойдаси учун олиб борилаётган бўлса.

Аҳдлашувчи Давлатлардан бирига келгунга қадар бевосита бошқа Аҳдлашувчи Давлатнинг резиденти ҳисобланиб турган ёки бўлган ва биринчи эслатилган Давлатда фақатгина ўқиш ёки маълумот олиш мақсадидагина яшаб турган талаба ёки стажёрнинг яшаши, ўқиши ва маълумот олиши учун мўлжалланган тўловлар, агарда бундай тўловлар шу Давлат ҳудудидан ташқаридаги манбалардан пайдо бўлган ҳолатда мана шу Давлатда солиққа тортилмайди.

1. Аҳдлашувчи Давлатлардан бирининг резиденти ушбу Конвенциянинг олдинги моддалари билан боғлиқ бўлмаган даромад турлари, даромадларнинг қаерда пайдо бўлишидан қатъи назар, фақат ана шу Давлатда солиққа тортилади.

2. 1-банд қоидалари 6-модданинг 2-бандида белгиланган кўчмас мулкдан олинган даромад деб ҳисобланмайдиган даромадга нисбатан қўлланилмайди агарда бундай даромадни олувчи Аҳдлашувчи Давлатлардан бирининг резиденти бўла туриб бошқа Аҳдлашувчи Давлатда жойлашган доимий муассаса орқали фаолиятини амалга ошираётган бўлса ёки у ерда жойлашган доимий базадан мустақил шахсий хизматларни амалга ошираётган бўлса ва даромад тўланадиган ҳуқуқ ёки мулк ҳақиқатдан ҳам бундай доимий муассаса ёки база билан боғланган бўлса. Бу ҳолатда, вазиятга қараб 7-модда ёки 14-моддаларнинг қоидалари қўлланилади.

1. 6-моддада айтиб ўтилган кўчмас мулкдан иборат бўлган, Давлатлардан бирининг резидентига тегишли бўлган ва бошқа Аҳдлашувчи Давлатда жойлашган капитал ана шу бошқа Давлатда солиққа тортилиши мумкин.

2. Кўчар мулкдан иборат бўлиб бир Аҳдлашувчи Давлат корхонасининг бошқа Аҳдлашувчи Давлатда эга бўлган доимий муассасаси тижорат мулкининг бир қисмини ташкил этган ёки Аҳдлашувчи Давлатлардан бирининг бошқа Аҳдлашувчи Давлатда мустақил шахсий хизматлар кўрсатиш мақсадида унга қулай бўлган доимий базага тегишли кўчар мулкдан иборат бўлган капитал ана шу бошқа Давлатда солиққа тортилиши мумкин.

3. Халқаро юк ташишларда фойдаланиладиган денгиз, ҳаво кемалари ва темир йўл транспорти тарзидаги ва шундай денгиз, /ҳаво кемалари ва темир йўл транспортини эксплуатация қилиш билан боғлиқ бўлган кўчар мулкдан иборат капитал фақат корхонанинг ҳақиқий раҳбар органи жойлашган Аҳдлашувчи Давлатда солиққа тортилади.

4. Аҳдлашувчи Давлатлардан бирининг резиденти капиталининг бошқа барча элементлари, фақат шу Давлатда солиққа тортилади.

1. Нидерландия ўз резидентларидан солиқ ундиришда солиққа тортиладиган базага ушбу Конвенция қоидаларига мувофиқ Ўзбекистонда солиққа тортилишлари мумкин бўлган даромад турлари ёки капитални киритиши мумкин.

2. Бироқ, Нидерландиянинг резиденти ушбу Конвенциянинг 6-моддаси, 7-моддаси, 10-модданинг 4-банди, 11-модданинг 4-банди, 12-модданинг 4-банди, 13-мадданинг 1- ва 2-бандлари, 14-модда, 15-модданинг 1-банди, 18-модданинг 3-банди, 19-модданинг 1-банди (а-кичик банди) ва 2-банди (а-кичик банди) ва 22-модданинг 2-бандига мувофиқ, фақат Ўзбекистонда солиққа тортилиши мумкин бўлган ва 1-бандда айтиб ўтилган базага киритиладиган даромад олса ёки мулкка эгалик қилса, Нидерландия ўз солиғини камайтиришга рухсат этиш йўли билан даромадларнинг бундай турларини солиққа тортишдан озод қилади. Бундай камайтириш Нидерландия қонунининг икки ёқлама солиққа тортилишини бартараф қилиш қоидаларига мувофиқ ҳисобланади. Бу мақсад учун у ана шу қоидаларга мувофиқ нидерланд солиғидан озод қилинадиган юқорида айтиб ўтилган даромад турлари даромадлар умумий миқдорига киритилган деб, ҳисобланади.

