Экологик ҳуқуқбузарлик учун корхоналар, ташкилотлар, муассасалар ва фуқароларнинг жавобгарлигини кучайтириш мақсадида Ўзбекистон Республикаси Олий Кенгаши қарор қилади:

I. Ўзбекистон Республикасининг 1959 йил 21 майдаги Қонуни билан тасдиқланган Ўзбекистон Республикасининг Жиноят кодексига (Ўзбекистон Республикаси Олий Советининг Ведомостлари, 1959 йил, № 6, 32-модда; 1970 йил, № 4, 24-модда) қуйидаги ўзгартиришлар ва қўшимчалар киритилсин:

1. Кодекс қуйидагича мазмундаги 108-1-модда билан тўлдирилсин:

Мансабдор шахс томонидан зарарли экологик оқибатларга олиб келган авариялар, аҳолининг саломатлигига зарар етказган ёки зарар етказиш аниқ бўлган атроф табиий муҳитнинг ифлосланганлигига доир ахборотни атайин яширганлик ёки бузиб кўрсатганлик, —

уч йилгача муддатга озодликдан маҳрум этиш ёки икки йилгача муддатга ахлоқ тузатиш ишларига жалб этиш, уч минг сўмгача жарима солиш билан жазоланади».

2. 215-1-модда қуйидаги таҳрирда баён этилсин:

Дарёлар, кўллар ва бошқа ҳавзалар ҳамда сув манбаларини саноат, қишлоқ хўжалиги корхоналари ва ташкилотларидан, коммунал ҳамда бошқа корхоналар ва ташкилотлардан чиқадиган тозаланмаган ва зарарсизлантирилмаган оқова сувлар, кимёвий моддалар, чиқинди ва чиқитлар билан ифлослантириш натижасида кишилар соғлиғига, ҳайвонот ва ўсимлик дунёсига ёки қишлоқ хўжалик ишлаб чиқаришига зарар етказилса, ёхуд зарар етказилиши аниқ бўлса, шунингдек ҳаво ёки тупроқни саноат ишлаб чиқаришининг кишилар соғлиғи учун зарарли бўлган чиқиндилари, кимёвий моддалар билан ифлослантириш, башарти, бу хатти-ҳаракатлар худди шундай қоидабузарлик учун маъмурий жазо чоралари кўрилганидан кейин содир этилса, —

бир йилгача муддатга ахлоқ тузатиш ишларига жалб этиш ёки уч минг сўмгача жарима солиш билан жазоланади.

Худди шундай хатти-ҳаракатлар оғир оқибатларга олиб келса, —

Беш йилгача муддатга озодликдан маҳрум этиш ёки икки йилгача ахлоқ тузатиш ишларига жалб этиш билан жазоланади».

II. Ўзбекистон Республикасининг 1963 йил 23 мартдаги Қонуни билан тасдиқланган Ўзбекистон Республикаси Гражданлик кодекси (Ўзбекистон Республикаси Олий Советининг Ведомостлари, 1963 йил № 9, 30-модда; 1986 йил № 19, 217-модда) 479-моддасининг биринчи қисмидан «ССР Иттифоқи» деган сўзлар чиқариб ташлансин.

III. Ўзбекистон Республикасининг 1985 йил 13 декабрдаги Қонуни билан тасдиқланган Ўзбекистон Республикасининг Маъмурий ҳуқуқбузарлик тўғрисидаги кодексига (Ўзбекистон Республикаси Олий Советининг Ведомостлари, 1985 йил, № 35, 411-модда; 1986 йил, № 19, 217-модда, № 29, 350-модда, № 33, 387-модда; 1987 йил, № 5, 28-модда, № 23, 248-модда, № 12, 149-модда, № 21, 240-модда, № 24, 299-модда; 1989 йил, № 12-13, 107-модда, № 14-15, 132-модда, № 35-36, 609-модда; 1990 йил № 4, 99-модда, № 16-18, 283-модда, № 31-33, 357-модда) қуйидаги ўзгартишлар ва қўшимчалар киритилсин:

1. Кодекс қуйидагича мазмундаги 47-1, 97-1 ва 174-1-моддалар билан тўлдирилсин:

Радиацион хавфсизликка доир қоидалар, нормалар, йўриқномалар ва бошқа талабларни бузганлик —

Фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чорасини қўлланилганидан кейин бир йил ичида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Атроф табиий муҳитни тиклаш, табиий ресурсларни қайта ҳосил қилиш ва атроф-муҳитга зарарли таъсир кўрсатиш оқибатларини бартараф этиш чораларини кўрмаслик —

фуқароларга уч юз сўмгача ва мансабдор шахсларга бир минг сўмгача миқдорда жарима солинишига сабаб бўлади».

