Ўзбекистон стандартлаштириш, метрология ва сертификатлаштириш агентлиги ва Венгрия савдони лицензиялаш идораси, бундан кейин «Томонлар» деб юритилади,

Метрология соҳасида ҳамкорликни ривожлантириш истагида,

1996 йил 21 июнда имзоланган Ўзбекистон Республикаси, бир томондан, Европа Ҳамжамиятлари ва уларга Аъзо-давлатлар, иккинчи томондан, ўртасида шерикчилик таъсис этувчи Шерикчилик ва Ҳамкорлик тўғрисида Битим қоидаларига асосланиб,

Халқаро ташкилотлар томонидан қабул қилинган меъёрлар ва стандартларидан келиб чиққан ҳолда,

Томонлар қўшимча равишда тузиладиган Битимлар, молиявий шартномалар, баённомалар ва дастурлар доирасида алоҳида лойиҳаларни ўзаро келишилган ҳолда, қуйидаги соҳаларда ҳамкорликнинг тадбирларини амалга оширади:

халқаро система (СИ) катталикларидаги миллий эталонларни ва ишчи эталонларнинг узатилишини такомиллаштириш;

халқаро система (СИ) катталиклардаги миллий эталонларни солиштириш;

метрология лабораториялари учун ускуналарни яратиш;

Метрология соҳасида эришилган етакчи малака ва тажриба билан алмашиш;

метрология соҳасида мутахассисларни ўқитиш;

маълумотлар, меъёрий ва қонун ҳужжатлари билан алмашиш.

Томонлар метрология соҳасидаги халқаро ташкилотларга уларга аъзо бўлишда ва мазкур ташкилотлар фаолиятида қатнашишда бир-бирларини қўллаб-қувватлайдилар.

Мазкур Меморандум доирасидаги ҳамкорликнинг молиявий шартлари, Томонларнинг ўзаро келишувларига кўра амалга оширилади.

Томонлар, агар ҳужжатларнинг махфийлигидан Томонлардан бири хабардор қилинган бўлса, олинган ҳужжатлар ва ахборотлар ҳамда мазкур Англашув Меморандум доирасида эришилган илмий-техникавий натижаларнинг махфийлигини таъминлайдилар. Ҳар қандай маълумот учинчи Томонга махфийликни талаб қилган Томоннинг фақат ёзма розилиги билангина берилиши мумкин.

Мазкур Англашув Меморандумининг талаблари Томонларнинг давлатлари иштирокчилари бўлган бошқа халқаро битимлар асосида пайдо бўладиган ҳуқуқ ва мажбуриятларига дахл қилмайди.

Мазкур Англашув Меморандуми қоидаларини қўллаш ва талқин қилишда юзага келган келишмовчиликлар ўзаро маслаҳатлашув ва музокаралар орқали ҳал қилинади.

Томонларнинг ўзаро келишувларига асосан, мазкур Англашув Меморандумига унинг ажралмас қисми ҳисобланадиган, алоҳида протоколлар билан расмийлаштириладиган қўшимча ва ўзгартишлар киритилиши мумкин.

Мазкур Англашув Меморандуми Томонлар имзолаган кундан бошлаб кучга киради ва уч йил муддатга амал қилади. Ҳар бир Томон бошқа Томонни ёзма равишда бекор қилиш тўғрисида камида 6 ой олдин хабардор қилган ҳолда Битимни бекор қилиши мумкин.

Англашув Меморандуми Тошкент шаҳрида 2011 йил 7 ноябрда, икки асл нусхада, ҳар бири ўзбек, венгер ва инглиз тилларида тузилди.