3. Бундан кейин, Нидерландлар ушбу Конвенция 10-моддасининг 2-бандига, 11-модданинг 2-бандига, 12-модданинг 2-бандига, 13-модданинг 5-бандига, 16-моддага, 17-моддага ва 18-модданинг 2-бандига, 23-модданинг 1- ва 2-бандларига мувофиқ, Ўзбекистонда даромадлар ёки капиталнинг у турлари қай даражада 1-бандда айтилган базага киритилган бўлса, ўша даражада солиққа тортилган даромадлар ва капитал турларидан шу тариқа ҳисоблаб чиқилган нидерланд солиғидан чегирмага рухсат этади. Бу чегирма Ўзбекистонда даромадларнинг бу турлари ёки капиталга нисбатан тўланган солиққа тенг бўлади, лекин у рухсат этилган камайтириш миқдоридан ошиб кетмаслиги керак, башарти шу тариқа киритилган даромад турлари ёки капитал икки ёқлама солиққа тортишни бартараф қилиш тўғрисидаги Нидерландия қонунлари қоидаларига мувофиқ нидерланд солиғидан озод бўладиган даромад ёки капиталнинг бирдан-бир турлари ҳисоблансагина шундай бўлиши мумкин.

4. 2-банднинг қоидаларига қарамай, Нидерландия ушбу Конвенциянинг 7-моддасига, 10-модданинг 4-бандига, 11-модданинг 4-бандига, 12-модданинг 4-бандига, 14-модда ва 22-модданинг 2-бандига мувофиқ, Ўзбекистонда 1-бандда эслатиб ўтилган тарзда базага киритилган даромад ва капитал турларидан Ўзбекистонда олинадиган солиқ қачонки, агар Нидерландия икки ёқлама солиққа тортилишини бартараф қилиш тўғрисидаги Нидерландия қонуни қоидаларига мувофиқ бу даромадлардан бошқа мамлакатда тўланган солиқ нидерланд солиғидан чегириб ташлашга рухсат этади. Бу чегирмани ҳисоблаш учун ушбу модданинг 3-банди қоидалари тегишлича қўлланади.

5. Ўзбекистонда икки ёқлама солиққа тортиш қуйидагича бартараф этилади:

а) агар Ўзбекистон резиденти ушбу Конвенция қоидаларига мувофиқ Нидерландияда солиққа тортилиши мумкин бўлган даромад ёки капиталга эга бўлса, Ўзбекистон қуйидагиларга рухсат этиши мумкин:

(i) бу резидентнинг даромадига солинадиган солиқдан Нидерландияда тўланган даромад солиғига тенг миқдорни чегириб ташлашга;

(ii) бу резидентнинг капиталига солинадиган солиқдан Нидерландияда тўланган капитал солиғига тенг миқдорни чегириб ташлашга.

Бундай чегирмалар ҳар қандай ҳолатда, Нидерландияда шароитга қараб солиққа тортилиши мумкин бўлган даромад ёки капиталга тегишли бўлган чегирмани ҳисоблаб чиқилгунга қадар бўлган даромад ёки капитал солиғи қисмидан ошиб кетмаслиги лозим.

b) Қачонки, ушбу Конвенциянинг қандайдир қоидасига мувофиқ, Ўзбекистон резиденти эга бўлган даромад ёки капитал Ўзбекистондаги солиққа тортишдан чиқариб ташланганда, Ўзбекистон шу резидентнинг даромади ёки капиталининг қолган қисмидан олинадиган солиқ ҳисоблашда даромад ёки капитални солиққа тортишдан чиқариб ташланган миқдорини ҳисобга олиши мумкин.

1. Бу модданинг қоидалари, ушбу Конвенциянинг бошқа ҳар қандай қоидаларига қарамай қўлланилади. Бироқ бу модда, агар шахснинг оффшорлик фаолияти бу шахс учун 5-модданинг қоидаларига мувофиқ доимий муассаса ташкил этса, ёки 14-модданинг қоидаларига мувофиқ доимий база ҳосил қилса, ушбу ҳолатларга тадбиқ этилмайди.

2. Бу моддада «оффшорлик фаолияти» атамаси оффшорнинг Аҳдлашувчи Давлатлардан бирида жойлашган денгиз туби ва унинг тагзамини ва уларнинг табиий ресурсларини тадқиқ этиш ёки фойдаланиш билан боғлиқ ҳолда амалга ошираётган фаолиятини англатади.