Стандарт талабларига ёки техник шартларга жавоб бермайдиган ва заҳарли моддаларнинг кўплаб чиқариб ташланишига олиб келадиган ёнилғи-мойлаш материалларини реализация қилиш, —

ёнилғи-мойлаш материаллари реализация қиладиган шахсларга беш юз сўмгача ва мансабдор шахсларга минг сўмгача миқдорда жарима солинишига сабаб бўлади».

2. 47-1 ва 97-1-моддаларда назарда тутилган маъмурий ҳуқуқбузарликлар тўғрисидаги баёнлар табиатни муҳофаза қилиш идораларининг мансабдор шахслари томонидан, 174-1-моддада назарда тутилган маъмурий ҳуқуқбузарликлар тўғрисидаги баёнлар Ўзбекистон Республикаси нефть маҳсулотларидан фойдаланиш устидан назорат қилиш давлат инспекциясининг ваколатли мансабдор шахслари томонидан тузилади.

3. 51, 52, 53, 54, 55 ва 90-моддалардаги «эллик» ва «юз» сўзлари тегишинча «уч юз» ва «минг» деган сўзлар билан алмаштирилсин.

4. В санкциях статей 59, 78, части первой статьи 101-1 слова «до пятидесяти» заменить словами «до трехсот».

5. 61, 151 ва 213-моддаларнинг жазо қисмидаги «ўн» сўзи «эллик» сўзи билан алмаштирилсин.

6. 63 ва 65-моддаларнинг, 67-модда иккинчи қисмининг, 79, 86, 87 ва 88-моддаларнинг жазо қисмидаги «юз» сўзи «уч юз» сўзлари билан алмаштирилсин.

7. 69, 70, 77, 95, 96, 97 ва 169-1-моддаларнинг жазо қисмидаги «эллик» ва «юз» сўзлари тегишлинчи «юз» ва «уч юз» сўзлари билан алмаштирилсин.

8. 71-модда биринчи қисмининг ва 93-модданинг жазо қисмидаги «эллик» ва «юз» сўзлари тегишинча «юз» ва «икки юз» сўзлари билан алмаштирилсин.

9. 71-модда иккинчи қисмининг ва 93-модданинг жазо қисмидаги «эллик» ва «юз» сўзлари тегишинча «икки юз» ва «уч юз» сўзлари билан алмаштирилсин.

10. 72, 73 ва 75-моддаларнинг, 76-модда биринчи ва иккинчи қисмларининг, 80, 81, 82, 83 ва 165-моддаларнинг жазо қисмидаги «ўн» ва «эллик» сўзлари тегишинча «юз» ва «уч юз» сўзлари билан алмаштирилсин.

11. 89-модданинг жазо қисмидаги «ўттиз» сўзи «эллик» сўзи билан алмаштирилсин.

12. 101-1-модда иккинчи қисмининг жазо қисмидаги «юз» сўзи «минг» сўзи билан алмаштирилсин.

13. 211-модданинг жазо қисмидаги «ўттиз» сўзи «уч юз» сўзи билан алмаштирилсин.

14. 212-модданинг жазо қисмидаги «эллик» сўзи «уч юз» сўзи билан алмаштирилсин.

