Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Бош вазирининг ўринбосари — Ўзбекистон Республикаси Давлат архитектура ва қурилиш қўмитаси раиси Н. Хановнинг «Уй-жой фондини ва ижтимоий инфратузилма объектларини қишки мавсумда иссиқлик билан таъминлашнинг ҳолати тўғрисида»ги ахбороти маълумот учун қабул қилинсин.

2. Ўзбекистон Республикаси Олий Мажлиси Қонунчилик палатасининг Саноат, қурилиш ва савдо масалалари қўмитаси Ўзбекистон Республикаси Вазирлар Маҳкамасининг тегишли бўлинмалари билан биргаликда ўз саъй-ҳаракатларини қишки мавсумда уй-жой фонди ва ижтимоий инфратузилма объектларининг барқарор фаолият кўрсатиши бўйича белгиланган чора-тадбирларнинг сўзсиз бажарилишига қаратсин.

3. Ушбу Қарор қабул қилинган кундан эътиборан кучга киради.