3. Шу модданинг 4-бандига мувофиқ бошқа Аҳдлашувчи Давлатда оффшорлик фаолиятини амалга ошираётган Аҳдлашувчи Давлатлардан бирининг корхонаси бу фаолиятга нисбатан ана ўша бошқа Давлатда, унда жойлашган доимий ваколатхона орқали тадбиркорлик фаолиятини амалга ошираётган корхона сифатида қаралади, қачонки бундай оффшорлик фаолияти бошқа Давлатда ҳар қандай ўн икки ойлик даврда жами ўттиз кундан ошмайдиган давр ёки даврлар мобайнида амалга ошириладиган бўлса бундан мустаснодир.

Бу банднинг мақсадлари учун:

а) бошқа Аҳдлашувчи Давлатда оффшорлик фаолиятини амалга оширувчи корхона бошқа корхона билан бирлашган бўлса ва бу бошқа корхона ўша лойиҳанинг бир қисми сифатида биринчи эслатиб ўтилган корхона томонидан амалга оширилиб келган ва амалга оширилаётган фаолиятга ўхшаш оффшорлик фаолиятини бажаришни давом эттириб келса, ҳар иккала корхона биргаликда амалга ошираётган юқорида эслатиб ўтилган фаолият 30 кундан ошса, у ҳолда ҳар бир корхона ўн икки ойлик даврда 30 кундан ошиқ фаолиятни шу давр мобайнида амалга оширувчи корхона деб, қаралиши лозим;

b) агар корхоналардан бири бошқа корхона капиталининг ҳеч бўлмаганда учдан бир қисмига бевосита ёки билвосита эгалик қилса ёки шахс ҳар иккала корхона капиталининг ҳеч бўлмаганда учдан бир қисмига бевосита ёки билвосита эга бўлса, корхона бошқа корхона билан бирлашган деб, ҳисобланади.

4. Бироқ, ушбу модданинг 3-банди учун «оффшорлик фаолияти» атамаси, қуйидагиларни қамраб олмайди:

a) 5-модданинг 4-бандида эслатиб ўтилган фаолият турларидан биттасини ёки ҳар қандай комбинациясини;

b) асосан ана шу мақсадлар учун мўлжалланган денгиз кемалари амалга оширадиган кемани шатакка олиш ёки швартовка қилиш ва шундай денгиз кемалари амалга оширадиган бошқа ҳар қандай фаолият;

c) юк ташишлар доирасида денгиз ёки ҳаво кемаларида юк ёки одамларни ташиш.

5. Аҳдлашувчи Давлатлардан бирининг бошқа Аҳдлашувчи Давлатда мустақил тарздаги хизматлар ёки бошқа фаолият турларини ўзида мужассам этувчи оффшорлик фаолиятини амалга оширадиган резиденти, агарда бундай оффшорлик фаолияти 30 кун ёки ундан ҳам кўпроқ давр мобайнида узлуксиз амалга оширилаётган бўлса, бошқа Аҳдлашувчи Давлатда жойлашган доимий базада шундай фаолиятни амалга оширувчи деб, ҳисобланади.

6. Аҳдлашувчи Давлатлардан бирининг резиденти томонидан оффшорлик фаолияти билан боғлиқ ёлланиб ишлаш бўйича бошқа Аҳдлашувчи Давлатдаги доимий ваколатхона орқали амалга оширадиган фаолиятидан олинган маош, иш ҳақи ва бошқа шунга ўхшаш ҳақларининг ана ўша бошқа Давлатда, ўша бошқа Давлатнинг оффшор зонасидаги ёлланиб ишлаш билан боғлиқ қисмида солиққа тортилиши мумкин.

7. 7-моддага ва 14-моддага биноан, шу модданинг 3-банди ва 5-бандига, шунингдек шу модданинг 6-бандига тегишлича боғлиқ бўлган, Ўзбекистонда солиққа тортилиши мумкин бўлган даромадлардан Ўзбекистонда солиқ олинганлигини ҳужжатлар асосида исботлаб берилган, Нидерландия уларнинг солиғини камайтиришга рухсат этади, бу солиқ 24-модданинг 2-бандида баён этилган қоидаларга мувофиқ ҳисоблаб чиқилади.

1. Аҳдлашувчи Давлатлардан бирининг миллий шахслари, бошқа Аҳдлашувчи Давлатда, ана шу бошқа Давлат фуқароларига нисбатан айни бир хил шароитларда солинадиган ёки солиниши мумкин бўлгандан ортиқ ҳар қандай солиқ ёки унга алоқадор мажбуриятларга, солиқ солишдан кўра мушкулроқ ёки унга алоқадор ҳолатларга дучор қилинмайдилар. Бу қоида 1-модда қоидаларидан қатъи назар, шунингдек бир ёки ҳар иккала Аҳдлашувчи Давлатнинг резидентлари бўлмаган жисмоний шахсларга нисбатан ҳам қўлланилади.

