Ўзбекистон Миллий ахборот агентлигининг самарали фаолият кўрсатишини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Давлат мулкини бошқариш давлат қўмитаси, Тошкент шаҳар ҳокимлиги, Ўзбекистон Миллий ахборот агентлиги ва «Шарқ» нашриёт-матбаа акциядорлик компаниясининг Тошкент шаҳри, Буюк Турон кўчаси, 41-уй манзилида жойлашган 17 қаватли маъмурий бинони тасарруф этиш ҳуқуқисиз Ўзбекистон Миллий ахборот агентлиги балансига бепул ўтказиш тўғрисидаги таклифига розилик берилсин.

2. Тошкент шаҳар ҳокимлиги ва «Шарқ» нашриёт-матбаа акциядорлик компанияси Тошкент шаҳри, Буюк Турон кўчаси, 41-уй манзилида жойлашган 17 қаватли маъмурий бинони Ўзбекистон Миллий ахборот агентлиги балансига белгиланган тартибда топширсин.

Ўзбекистон Миллий ахборот агентлиги ушбу маъмурий бинони белгиланган тартибда қабул қилиб олсин ҳамда бинони сақлаш ва ундан самарали фойдаланиш бўйича зарур чора-тадбирлар кўрсин.

3. «Шарқ» нашриёт-матбаа акциядорлик компаниясининг ушбу маъмурий бинода компания эгаллаб турган хоналар учун ижара ҳақи тўламасдан фойдаланиш ҳуқуқи сақлаб қолинсин.

4. Вазирлар Маҳкамасининг «Шарқ» нашриёт-матбаа акциядорлик компанияси фаолиятини ташкил этиш масалалари тўғрисида» 2000 йил 23 октябрдаги 411-сон қарорига 3-илованинг биринчи банди ўз кучини йўқотган деб ҳисоблансин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Арипов зиммасига юклансин.