Корея Республикаси Соғлиқни сақлаш ва ижтимоий таъминот вазирлиги ва Ўзбекистон Республикаси соғлиқни сақлаш вазирлиги, келгусида «Томонлар» деб аталувчилар,

соғлиқни сақлаш ва тиббиёт фани соҳасидаги икки томонлама ҳамкорликни янада кенгайтириш мақсадида,

Томонлар соғлиқни сақлаш ва тиббиёт фани соҳасидаги ҳамкорликни ўзаро манфаатли равишда ҳамда Томонлар давлатларининг қонунчилиги асосида кўллаб-қувватлайдилар ва ривожлантириб борадилар.

Томонлар соғлиқни сақлаш ва тиббиёт фанининг соҳаларида ҳамкорликни қуйидаги ўзаро қизиқиш бўлган соҳаларда олиб борадилар:

а) Соғлиқни сақлашни ташкиллаштириш ва бошқариш;

b) Стационар ҳолатида кўрсатиладиган тиббий ёрдам;

с) Соғлиқни сақлаш ва тиббиёт техникаси соҳасида янги технологиялар;

d) Юқумли бўлмаган ва юқумли касалликлар диагностикаси қилиш ва даволаш;

е) электрон тиббиёт;

f) тиббиёт ва дори воситалари сиёсати ҳамда илмий изланишлар;

g) соғлом турмуш тарзини тарғиб қилиш ва касалликларни олдини олиш;

h) илмий изланишлар, биотехнологияларни ривожлантириш ва индустриализацияси;

i) Томонлар келишувига кўра бошқа соҳалар.

Томонлар ҳамкорликни қуйидагилар орқали олиб борадилар:

а) ахборот алмашинуви;

b) делегациялар ва мутахассислар алмашинуви;

с) Томонлар учун устувор бўлган йўналишларда тажриба алмашинуви;

d) конгресс, конференциялар ва бошқа тадбирларда иштирок этиш;

е) соғлиқни сақлаш, тиббиёт ва фармацевтика фани соҳасида ўзаро қизиқиш бўлган қўшма лойиҳалар ва ходимларни ўқитиш;

f) икки давлат ўртасида тиббий ёрдам хизматларидан фойдаланишни яхшилаш;

g) халқаро ҳамкорлик.

Томонлар талабларига асосан, соғлиқни сақлаш соҳасидаги фаолиятни тартибга солувчи қонунчилик ҳамда тиббиёт фани, янги технологик кашфиётлар ва янги тиббиёт техникаси бўйича ахборот ва тажриба алмашадилар.

Томонлар тиббиёт муассасалари, миллий тиббиёт марказлари, клиникалари ва даволаш муассасалари ўртасида тўғридан-тўғри ҳамкорлик ўрнатилишини қўллаб-қувватлаш бўйича ҳаракатларни икки томонлама қизиқиш доирасида амалга оширадилар.

1. Томонлар билим, тажриба ва малакасини ошириш мақсадида, экспертлар ва тиббиёт мутахассислари алмашувини, икки давлат учун устувор бўлган соҳаларда амалга оширадилар.

2. Мутахассислар алмашуви билан боғлиқ бўлган барча харажатларни, шу жумладан, транспорт, меҳмонхоналарда яшаш билан боғлиқ бўлган харажатларни юборувчи Томон ўз зиммасига олади.

3. Ушбу Меморандум доирасидаги ўзаро фаолиятнинг бошқа шаклдаги турлари билан боғлиқ бўлган харажатлар Томонлар ўртасидаги келишувга асосан тўланади.

4. Томонлар бошқа давлатга режалаштирилаётган сафардан камида бир ой олдин, ўз экспертлари ва мутахассисларининг ишчи дастурларини тайёрлаб, инглиз тилида иккинчи Томонга юборади.

Томонлар ушбу Меморандум доирасидаги фаолиятни мувофиқлаштириш учун вазирликлар масъул ходимларидан ташкил топган ишчи гуруҳини тайинлайдилар.

Томонларнинг келишувига асосан, ушбу Меморандумга ўзгариш ва қўшимчалар киритилиши мумкин бўлиб, улар Меморандумнинг айрилмас қисми ҳисобланган алоҳида протоколлар билан расмийлаштирилади.

Томонларнинг хат орқали ўзаро келишувига асосан, ушбу Меморандум ўзгартирилиши мумкин.

Ушбу Меморандум Томонларнинг имзолаган кунидан бошлаб кучга киради ва беш йил муддатга амал қилади. Томонлардан бири бошқа Томонни, тегишли муддат тугашидан камида олти ой олдин дипломатик каналлар орқали ушбу Битимнинг амал қилинишини тўхтатиш нияти тўғрисида ёзма равишда хабардор қилмаса, унинг фаолияти ўз-ўзидан кейинги беш йил муддатга узайтирилади.

Ушбу Битим қоидаларини талқин қилишда қарама-қаршиликлар юзага келган ҳолда инглиз тилидаги матндан фойдаланилади.

Ушбу Меморандумнинг тугатилиши, агарда Томонлар бошқа келишувга эга бўлмасалар Меморандум амал қилган даврда бошланган лойиҳа ва дастурларнинг тугатилишига таъсир қилмайди.

Тошкент шаҳрида 2011 йил 23 августида икки асл нусхада, ҳар бири ўзбек, корейс ва инглиз тилларида бўлган бир хил маънода тузилди ва барча матнлар бир хил кучга эга. Ушбу Меморандумнинг бандларини талқин қилишда тафовутлар бўлган холда, инглиз тилидаги матн устуворлик қилади.