2. Аҳдлашувчи Давлатлардан бирининг корхонаси бошқа Давлатда эга бўлган доимий муассасасини солиққа тортиш ушбу бошқа Давлатда айнан шундай фаолиятни амалга оширувчи ана шу бошқа Давлат корхоналарини солиққа тортишдан кўра ёмонроқ бўлмайди. Ушбу қоида бир Давлатни бошқа Давлат резидентига солиқ солиш ўз резидентларига уларнинг фуқаролик мавқеи ёки оилавий шароити асосида берадиган ҳар қандай шахсий солиқ имтиёзлари, камайтириш ва чегирмалар беришга мажбурловчи тарзда талқин қилинмаслиги лозим.

3. Ушбу Конвенция 9-моддасининг 1-банди, 11-моддасининг 6-банди ёки 12-моддасининг 4-банди қўлланиладиган ҳоллардан ташқари, Давлатлардан бирининг корхонаси бошқа Аҳдлашувчи Давлат резидентига тўлайдиган фоизлар, роялтилар ва бошқа қарз тўловлари бундай корхонанинг солиққа тортиладиган даромадини аниқлаш мақсадида бундай тўловлар биринчи эслатилган Давлат резидентига тўланган бўлганида қўлланиладиган шундай шартлар асосида чегириб ташланади. Давлатлардан бирининг корхонаси бошқа Аҳдлашувчи Давлат резидентига бўлган ҳар қандай қарзлари, бундай корхонанинг солиқ солинадиган капиталини аниқлаш мақсадлари учун биринчи эслатиб ўтилган Давлат резидентига тўланадиган қарзлари каби шартлар билан чегириб ташланиши лозим.

4. Аҳдлашувчи Давлатлардан бирининг корхоналари капитали тўлиқ ёки қисман бошқа Давлатнинг бир ёки бир неча резидентларига тегишли бўлса, ёки улар томонидан бевосита ёки билвосита назорат қилинса, биринчи эслатилган Давлатда, биринчи эслатилган Давлатнинг шундай корхоналарига солинадиган ҳар қандай солиқ ёки унга алоқадор ҳолатлар, бошқа ёки солиққа тортишдан кўра мушкулроқ ҳолатларга дучор қилинмайди.

5. Ушбу модда қоидалари 2-модда қоидаларига қарамай, ҳар қандай турдаги солиқларга нисбатан қўлланилади.

1. Агар шахс бир ёки ҳар иккала Аҳдлашувчи Давлатнинг ҳаракати унга ушбу Конвенция қоидаларига мувофиқ келмайдиган солиқ солинишига олиб келади ёки олиб келиши мумкин, деб ҳисобласа, у ушбу Давлатларнинг ички қонунчилигида назарда тутилган ҳимоя воситаларидан қатъи назар, ўз аризасини ўзи резидент бўлган Давлатнинг ваколатли органига, ёки агарда унинг ҳолати ушбу Конвенциянинг 26-моддаси 1-бандига мувофиқ келса, ўзи миллий шахси бўлган Аҳдлашувчи Давлатга тақдим этиши мумкин. Бу ариза ушбу Конвенция қоидаларига номувофиқ солиқ солинишига олиб келувчи ҳаракатлар тўғрисида биринчи бор билдирилган вақтдан бошлаб уч йил мобайнида берилиши керак.

2. Ваколатли орган унинг аризасини асосли деб топса ва унинг ўзи қониқтирадиган қарорга кела олмаса, масалани ушбу Конвенцияга мувофиқ келмайдиган солиққа тортилишдан қочиш бошқа Давлатнинг ваколатли органи билан ўзаро келишиб ҳал этишга ҳаракат қилади. Эришилган ҳар қандай келишув Аҳдлашувчи Давлатлар ички қонунларида ҳар қандай вақтинча чеклашларга қарамай бажарилади.

3. Аҳдлашувчи Давлатларнинг ваколатли органлари ушбу Конвенцияни талқин қилиш ёки қўллашда юзага келадиган ҳар қандай қийинчилик ёки иккиланишларни ўзаро келишув асосида ҳал қилишга ҳаракат қиладилар. Улар Конвенцияда назарда тутилмаган ҳолатларда ҳам икки томонлама солиқ солинишига йўл қўймаслик бир-бирлари билан маслаҳатлашишлари мумкин.

4. Аҳдлашувчи Давлатларнинг ваколатли органлари олдинги бандларни тушунишда ҳамфикрликка эришиш бир-бирлари билан бевосита алоқада бўлиб туришлари мумкин.

