Ўзбекистон стандартлаштириш, метрология ва сертификатлаштириш агентлиги билан Латвия Республикаси Иқтисодиёт вазирлиги, бундан кейин Томонлар деб аталувчилар,

Бир томондан, Ўзбекистон Республикаси ва иккинчи томондан, Европа Ҳамжамиятлари ва уларга аъзо давлатлар ўртасида шериклик ва ҳамкорлик таъсис этувчи 1996 йил 21 июнда имзоланган Битим қоидаларига асосланиб,

Ўзбекистон Республикасининг Жаҳон савдо ташкилоти (ЖСТ) кириш учун тайёргарлик олиб боришини эътиборга олиб,

савдодаги тўсиқларни бартараф этиш ҳамда ўзаро етказиб берилаётган маҳсулотлар хавфсизлигини таъминлаш, атроф-муҳитни ва истеъмолчининг манфаатларини муҳофаза қилиш учун шароитлар яратиш мақсадида стандартлаштириш соҳасидаги ҳамкорликни ривожлантиришдан ўзаро манфаатдорликдан келиб чиқиб,

Латвия Республикасининг Европа Иттифоқига аъзо давлат бўлганлигини эътиборга олиб,

ҳамкорликдан келиб чиқадиган ўзаро фойдани англаб умумий вазифалар за имкониятлар доирасида

Мазкур Битимни амалга ошириш давомида Томонлар тегишлича Ўзбекистон Республикаси ва Латвия Республикаси қонунларига амал қиладилар.

Томонлар савдодаги техник тўсиқларни бартараф этиш ва янгилари пайдо бўлишининг олдини олиш учун Ўзбекистон Республикаси билан Латвия Республикаси ўртасидаги иқтисодий ва савдо муносабатларини ривожлантириш шароитларини яхшилаш мақсадида европа ва халқаро стандартлар асосида миллий стандартларни уйғунлаштириш соҳасида ҳамкорлик қиладилар.

Томонлар стандартлаштириш соҳасида ўзаро манфаатли ҳамкорликни ривожлантирадилар, амалдаги европа ва халқаро стандартларни ва шунингдек Жаҳон савдо ташкилотининг Савдода техник тўсиқлар тўғрисидаги 1994 йил 15 апрелдаги Битим қоидаларини ҳисобга олиб, Томонлар давлатларининг ички қонунчилигига амал қилиб, стандартлаштириш бўйича халқаро ташкилотларда ўз муносабатларини мувофиқлаштирадилар.

Ҳамкорлик қуйидаги асосий шаклларда амалга оширилади:

стандартлаштириш соҳасида янги қабул қилинган норматив-ҳуқуқий ҳужжатлар билан ўзаро алмашиш;

келишилган шартларга биноан ва заруриятга қараб, Томонларнинг келажакка мўлжалланган дастурлари, стандартлар ишлаб чиқиш режалари, миллий стандартлари, амалдаги миллий стандартлар каталоглари, бошқа норматив ҳужжатлари ва даврий нашрлари билан алмашиш;

стандартлаштириш соҳасида маслаҳатлашув, ахборот ва тажриба билан алмашиш;

иккала мамлакатнинг стандартлар ишлаб чиқувчи ташкилотлари ўртасида алоқалар ўрнатиш;

стандартлаштириш соҳасида мутахассислар тайёрлаш ва қайта тайёрлаш бўйича тажриба алмашиш.;

делегациялар билан алмашиш, мансабдор шахслар ва мутахассисларнинг хизмат сафарлари;

мутахассислар тайёрлаш ва қайта тайёрлаш учун ўқитувчилар билан алмашиш;

биргаликда семинар ва симпозиумлар ташкил қилиш.

Томонлардан ҳар бири маҳсулотлар тайёрлаш ва хизматлар кўрсатишда ушбу Битимни амалга ошириш доирасида бошқа Томон берган стандартлар ва стандартлаштириш бўйича бошқа норматив ҳужжатларини қўллаши мумкин, агар уларнинг талаблари амалдаги давлат қонунларига мувофиқ стандартлаштириш бўйича миллий идора киритган тартибга зид бўлмаса.

Томонлар келгусида ўзаро тан олиш учун шароитлар яратиб бериш мақсадида стандартлаштириш миллий тизимларини халқаро талабларга асосланиб уйғунлаштиришга интиладилар.

Ушбу Битимга мувофиқ олинган ҳужжатлар ёки ахборотнинг махфийлиги учун шу ҳужжатларни ва ахборотни олган Томон масъулдир.

Ҳужжатлар ёки ахборотни, учинчи томонга, фақат уни тақдим этган Томоннинг розилиги шарти билан бериш мумкин.

Музокаралар ва уларнинг натижалари ҳақида ахборот фақат иккала Томоннинг розилиги билан матбуотда эълон қилиниши мумкин.

Ҳар бир Томон ўз имкониятлари ва ваколатлари доирасида:

тажриба алмашиш, музокаралар, муҳокамалар ва машғулотлар ўтказиш, турли семинарлар ва конференциялар ташкил қилиш учун мутахассисларни ўзаро хизмат сафарларига юборади;

таклиф қилинган экспертларнинг Томонлар тарафидан ташкил қилинадиган семинар ва конференцияларда иштирок этишини таъминлайди.

Ушбу Битим Томонларнинг ўзлари иштирокчилари бўлган бошқа халқаро битимлар асосида келиб чиқадиган ҳуқуқ ва мажбуриятларига дахл қилмайди.

Ушбу Битим қоидалари, бир томондан, Ўзбекистон Республикаси билан иккинчи томондан, Европа Ҳамжамиятлари ва уларга аъзо давлатлар ўртасидаги халқаро битимлардан келиб чиқадиган Томонларнинг мажбуриятларига дахл қилмайди. Ушбу Битим қоидалари Латвия Республикасининг Европа Иттифоқига аъзолигидан келиб чиқадиган мажбуриятларига қандайдир йўсинда таъсир этадиган ёки ўзгартирадигандек қилиб қўлланилиши ёки изоҳланиши мумкин эмас.

Ушбу Битим қоидаларини қўллаш ёки талқин этишда юзага келадиган ҳар қандай баҳсли масалалар Томонлар ўртасида маслаҳатлашувлар ва музокаралар воситасида ҳал қилинади.

Томонлар ўзаро келишувларига кўра ушбу Битимга тегишли баённомалар билан расмийлаштириладиган ўзгартишлар ва қўшимчалар киритишлари мумкин, мазкур баённомалар ушбу Битимнинг ажралмас қисми ҳисобланади ва имзоланган кундан бошлаб кучга киради.

Ушбу Битим номаълум муддатга тузилади ва имзоланган кундан бошлаб кучга киради,

Томонлардан ҳар бири ёзма равишда бошқа Томонга хабар бериб, унинг амал қилишини тўхтатиши мумкин. Битимнинг амал қилиши бундай хабарнома олинган кундан 6 (олти) ой ўтгандан сўнг тугайди.

Тошкент шаҳрида 2008 йил 6 октябрда ҳар бири ўзбек, латиш ва рус тилларида бўлган икки асл нусхада тузилди, бунда барча матнлар бир хил кучга эга.

Битим матнини талқин этишда келишмовчиликлар юзага келса, рус тилидаги матн асос қилиб олинади.