15. 74 ва 114-моддаларга қуйидаги ўзгартишлар киритилсин:

а) 74-модданинг сарлавҳаси ва матнидан «тиклаш ва», «тиклашга» сўзлари чиқариб ташлансин, шу модданинг жазо қисмидаги «юз сўмгача» сўзлари «уч юз сўмгача» деган сўзлар билан алмаштирилсин;

б) 114-модданинг сарлавҳаси ва биринчи қисми «Ер эгалари ва» деган сўзлар билан бошланиб, матннинг қолган қисми ўз ҳолича қоладиган тарзда ўзгартирилсин, шу модданинг тўртинчи қисмидаги «беш сўмдан ўн сўмгача» ва «йигирма сўмдан юз сўмгача» деган сўзлар тегишинча «юз сўмгача» ва «уч юз сўмгача» деган сўзлар билан алмаштирилсин.

16. 63, 79, 87 ва 88-моддалар қуйидаги мазмундаги иккинчи қисм билан тўлдирилсин.

«Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

мансабдор шахсларга минг сўмгача миқдорда жарима солинишига сабаб бўлади».

17. 71, 76 ва 84-моддалар қуйидагича мазмундаги учинчи қисм билан тўлдирилсин:

«Ушбу модданинг биринчи ва иккинчи қисмларида назарда тутилган ҳуқуқбузарликларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

18. 77 ва 80-моддалар қуйидагича мазмундаги иккинчи қисм билан тўлдирилсин:

«Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

19. 97-модда қуйидагича мазмундаги иккинчи қисм билан тўлдирилсин:

«Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солиб, уқтириб ўтилган ҳуқуқбузарликларнинг содир этилишида қурол сифатида фойдаланиб, ҳуқуқбузарнинг шахсий мулки бўлган ашёлар мусодара қилинишига сабаб бўлади».

20. 169-1-модда қуйидагича мазмундаги иккинчи қисм билан тўлдирилсин:

«Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади. Қайд этилган қишлоқ хўжалиги маҳсулотларидан чорва озуқаси сифатида ёки бошқа мақсадлардан фойдаланишнинг иложи бўлмаган ҳолларда улар совхозлар, колхозлар, бошқа давлат, кооператив корхоналари ва ташкилотларидан ҳамда фуқаролардан пировардида йўқ қилиб ташлаш мақсадида олиб қўйилади».

21. 57, 58, 60, 62, 64, 66, 84, 85, 90, 91, 92, 94, 99 ва 101 ва 228-моддалар қуйидагича мазмундаги янги таҳрирда баён этилсин:

Ерлардан хўжасизларча фойдаланиш, ерларни яхшилаш ва тупроқни шамол, сув эрозиясидан ҳамда тупроқнинг ҳолатини ёмонлаштирувчи бошқа жараёнлардан сақлаш, ерлар хароб бўлишининг олдини олиш ҳамда уларнинг ҳосилдорлигини сақлаб қолиш ва тиклаш соҳасидаги мажбурий тадбирларни бажармаслик, ер участкаларидан улар қайси мақсадлар учун берилган бўлса, шу мақсадга мувофиқ фойдаланмаслик, ерларни фойдаланишдан чиқаришга, уларнинг ҳосилдорлигини пасайишига, тупроқнинг бузилиши ва йўқ бўлиб кетишига олиб келган бошқа хатти-ҳаракатларни содир этганлик, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади.

Қишлоқ хўжалик ерларини ва бошқа ерларни уларни ишлаб чиқариш чиқитлари ва бошқа чиқиндилар, кимёвий ва радиоактив моддалар ҳамда оқова сувлар билан ифлослантириш —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Белгиланган тартибда тасдиқланган ер тузишлиши лойиҳа ҳужжатларидан тегишли рухсат бўлмай туриб ер ҳолатига салбий таъсир қилувчи объектларни жойлаштириш, лойиҳалаштириш, қуриш ва уларни фойдаланишга топшириш, ер кадастри юритиш қоидаларини бузиш, ҳисоботни бузиб кўрсатиш, ахборот беришдан бўйин товлаш ёки нотўғри ахборот бериш —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Фойдали қазилмалар жойлашган майдонларга ўзбошимчалик билан иморатлар қуриш, табиатни муҳофаза қилиш ва кон назорати идоралари билан келишмай туриб, фойдали қазилма конларидан фойдаланиш, ер ости бойликларидан фойдаланиш талаблари ва тартибини бузиш, ер ости бойликларини сақлаш қоидаларини ҳамда атроф табиий муҳитни, бинолар ва иншоотларни ер ости бойликларидан фойдаланиш билан боғлиқ ишларнинг зарарли таъсиридан сақлаш талабларини бажармаслик, ер ости сувлари режимини кузатиш учун қазилган қудуқларни, шунингдек маркшейдерлик ва геологик белгиларни йўқ қилиш ёки шикастлантириш —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Конларнинг бой участкаларини танлаб-танлаб ишлаш оқибатида фойдали қазилмаларнинг баланс запасларини асоссиз равишда нобуд қилиб юбориш, қазиб олаётганда фойдали қазилмаларни салмоғини нормативдан ортиқ камайтириб юбориш, фойдали қазилма конларини ишдан чиқариш ва фойдали қазилма запасларидан оқилона фойдаланиш талабларини бошқача бузишлар —

мансабдор шахсларга уч юз сўмгача миқдорда жарима солинишига сабаб бўлади.

Маркшейдерлик ҳужжатларини йўқотиш, тугатилаётган ёки консервация қилинаётган конларни ва бурғиланган қудуқларни аҳолининг хавфсизлигини таъминловчи ҳолатга келтириб қўйиш талабларини, шунингдек консервация вақтида конларни, қазилаётган жойларни ва бурғиланган қудуқларни сақлаш талабларини бажармаслик,—

мансабдор шахсларга уч юз сўмгача миқдорда жарима солинишига сабаб бўлади.

Ушбу модданинг биринчи, иккинчи ва учинчи қисмларида назарда тутилган ҳуқуқбузарликларнинг маъмурий жазо чораси қўлланилганидан кейин бир йил давомида такрор содир этганлик —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Сувларни ифлослантириш ва шўр бостириб қўйиш, сув тўплагич иншоотларида сувни сақлаш режимини сувнинг ифлосланишига, тупроқнинг эрозияга учрашига ва бошқа зарарли ҳолатларга олиб келадиган тарзда бузиш —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Корхоналар, коммунал ва бошқа объектларни сувларнинг ифлосланиши ёки уларнинг зарарли оқибатлари олдини олувчи иншоотлар ва қурилмаларсиз фойдаланишга топшириш, шунингдек сув объектларининг табиий ҳолатини бузувчи бошқа хатти-ҳаракатлар содир этиш, —

мансабдор шахсларга уч юз сўмгача миқдорда жарима солинишига сабаб бўлади.

Ушбу модданинг биринчи ва иккинчи қисмларида назарда тутилган ҳуқуқбузарликларнинг маъмурий жазо чорасини қўлланилганидан кейин бир йил давомида такрор содир этганлик —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Сувдан фойдаланиш режаларини бузган ҳолда сув олиш, гидротехника ишларини ўзбошимчалик билан бажариш, сувдан (сув объектларидан чиқарилган ёки бошқа олинган сувдан) хўжасизларча фойдаланиш, сув объектларидан олинадиган ва уларга қуйиладиган сувларни дастлабки ҳисобга олиш ва қуйиладиган сувларнинг сифатини аниқлаш қоидаларини бузиш, ифлослантирувчи моддаларни тўкканлик учун ўз вақтида ҳақ тўламаганлик, шунингдек балиқларни муҳофаза қилиш иншоотлари ва қурилмаларига эга бўлмаган устки сув манбаларидан сув олишни амалга ошириш, —

мансабдор шахсларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этганлик, —

мансабдор шахсларга минг сўмгача миқдорда жарима солинишига сабаб бўлади».

Ўрмонларда ёнғин хавфига қарши талабларни бузиш —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ўт қўйиш ёки эҳтиётсизлик билан олов ёқиш натижасида ўрмонларни йўқ қилиш ёки шикастлантириш, шунингдек ўрмонларда ёнғин хавфига қарши талабларни бузиш ҳоллари ўрмонда ўт чиқишига ёки унинг каттагина майдонга ёйилишига сабаб бўлса, —

фуқароларга уч юз сўмгача ва мансабдор шахсларга беш юз сўмгача миқдорда жарима солинишига сабаб бўлади.

Ушбу модданинг биринчи ва иккинчи қисмларида назарда тутилган ҳуқуқбузарликларнинг маъмурий жазо чораси қўлланилганидан кейин бир йил давомида такрор содир этганлик —

фуқароларга беш юз сўмгача ва мансабдор шахсларга минг сўмгача миқдорда жарима солинишига сабаб бўлади».

Ифлослантирувчи моддаларни атмосферага энг кўп даражадаги нормативдан ёки муваққат келишилган миқдордан ортиқ даражада чиқариш; атмосфера ҳавосида максимал даражада йўл қўйиш мумкин бўлган зарарли физик таъсирини нормативдаги даражадан ошириб юбориш; махсус ваколат берилган давлат идораларининг ижозатисиз атмосферага ифлослантирувчи моддалар чиқариш; зарур бўлган тақдирда қонунларга мувофиқ махсус ваколат берилган давлат идораларининг рухсатисиз атмосфера ҳавосига зарарли физик таъсир кўрсатиш, худди шунингдек ноқулай метерология шароитлари даврида атмосферанинг ифлосланганлик даражаси ортиб кетишини келтириб чиқарувчи ифлослантирувчи моддаларни чиқаришни қисқартириш борасидаги чора-тадбирларни тўлиқ ҳажмда бажармаганлик, —

мансабдор шахсларга минг сўмгача миқдорда жарима солинишига сабаб бўлади».

Саноат ва рўзғор чиқиндиларини тўплаш қоидаларини бузиш, мазкур чиқиндиларни ёқиш вақтида атмосфера ҳавосини муҳофаза қилиш талабларига риоя қилмаслик, шунингдек қурилиш ва бошқа ишларни бажариш чоғида ёнилғи моддалари ҳамда бинокорлик материалларини очиқ жойда аланга олдириб ёқиш —

фуқароларни огоҳлантиришга ёки уларга уч юз сўмгача ва мансабдор шахсларни огоҳлантиришга ёки уларга минг сўмгача миқдорда жарима солинишига сабаб бўлади.

Ўсимликларни ҳимоя қилиш воситаларини, уларнинг ўсишини тезлаштирувчи воситаларни, минерал ўғитлар ва бошқа препаратларни ташиш, сақлаш ва қўллаш қоидаларини бузиш, агар бу ҳол тупроқ, ер усти ва ер ости сувларининг, атмосфера ҳавосининг ифлосланишига олиб келса ёки олиб келиши мумкин бўлса, ёки ўсимликлар ва ҳайвонот дунёси нобуд бўлишига олиб келса, ёхуд уларга шикаст етказса, —

фуқароларга юз сўмгача, мансабдор шахсларга эса уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши,

фуқароларга уч юз сўм ва мансабдор шахсларга минг сўмгача миқдорда жарима солинишига сабаб бўлади.

Табиатнинг муҳофаза қилиниши устидан назоратни амалга оширувчи идораларнинг буйруқларини бажармаслик, —

фуқароларни огоҳлантиришга ёки уларга юз сўмгача ва мансабдор шахсларни огоҳлантиришга ёки уларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишга сабаб бўлади».

Саноат, маиший ва ўзга чиқиндиларни ташиш, жойлаштириш, утилизация қилиш, кўмиб ташлаш чоғида табиатни муҳофаза қилиш талабларининг бузилиши —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ана шу хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Саноатда ишларни бехатар олиб бориш устидан назорат қилиш ва кончилик назорати давлат қўмитаси идоралари назорати остидаги саноат соҳаларида ва объектларда ишларни бехатар олиб боришга оид қоидалар, нормалар ва йўриқномаларнинг бузилиши, —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

Саноатда ишларни бехатар олиш бориш устидан назорат қилиш ва кончилик назорати давлат қўмитаси идоралари назорати остидаги саноат соҳаларида ва объектларда портловчи ва радиоактив материаллар (манбалар) ни сақлаш, улардан фойдаланиш ва уларни ҳисобга олиш қоидалари, нормалари ва йўриқномаларини бузиш, —

фуқароларга юз сўмгача ва мансабдор шахсларга уч юз сўмгача миқдорда жарима солинишига сабаб бўлади.

Ана шундай хатти-ҳаракатларнинг маъмурий жазо чораси қўлланилганидан кейин бир йил давомида такрор содир этилиши, —

фуқароларга уч юз сўмгача ва мансабдор шахсларга минг сўмгача миқдорда жарима солинишига сабаб бўлади».

«Халқ депутатлари район, шаҳар, шаҳарлардаги район Советларининг ижроия қўмиталари ҳузуридаги маъмурий комиссиялар ушбу Кодекснинг 49, 50-моддаларида, 63-моддасида (фойдали қазилма бойликларини қазиб олиш жараёнидан ташқари вақтда қилинган ножўя ҳаракат учун), 67-моддасида (сув хўжалиги иншоотлари ва қурилмалари қисми), 68, 98-моддаларида, 101-1-моддада (сувни муҳофаза қилиш объектлари бундан мустасно), 102—113, 114-1—114-3, 117—119-моддаларида, 122-модданинг биринчи, учинчи ва тўртинчи қисмларида (фуқаро авиацияси вазирлиги тасарруфида бўлмаган аэродромларда ёки шу аэродромлар ҳудудида қоидабузарлик содир этганлик учун), 143-моддасида (ҳайдовчилар транспорт воситаларидан фойдаланганлиги тўғрисидаги ишлардан ташқари), 148-моддасида (автомобиль транспортида ножўя ҳаракат қилганлик учун), 151-модданинг (ажратилган минтақаларда ва ёғоч кўприклардан 100 метргача бўлган масофада ўт ёқиш, ёғоч кўприклар ва тахта тўшамали кўприкларда чекиш), 152—155, 158—164, 166, 166-1, 167, 168, 169 ва 169-1-моддаларида (башарти, ушбу ҳуқуқбузарлик давлат санитария ва ветеринария назоратининг мансабдор шахси томонидан кўриб чиқилмаган бўлса), 170-1, 172-моддаларида, 173-моддаси иккинчи қисми, 174-1, 178, 179-1, 181-моддаларида, 182-моддасида (вояга етмаганларнинг ота-оналари ёки улар ўрнини босувчи шахслар хусусидаги ишлардан ташқари), 185, 186, 186-1, 188, 188-3, 190, 191, 193—200-моддаларида, 201—205-моддаларида (Тошкент шаҳрида ножўя ҳаракатлар қилиш бундан мустаснодир) ва 211-моддасида (табиатни муҳофаза қилиш қоидаларини бузганлик учун печатлар (пломбалар) қўйилган ҳоллар бундан мустасно), 215—219, 222-моддаларида назарда тутилган маъмурий ҳуқуқбузарлик тўғрисидаги ишларни кўриб чиқадилар.

Халқ депутатлари посёлка, қишлоқ, овул Советларининг ижроия қўмиталари ҳузуридаги маъмурий комиссиялар ушбу Кодекснинг 49, 50, 68, 98-моддаларида, 106-моддасида (ҳуқуқбузарлик фуқаро томонидан содир этилган тақдирда), 109, 114-1, 118-моддаларида, 143-моддасида (ҳайдовчилар томонидан транспорт воситаларидан фойдаланганлик бундан мустасно), 148-моддасида (автомобиль транспортида ножўя ҳаракат қилганлик), 151-моддада (ажратилган минтақаларда ва ёғоч кўприклардан 100 метргача бўлган масофада ўт ёқиш, ёғоч кўприклар ва тахта тўшамали кўприкларда чекиш), 152, 155, 158, 159, 161-164, 167, 168, 169, 170, 178, 179-1, 179-2, 181-моддалари, 182-моддасида (вояга етмаганларнинг ота-оналари ёки улар ўрнини босувчи шахслар хусусидаги ишлардан ташқари), 183-1, 188, 188-1, 190, 191, 195—200-моддаларида, 211-моддада (печатлар (пломбалар) табиатни муҳофаза қилиш қонунларини бузганлик учун қўйилган ҳоллар бундан мустасно), 215—219-моддаларида назарда тутилган маъмурий ҳуқуқбузарлик тўғрисидаги ишларни кўриб чиқадилар. Аