Ўзбекистон Республикаси Божхона кодексининг 27, 28, 89 ва 90-моддалари (Ўзбекистон Республикаси Олий Мажлисининг Ахборотномаси, 1998 йил, 2-сон, 36-модда), «Давлат божхона хизмати тўғрисида»ги Ўзбекистон Республикаси Қонунининг (Ўзбекистон Республикаси Олий Мажлисининг Ахборотномаси, 1997 йил, 9-сон, 230-модда) 6-моддасига ва Вазирлар Маҳкамасининг 2009 йил 23 апрелдаги 120-сонли қарори (Ўзбекистон Республикаси қонун ҳужжатлари тўплами, 2009 йил, 17-сон, 215-модда) билан тасдиқланган «Навоий» эркин индустриал-иқтисодий зонаси ҳудудида алоҳида божхона режими тўғрисидаги низомга мувофиқ Давлат божхона қўмитаси қарор қилади:

1. «Навоий» эркин индустриал-иқтисодий зонасида товарларни расмийлаштиришда божхона юк декларациясини тўлдириш қоидалари иловага мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.

Ушбу Қоидалар Ўзбекистон Республикасининг Божхона кодекси (Ўзбекистон Республикаси Олий Мажлисининг Ахборотномаси, 1998 й., 2-сон, 36-модда) 27, 28, 89 ва 90-моддалари, Ўзбекистон Республикасининг «Давлат божхона хизмати тўғрисида»ги Қонуни 6-моддаси (Ўзбекистон Республикаси Олий Мажлисининг Ахборотномаси, 1997 й., 9-сон, 230-модда) ва Ўзбекистон Республикасининг Вазирлар Маҳкамасининг 2009 йил 23 апрелдаги 120-сон қарори (Ўзбекистон Республикаси қонун ҳужжатлари тўплами, 2009 й., 17-сон, 215-модда) билан тасдиқланган «Навоий» эркин индустриал-иқтисодий зонаси ҳудудидаги алоҳида божхона режими тўғрисидаги низомга мувофиқ «Навоий» эркин индустриал-иқтисодий зонасига (бундан кейинги ўринларда «Навоий» ЭИИЗ деб юритилади) жойлаштирилаётган ва ундан чиқарилаётган товарларга божхона юк декларациясини (бундан кейинги ўринларда БЮД деб юритилади) тўлдириш тартибини белгилайди.

1. «Навоий» ЭИИЗга жойлаштирилаётган ва ундан чиқарилаётган товарларга БЮД «Божхона юк декларациясини тўлдириш тартиби тўғрисида»ги йўриқнома (рўйхат рақами 834, 1999 йил 3 ноябрь) (бундан кейинги ўринларда Йўриқнома деб юритилади) асосида тўлдирилади.

2. Товарларни «Навоий» ЭИИЗга олиб кириш ва ундан олиб чиқиш вақтида божхона расмийлаштируви учун божхона органларига Йўриқномада назарда тутилганлардан қўшимча равишда мазкур низомга келтирилган иловадаги ҳужжатлар тақдим этилади.

3. Илгари вақтинча сақлаш, эркин омбор ва божхона омбори божхона режимига жойлаштирилган товарлар тўғридан-тўғри эркин иқтисодий зона божхона режимига расмийлаштирилиши мумкин.

Ўзбекистон Республикаси божхона ҳудудида илгари вақтинча олиб кириш ва қайта ишлаш божхона режимларига жойлаштирилган чет эл товарлари ҳамда Ўзбекистон Республикаси божхона ҳудудидан ташқарига илгари вақтинча олиб чиқиш ва қайта ишлаш божхона режимларига жойлаштирилган товарлар белгиланган тартибда бошқа божхона режимига расмийлаштирилгандан сўнг, эркин иқтисодий зона божхона режимига расмийлаштирилиши мумкин.

4. Декларант томонидан БЮД асосий варағининг қуйидаги устунлари ва қўшимча варақларнинг тегишли устунлари тўлдирилади: рақамли — 1 , 2, 3, 4, 5, 6, 8, 9, 11, 12, 13, 14, 16, 17, 17а, 18, 19, 20, 22, 23, 24, 26, 28, 29, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 49, 50, 53, 54;

ҳарфли — А (фақат БЮД асосий варағида), В ва С.

5. Ушбу Қоиданинг 4-бандида кўрсатиб ўтилган БЮД устунлари (1, 17, 17а, 44-устунлардан ташқари), Йўриқноманинг 3-бўлимига мувофиқ тўлдирилади.