5. Конвенцияни талқин қилиш ёки қўлланишида мунозарали масалалар ёки иккиланишлар пайдо бўлганида улар Давлатларнинг ваколатли органлари томонидан ўзаро келишув тартиблари бўйича шу модданинг олдинги бандларига мувофиқ ушбу масала пайдо бўлганидан кейин икки йил муддат ичида ҳал этилмаган, ҳар бир Аҳдлашувчи Давлатнинг илтимосига биноан, арбитраж судида кўриб чиқиш учун берилиши, лекин фақат бу модданинг 1- ва 4-бандларида кўрсатиб ўтилган чоралар тўлиқ кўриб бўлингандан кейин ва жалб қилинган солиқ тўловчи ёки солиқ тўловчилар арбитраж судининг қарори билан чекланиб қолишга ёзма розилик билдиришлари шарти билан берилиши мумкин. Арбитраж органининг қарори ҳар иккала Аҳдлашувчи Давлат учун ва кўриб чиқилаётган ҳолат тааллуқли бўлган солиқ тўловчи ёки солиқ тўловчилар учун мажбурийдир.

Бу банд ҳар иккала Давлатнинг ваколатли органлари арбитражнинг юқорида эслатиб ўтилган халқаро қабул қилган тартибларини ўзаро битим бўйича таъсис этганларидан сўнг қўлланилади.

1. Аҳдлашувчи Давлатларнинг ваколатли органлари ушбу Конвенция қоидаларининг қўлланиши учун ушбу Конвенция тадбиқ этиладиган Давлатларнинг солиқларга тегишли ички қонунчилигини, ушбу қонунчиликдан ушбу Конвенцияга зид келмайдиган даражада фойдаланиш учун зарур ахборотлар билан алмашиб турадилар. Ахборот алмашиш 1-модда билан чекланмайди. Аҳдлашувчи Давлат томонидан олинаётган ҳар қандай ахборот, ушбу Давлатнинг ички қонунлари ҳақида олинган маълумот каби махфий ҳисобланади, ҳамда фақат аниқлаш, ундириш, мажбурий ундириш, суд орқали таъқиб этиш билан боғлиқ ёки Конвенция тааллуқли бўлган солиқларга нисбатан аппеляцияларни кўриб чиқувчи шахслар ва органларгагина (судлар ва маъмурий органларга ҳам) очилади. Бу шахслар ёки органлар ахборотдан фақат шундай мақсадлардагина фойдаланадилар. Улар ушбу ахборотни очиқ суд мажлисида ёки юридик қарорлар қабул қилиш чоғида очишлари мумкин.

2. Аҳдлашувчи Давлатлар 27-модданинг 5-бандига мувофиқ арбитраж судига арбитраж белгилаган процедураларни бажариш учун шундай ахборотни тақдим этишлари мумкин. Бундай ахборотни тақдим этиш 30-модда қоидаларида мавжуд бўлган шартларга мувофиқ амалга оширилади. Арбитраж судининг аъзолари бу модданинг 1-бандида тасвирланган, шу тариқа очиб берилган ҳар қандай ахборотни очиб беришга доир чеклашларга риоя қилишлари лозим.

1. Давлатлар ушбу Конвенция тадбиқ этиладиган солиқларни йиғишда, шунингдек уларнинг ҳар қандай ўсишига, юқорида эслатиб ўтилган солиқларга уларнинг қонунчилиги ва солиқларни ундириш амалиётига мувофиқ, қўшимча тўловлар, муддати узайтирилган тўловлар, фоизлар ва харажатларда бир-бирларига ёрдам бериш ва қўллаб-қувватлашга келишиб оладилар.

2. Ариза берувчи Давлатнинг илтимосига кўра сўралаётган Давлат биринчи эслатиб ўтилган Давлатнинг сўралаётган Давлатдаги қабул қилинган қонунчилик ва солиқ олиш амалиётига мувофиқ, солиқ ундиришда ёрдам кўрсатиш ҳақидаги илтимосини бажаради. Бироқ бундай илтимос сўралган Давлат томонидан устувор сифатида баҳоланмайди ва солиқ тўлашда ёрдам кўрсатиш бўйича мажбуриятлар қарздорни қамоқ жазоси кўринишидаги жазолаш йўли билан бажармаслиги керак. Сўралаётган Давлат ариза берувчи Давлат қонунларида кўзда тутилмаган жазо чораларини қўлламаслиги лозим.

3. 2-банд қоидалари ариза берувчи Давлатда фақат солиқлар тўлаш бўйича шундай талабларни тақдим этишга рухсат берувчи ҳужжатлар билан тасдиқланган талабларга нисбатан қўлланади ва шундай ҳолдаки, агар ваколатли органлар эътироз билдирилмаган талабларга доир бошқа қарор қабул қилмаган бўлса. Бироқ, талаб ариза берувчи Давлат резиденти бўлмаган шахснинг солиқ мажбуриятларига тааллуқли бўлса, 2-банд шу ҳолда қўлланадики, агар ваколатли органлар бошқа эътироз билдирилмайдиган талабларга нисбатан бошқа қарор қабул қилмаган бўлса.

