LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон ССЖ Фуқаро мудофааси бошқарув органларининг функциялари ва структуралари ўзгариши муносабати билан Вазирлар Маҳкамаси қарор қилади:
1. Ўзбекистон ССЖ Фуқаро мудофааси штабининг ЎзССЖ Молия вазирлиги, ЎзССЖ Давлат меҳнат ва ижтимоий масалалар қўмитаси билан келишилган, жумҳурият бюджети ҳисобига сақланаётган Ўзбекистон ССЖ Фуқаро мудофааси штаби ходимларини 1991 йил 15 мартдан эътиборан Ўзбекистон ССР Министрлар Советининг 1989 йил 27 октябрдаги 355-сон қарори билан 1991 йил учун тасдиқланган смета бўйича меҳнат ҳақи фонди доирасида белгиланган меҳнатга ҳақ тўлашнинг янги шартларига ўтказиш тўғрисидаги таклифи қабул қилинсин.
2. Қорақалпоғистон МССЖ Вазирлар Кенгашига, вилоят ижроия қўмиталарига ва Тошкент шаҳар ижроия қўмитасига (мухтор жумҳуриятнинг, вилоятларнинг, шаҳарларнинг, ноҳияларнинг, колхоз ва совхозларнинг) маҳаллий ва ўз бюджетлари ҳисобига сақланаётган фуқаро мудофааси бошқарув органларининг ишчи ва хизматчиларига 1991 йил учун тасдиқланган смета бўйича меҳнат ҳақи фондини оширмаган ҳолда, Ўзбекистон ССР Министрлар Советининг 1989 йил 27 октябрдаги 355-сон қарори билан белгиланган лавозим окладлари ва тарифларини белгилаш тавсия этилсин.
3. Меҳнатга ҳақ тўлашнинг янги шартларини жорий этишда фуқаро мудофааси бошқарув органларининг аппаратларида ходимларнинг навбатдан ташқари аттестациясини (юқори органлар томонидан лавозимларга тайинланган ходимлар бундан мустасно) ўтказиш зарур деб топилсин.