Туркманистон темир йўли ташкил этилиши муносабати билан ва Қашқадарё вилояти ҳудудида темир йўл орқали юк ва йўловчилар ташишни бошқариш самарадорлигини таъминлаш мақсадида:

1. 1992 йилнинг 1 январидан бошлаб Ўрта Осиё темир йўлининг Қарши бўлими ташкил этилиб, унинг таркибига Қашқадарё ва Самарқанд вилоятлари ҳудудларида жойлашган темир йўл участкалари, станциялари, разъездлари ҳамда темир йўл транспортининг бошқа корхоналари ва ташкилотлари киритилсин.

2. Ўрта Осиё темир йўли бошқармасига Қашқадарё, Бухоро ва Самарқанд вилоятлари ижроия комитетлари билан келишиб, темир йўлнинг ана шу бўлими чегарасини, унга кирувчи корхоналар ва ташкилотлар рўйхатини, шунингдек уларни иқтисодий ва ижтимоий ривожлантиришга оид тадбирларни белгилаш топширилсин.