Ўзбекистон Республикасининг «Оилавий тадбиркорлик тўғрисида» 2012 йил 26 апрелдаги ЎРҚ-327-сон Қонунига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.

1. Вазирлар Маҳкамасининг 1999 йил 3 июлдаги 327-сон қарори (Ўзбекистон Республикаси ҚТ, 1999 й., 7-сон, 35-модда) билан тасдиқланган Молия-хўжалик фаолиятини амалга оширмаётган ва қонунчиликда белгиланган муддатларда ўзларининг устав жамғармаларини шакллантирмаган корхоналарни тугатиш тартиби тўғрисидаги Низомнинг 1.3-бандида:

қуйидаги мазмундаги тўртинчи хатбоши қўшилсин:

«оилавий корхонада ягона қатнашчи қолиши»;

тўртинчи хатбоши бешинчи хатбоши деб ҳисоблансин.

2. Вазирлар Маҳкамасининг 2003 йил 20 августдаги 357-сон қарори (Ўзбекистон Республикаси ҚТ, 2003 й., 8-сон, 72-модда) билан тасдиқланган Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисидаги Низомда:

а) 11-банднинг иккинчи хатбошидаги «таъсис шартномаси ва устав» сўзларидан кейин «оилавий корхона» сўзлари қўшилсин:

б) қуйидаги мазмундаги 72¹-банд қўшилсин:

«72¹. Оилавий корхона раҳбари алмашган, қатнашчи оилавий корхона таркибига ихтиёрий равишда кирганда (унинг таркибидан чиққанда), эр-хотинлар ўртасидаги никоҳ бекор қилинган ёки оилавий корхона қатнашчиси вафот этган тақдирда ва бу ҳолатлар оилавий корхона балансига берилган, оилавий корхона қатнашчилари мол-мулки рўйхати ўзгаришига олиб келганда таъсис шартномасига тегишли ўзгартириш ва қўшимчалар киритилади. Бунда оилавий корхона таъсис ҳужжатларига киритилган ўзгартириш ва қўшимчаларни давлат рўйхатидан ўтказиш талаб қилинмайди»;

в) Низомга 1-илованинг I бўлимига «хусусий корхона» сўзларидан кейин «оилавий корхона» сўзлари қўшилсин.

4. Вазирлар Маҳкамасининг «Оилавий тадбиркорликни ва ҳунармандчилик фаолиятини ривожлантириш ва кенгайтириш чора-тадбирлари тўғрисида» 2009 йил 29 июлдаги 216-сон қарорида (Ўзбекистон Республикаси ҚТ, 2009 й., 7-сон, 58-модда):

а) қарор номи қуйидаги таҳрирда баён қилинсин:

«Юридик шахс ташкил этмасдан оилавий тадбиркорликни ҳамда ҳунармандчилик фаолиятини ривожлантириш ва кенгайтириш чора-тадбирлари тўғрисида»;

б) 2-банд қуйидаги таҳрирда баён қилинсин:

«2. Юридик шахс ташкил этмасдан оилавий тадбиркорликни ва ҳунармандчилик фаолиятини амалга ошириш тартиби тўғрисидаги Низом иловага мувофиқ тасдиқлансин»;

в) Низом номи қуйидаги таҳрирда баён қилинсин:

«Юридик шахс ташкил этмасдан оилавий тадбиркорликни ва ҳунармандчилик фаолиятини амалга ошириш тартиби тўғрисидаги Низом»;

Низомда:

1-банд қуйидаги таҳрирда баён қилинсин:

«1. Ушбу Низом Ўзбекистон Республикасида юридик шахс ташкил этмасдан оилавий тадбиркорликни ва ҳунармандчилик фаолиятини амалга ошириш тартибини белгилайди»;

14-банд қуйидаги таҳрирда баён қилинсин:

«14. Оилавий тадбиркорликда ёки ҳунармандчилик фаолиятида қатнашаётган 16 ёшдан 18 ёшгача бўлган шахслар учун бир ҳафтада 36 соатлик, 15 ёшдан 16 ёшгача бўлган шахслар учун эса – бир ҳафтада 24 соатлик иш вақтидан ошмаслиги лозим»;

17-бандда:

қуйидаги мазмундаги бешинчи хатбоши қўшилсин:

«ўқувчиларга тегишли мукофотлар тўлаш»;

бешинчи ва олтинчи хатбоши тегишли равишда олтинчи ва еттинчи хатбоши деб ҳисоблансин.