4. Сўралаётган Давлат қуйидаги ҳолларда талабни қондириши шарт эмас:

(i) агар ариза берувчи Давлат ўз ҳудудида бўлган ўз ихтиёридаги барча воситалардан фойдаланмаса, бундай воситаларга мурожаат қилишга катта қийинчиликлар имконият бермайдиган ҳолатлар бундан мустаснодир;

(ii) агар сўраётган Давлат талаблари ушбу Конвенция қоидаларига ёки ҳар иккала Давлат иштирокчи бўлган бошқа ҳар қандай Конвенция қоидаларига зид келади деб ҳисобланса.

5. Ариза берувчи Давлатда солиқлар тўлаш талаблар билдиришга рухсат этадиган ҳужжат ёрдам кўрсатиш тўғрисидаги илтимос олинганидан кейин қисқа муддат ичида тегишли ҳолларда ва сўралаётган Давлатдаги қонунчилик қоидаларига мувофиқ равишда қабул қилиниши, эътироф этилиши, тўлдирилиши ёки сўралаётган Давлатда солиқлар тўлаш бўйича талаблар билдиришга рухсат этадиган ҳужжатга алмаштирилиши лозим.

6. Ҳар иккала Давлатнинг ваколатли органлари ўзаро келишувга мувофиқ, ушбу моддани қўлланиш қоидаларини белгилайдилар.

28- ва 29-моддаларнинг қоидалари Аҳдлашувчи Давлатлардан бирининг ваколатли органларини қуйидагиларга мажбур этувчи қоидалар сифатида асло талқин этилмайди:

а) у ёки бу Аҳдлашувчи Давлатдаги қонунларга ёки устун бўлган маъмурий тажрибага зид бўлган маъмурий чора-тадбирлар ўтказиш;

в) қонунлар бўйича ёки бирон-бир Аҳдлашувчи Давлатнинг одатдаги маъмурий тажрибаси жараёнида олиб бўлмайдиган ахборотни тақдим этиш;

с) савдо, саноат, тижорат ёки касб сирини ёки савдо жараёнини очиб берадиган ахборот ёхуд очилиши Давлат сиёсатига зид бўлган ахборотни тақдим этиш.

Ушбу Конвенциянинг ҳеч бир қоидаси дипломатик ваколатхона ходимлари ва консуллик муассасалари хизматчиларининг халқаро ҳуқуқнинг умумий нормаларига ёки махсус битим қоидаларига мувофиқ белгилаб қўйилган солиқ имтиёзларига дахл қилмайди.

1. Ушбу Конвенция ўзининг яхлитлиги ёхуд зарур ўзгаришлар билан Нидерландиянинг бир ёки ҳар иккала мамлакати бўлган Антила ва Арубага нисбатан кенгайтирилиши мумкин, агар мамлакат ўз хусусиятига кўра ушбу Конвенция этиладиган мамлакат сингари солиқлар оладиган бўлса, ҳар қандай шундай кенгайтиришлар шундай санадан ва шундай ўзгаришлар ва шарт-шароитларга мувофиқ амал қилади, шу жумладан дипломатик каналлар орқали бериладиган хабарномаларда белгиланиши ёки келишиб олиниши мумкин бўлган амал қилишининг тўхташи каби шарт-шароитларни ўз ичига олади.

2. Бошқача бўлиши келишиб олинмас экан, Конвенциянинг амал қилишини тўхтатиш шу моддага мувофиқ амалга оширилган ҳар қандай мамлакатда Конвенцияни ҳар қандай кенгайтиришни тўхтата олмайди.

Ушбу Конвенция Аҳдлашувчи Давлат ҳукуматлари ушбу Конвенциянинг кучга кириши учун тегишли Давлат қонунчилигига мувофиқ талаб қилинадиган процедураларнинг бажарилганлиги тўғрисида бир-бирларини хабардор қиладиган хабарномаларнинг охиргиси олинган санадан ўттиз кун ўтгандан сўнг кучга киради ва унинг қоидалари Конвенция кучга кирган йилдан кейин келадиган тақвимий йилнинг биринчи январидан ёки шу санадан кейин бошланадиган солиқ йиллари ва даврлари учун қўлланилади.

1. Ушбу Конвенция Аҳдлашувчи Давлатлардан бири томонидан унинг амал қилишини тўхтатмагунча ўз кучида қолади. Аҳдлашувчи Давлатлардан ҳар бири дипломатик каналлар орқали амал қилишини тўхтатиш тўғрисида хабар бериш йўли билан Конвенция кучга кирган кундан кейин беш йил ўтгач бошланадиган ҳар қандай тақвимий йилнинг тугашидан олти ой олдин Конвенциянинг амал қилишини тўхтатиши мумкин. Бундай ҳолда, Конвенциянинг амал қилиши, амал қилишини тўхтатиш тўғрисида хабарнома берилган тақвимий йилнинг охиридан бошлаб, солиқ солинадиган даврлар мобайнида тўхтатилади.