6. БЮДнинг 1, 17, 17а, 44-устунларини тўлдириш қуйидаги ўзига хос жиҳатларга эга:

1-устун. «Декларация тури»:

устуннинг биринчи бўлинмасида товарларни йўналиши экспорт режими «ЭК» кўрсатилади;

устуннинг иккинчи бўлинмасида божхона режими коди эркин иқтисодий зона «71» кўрсатилади;

устуннинг учинчи бўлинмаси қуйидагича тўлдирилади:

«1» — агар «Навоий» ЭИИЗ қатнашчисининг ўз эҳтиёжлари учун мўлжалланган маҳсулотни «Навоий» ЭИИЗга жойлаштирса;

«0» — агар «Навоий» ЭИИЗ қатнашчисининг ўз эҳтиёжлари учун мўлжалланмаган маҳсулотни «Навоий» ЭИИЗга жойлаштирса.

17-устун. «Тайин этилган мамлакат»:

устунда «Ўзбекистон» кўрсатилади.

17а-устун. «Тайин этилган мамлакат коди»:

устунда жаҳон мамлакатлари таснифномасига мувофиқ Ўзбекистон Республикасининг коди кўрсатилади.

44-устун. «Қўшимча ахборот/тақдим этиладиган ҳужжатлар»:

8-бандида қўшимча тақдим этиладиган ҳужжатларнинг рақами ва санаси кўрсатилади.

7. Декларант томонидан БЮД асосий варағининг қуйидаги устунлари ва қўшимча варақларнинг тегишли устунлари тўлдирилади: рақамли — 1, 2, 3, 4, 5, 6, 8, 9, 11, 12, 13, 14, 15, 15а, 16, 18, 19, 20, 21, 22, 23, 24, 25, 26, 28, 29, 31, 32, 33, 34, 35, 36, 37, 38, 40, 41, 42, 44, 45, 46, 47, 48, 49, 50, 53, 54;

ҳарфли — А (БЮДнинг асосий варағида), В, С.

8. Ушбу Қоиданинг 7-бандида кўрсатиб ўтилган устунлар (1 ва 44-устунлардан ташқари) Йўриқноманинг 6-бўлимига мувофиқ тўлдирилади.

9. БЮДнинг 1 ва 44-устунлари қуйидагича тўлдирилади:

1-устун. «Декларация тури»:

устуннинг биринчи бўлинмасида товарларнинг йўналиши импорт «ИМ» кўрсатилади;

устуннинг иккинчи бўлинмасида божхона режими коди эркин иқтисодий зона «71» кўрсатилади;

устуннинг учинчи бўлинмаси қуйидагича тўлдирилади:

«1» — агар «Навоий» ЭИИЗ қатнашчисининг ўз эҳтиёжлари учун мўлжалланган маҳсулотни «Навоий» ЭИИЗга жойлаштирса;

«0» — агар «Навоий» ЭИИЗ қатнашчисининг ўз эҳтиёжлари учун мўлжалланмаган маҳсулотни «Навоий» ЭИИЗга жойлаштирса.

44-устун. «Қўшимча ахборот/тақдим этиладиган ҳужжатлар»:

8-бандида қўшимча тақдим этиладиган ҳужжатларнинг рақами ва санаси кўрсатилади.

10. «Навоий» ЭИИЗга жойлаштирилган товарларни Ўзбекистон Республикаси ҳудудидан ташқарига олиб чиқишда БЮДнинг 37 ва 44-устунлари қуйидагича тўлдирилади:

37 — устун «процедура»:

а) «Навоий» ЭИИЗга жойлаштирилган чет эл товарларини ўзгартирилмаган ҳолатда реэкспорт божхона режимига расмийлаштиришда «11 71 **» (3 — жуфтлик «49» рақамидан ташқари) кўрсатилади;

б) «Навоий» ЭИИЗга жойлаштирилган Ўзбекистон Республикаси товарларини ўзгартирилмаган ҳолатда экспорт божхона режимига расмийлаштиришда «10 71 **» (3 — жуфтлик «49» рақамидан ташқари) кўрсатилади;

в) «Навоий» ЭИИЗда ишлаб чиқарилган товарларни экспорт божхона режимига расмийлаштиришда «10 71 49» кўрсатилади.

44-устун. «Қўшимча ахборот/тақдим этиладиган ҳужжатлар»:

8-бандида қўшимча тақдим этиладиган ҳужжатларнинг рақами ва санаси кўрсатилади.

11. «Навоий» ЭИИЗдан Ўзбекистон Республикаси божхона ҳудудига олиб кириладиган товарларни расмийлаштиришда БЮДнинг 15, 15а, 37 ва 44-устуннинг 8-банди қуйидагича тўлдирилади:

15-устун. «Ўзбекистон» кўрсатилади;

15а-устун. Жаҳон мамлакатлари таснифномасига мувофиқ Ўзбекистон Республикасининг коди кўрсатилади.

37-устун. «процедура»:

а) «Навоий» ЭИИЗга олиб кирилган чет эл товарларини ўзгартирилмаган ҳолатда Ўзбекистон Республикаси божхона ҳудудига олиб кириш учун расмийлаштиришда «** 71 **» (3 — жуфтлик «49» рақамидан ташқари) кўрсатилади;

б) «Навоий» ЭИИЗга олиб кирилган Ўзбекистон Республикаси товарларини ўзгартирилмаган ҳолатда реимпорт божхона режимига расмийлаштиришда «41 71 **» (3 — жуфтлик «49» рақамидан ташқари) кўрсатилади;

в) «Навоий» ЭИИЗда ишлаб чиқарилган товарларни Ўзбекистон Республикаси божхона ҳудудига олиб кириш учун расмийлаштиришда «** 71 49» кўрсатилади.

44-устун. «Қўшимча ахборот/тақдим этиладиган ҳужжатлар»:

8-бандида қўшимча тақдим этиладиган ҳужжатларнинг рақами ва санаси кўрсатилади.

1. «Навоий» ЭИИЗ қатнашчисининг мазкур Рўйхатга келтирилган иловага мувофиқ аризаси;

2. «Навоий» ЭИИЗда рўйхатдан ўтганлик тўғрисидаги гувоҳноманинг нусхаси;

3. Ишлаб чиқариш учун «Навоий» ЭИИЗ ҳудудига олиб кирилиши мўлжалланаётган товарлар тўғрисидаги маълумотлар (товарнинг номи, миқдори, Ўзбекистон Республикаси ТИФ ТН бўйича коди, қиймати, келиб чиқиш мамлакати);

4. Ишлаб чиқариш учун товарлар (хорижий товарлар ва Ўзбекистон товарлари) ҳамда маҳсулотлар билан амалга ошириладиган операциялар ва бундай операцияларни амалга ошириш натижасида олинадиган маҳсулотни ишлаб чиқаришдаги уларнинг сарфлаш нормалари тўғрисидаги маълумотлар;

5. Ўзбекистон Республикаси ташқарисига олиб чиқиб кетишга, «Навоий» ЭИИЗнинг бошқа қатнашчисига ёки «Навоий» ЭИИЗ қатнашчиси ҳисобланмайдиган шахсга Ўзбекистон Республикаси ҳудудида фойдаланиш учун бериш (бегоналаштириш) мўлжалланаётган маҳсулот тўғрисидаги (товарнинг номи, миқдори, Ўзбекистон Республикаси ТИФ ТН бўйича коди, хорижий товарлар ва Ўзбекистон товарларининг маҳсулот бирлигидаги таркиби, маҳсулот бирлигининг қиймати) маълумот.

1. Товарларга алоқадор «Навоий» ЭИИЗ қатнашчисининг номи ва манзили.

2. Шартнома рақами ва санаси.

3. Юк кузатув ҳужжатлари рақами ва санаси (инвойс, счёт-фактура, СМР, Карнет ТИР, темир йўл юк хати, авианакладной)

4. Тақдим этилган ҳужжатлар асосида товарлар таснифи:

а) товарнинг савдо ва/ёки техник тафсилоти;

б) ТИФ ТН бўйича код рақами (товарнинг 10 белгили коди кўрсатилади);

в) товарнинг ўлчов бирлигидаги миқдори (кг, литр, метр, дона ва ҳ. к.);

г) товарнинг шартнома бўйича қиймати.

5. «Навоий» ЭИИЗда товарлардан фойдаланадиган шахснинг номи ва манзили (агар товарлар фойдаланиш учун беришга (бегоналаштириш) мўлжалланаётган бўлса).

6. «Навоий» ЭИИЗда товарлардан фойдаланиш учун «Навоий» ЭИИЗ бошқа қатнашчисига бериладиган (бегоналаштириш) тақдирда 15 кун олдин божхона органига хабар бериш бўйича маълумот.

Сана, имзо, муҳр