Тегишли тартибда ваколат берилган қуйида имзо чекувчилар шунга гувоҳлик бериб, ушбу Конвенцияни имзоладилар.

Гаага шаҳрида 2001 йил 18 октябрда икки нусхада, ҳар бири ўзбек, нидерланд ва инглиз тилларида тузилди, бунда ҳар учала матн бир хил кучга эга.

Ушбу Конвенциянинг ўзбек ва нидерланд тилларидаги матн қоидаларини талқин қилишда келишмовчиликлар вужудга келса, инглиз тилидаги матн асос учун қабул қилинади.

Ўзбекистон Республикаси билан Нидерландия Қироллиги ўртасида тузилган икки ёқлама солиққа тортилишига йўл қўймаслик ва даромад ҳамда капитал солиқларини тўлашдан бош тортишни олдини олиш тўғрисидаги Конвенцияни бугунги кунда имзолашда қуйида имзо чекувчилар қуйидаги қоидаларни Конвенциянинг ажралмас қисми деб аҳдлашиб олдилар.

«Амалдаги раҳбар орган» маъноси 3-модда 1-бандининг d) кичик бандида, 4-модданинг 3-бандида, 8-модданинг 1-бандида, 13-модданинг 3-бандида ва 23-модданинг 3-бандида ишлатилган бўлиб, бунда ҳисобга олиниши лозим бўлган ҳолатларда ҳақиқатдан компания қаердан бошқарилаётган ва назорат қилинаётган бўлса, ўша жой ва компанияни бошқариш сиёсати масалалари юзасидан юқори даражада муҳим қарорлар қабул қилинадиган жой, компаниянинг иқтисодий ва функционал нуқтаи назардан бошқаришда асосий роль ўйнайдиган жой ва энг муҳим бухгалтерлик молиявий топшириқлар амалга ошириладиган жой тушунилади.

Бирор-бир Давлатда аниқ яшаш жойига эга бўлмаган кема бортида яшайдиган шахс ушбу кема қайси Аҳдлашувчи Давлатга келиб тўхтаса, ўша Давлатнинг резиденти ҳисобланади.

Табиий ресурсларни тадқиқ қилиш ва уларга бўлган ҳуқуқлардан фойдаланишга Аҳдлашувчи Давлатда жойлашган денгиз туби ва тагзамин тааллуқли бўлган кўчмас мулк сифатида қаралади ва шундай ҳуқуқлар бу Давлатдаги доимий муассасанинг мулкига тааллуқли, деб ҳисобланади. Бундан ташқари юқорида эслатиб ўтилган ҳуқуқлар бундай қидирув ёки фойдаланиш натижасида олинадиган активларда улуш билан қатнашиш ёки улардан фойда олиш ҳуқуқларини ҳам қамраб олади.

7-модданинг 1- ва 2-бандларига нисбатан, қачонки Аҳдлашувчи Давлатлардан бирининг корхонаси бошқа Аҳдлашувчи Давлатда, унда жойлашган доимий муассасаси орқали товар ёки буюмлар сотишни ва тадбиркорлик фаолиятини амалга оширган корхона даромадининг тўлиқ асосида эмас, балки ҳақиқатдан ҳам доимий муассаса фаолиятининг шундай сотувга ёки тадбиркорлик фаолиятини амалга оширишга нисбатан тааллуқли бўлган даромад қисми асосида белгиланади. Хусусан, корхона доимий муассасага эга бўлган тақдирда тадқиқотчилик фаолияти олиб боришга, саноат, тижорат ёки илмий асбоб-ускуналарни етказиб бериш, ўрнатишга ёки бинолар қуришга ёки жамоат ишлари олиб боришга шартномалар тузилса бундай доимий муассасага тегишли бўлган фойда шартноманинг умумий асосида эмас, балки бу муассаса ўзи жойлашган Давлатда ҳақиқатда амалга оширадиган шартноманинг қисми асосида белгиланади, агар солиқ тўловчи доимий муассасанинг юқорида кўрсатиб ўтилган ишларни бажариш вақтида амалга оширган қиймат ва харажатлар • ҳақидаги маълумотларни солиқ органига тақдим этса.

Кўрсатилган техник хизматлар учун, шу жумладан, илмий, геологик ёки техник табиатни ўрганиш ёки маслаҳат ёки пудрат хизматлари учун ҳақи сифатида олинган тўловлар 7- ёки 14-модда қоидалари тадбиқ этиладиган тўловлар ҳисобланади.

Конвенциянинг 10-моддаси 2-бандининг а) кичик банди қоидаларига қарамасдан, ҳозирча Нидерландиядаги корпоратив солиқ тўғрисидаги қонун қоидаларига мувофиқ, ундан кейинги келгусидаги тузатишларга қарамай, Нидерландия резиденти ҳисобланган компаниянинг Ўзбекистон резиденти бўлган компаниядан оладиган дивидендларига нидерланд корпоратив солиғи солинмайди, бу кичик бандда тадбиқ этиладиган фоиз нисбати ноль ставкасигача пасайтирилмайди.

Қачонки, 10-, 11- ёки 12-моддаларнинг қоидаларида кўзда тутилган юқорироқ ставка бўйича солиқ олинган ҳолда, ортиқча олинган солиқ қайтариб бериш тўғрисидаги аризалар Давлатнинг солиқни ундирган ваколатли органига солиқ ундирилган тақвимий йилдан сўнг уч йил давомида жўнатилиши лозим.

Тушуниладики, компаниянинг (қисман) тугатилиши ёки компания акцияларини сотиб олиниши муносабати билан олинган даромад капиталнинг ўсишидан олинадиган даромад сифатида эмас, балки акциялардан олинган даромад сифатида қаралади.

1. Ушбу Конвенция 11-моддасининг 2-банди ва 12-моддасининг 2-банди қоидаларига қарамай, агар ва ҳозирча Нидерландия ўзининг миллий қонунларига мувофиқ даромадлар манбаидан Ўзбекистон резидентига тўланган фоизлар ёки роялтига солиқ солмас экан, ушбу Конвенция 11-моддасининг 2-бандида ва 12-моддасининг 2-бандида қараб чиқилгани каби, фоиз нисбати бундай ҳолда ноль ставкасигача пасайтирилиши мумкин.

2. Агар Давлатларнинг ваколатли органлари ўртасидаги ўзаро келишувга мувофиқ, шундай қоида айтиб ўтиладиган бўлса, Баённоманинг ушбу қисми 1-бандининг қоидалари қўлланилмайди. Конвенциянинг 27-моддасига мувофиқ ташкил этилган ёки белгиланган фоиз тўланишига тегишли бўлган қарз талабномалари ёки роялти тўланишига тегишли бўлган ҳуқуқлар бундай ҳолда, асосан Баённоманинг ушбу қисми 1-банди афзалликларидан фойдаланиш мақсадида шундай қилинаётганида ушбу қоида ишга солинади.

Нидерландиянинг «bestuurder or commissaris» компанияси деганда акциядорлар йиғилишлари ёки шундай компаниянинг бошқа ҳар қандай ваколатли органи томонидан тайинланган шахслар тушунилади ва улар компанияни ва тегишли равишда бўлинмаларни умумий бошқаришда иштирок этадилар.

Конвенциянинг 18-моддаси 1-банди қоидаларига қарамай, Ўзбекистоннинг ваколатли органи Нидерландиянинг ваколатли органига Ўзбекистон қонунчилиги бўйича бундай тўловларга Ўзбекистон солиқ солиши мумкин, деб хабар бермагунча, Нидерландия ўзининг бунга тааллуқли тўловларга нисбатан миллий қонунларини тадбиқ этиши мумкин.

Тушуниладики, 24-модданинг 3-бандида эслатиб ўтилган, 23-модданинг 1-бандида айтиб ўтилган капитал турлари чегирмаларини ҳисоблаш мақсадлари учун шу капиталга унинг гаров билан таъминланган қарз суммасига камайтирилган қиймат баҳосини ҳисоблашда эътиборга олинади, 23-модданинг 2-бандида айтиб ўтилган капитал турлари эса унинг доимий муассаса ёки доимий базага тегишли бўлган қарзлар қийматига камайтирилган қиймат баҳосини ҳисоблашда эътиборга олинади.

Шу нарса назарда тутиладики, Орол денгизининг «денгиз» сифатидаги мақоми халқаро қонунларга мувофиқ, халқаро миқёсда эътироф қилинган тақдирдагина 25-модданинг қоидалари амал қилади.

Тегишли тарзда ваколат берилган қуйида имзо чекувчилар шунга гувоҳлик бериб, ушбу Конвенцияни имзоладилар.

Гаага шаҳрида 2001 йил 18 октябрда икки нусхада, ҳар бири ўзбек, нидерланд ва инглиз тилларида тузилди, бунда ҳар уччала матн бир хил кучга эга.

Ушбу Конвенциянинг ўзбек ва нидерланд тилларидаги матн қоидаларини талқин қилишда келишмовчиликлар вужудга келган тақдирда, инглиз тилидаги матн асос учун қабул қилинади.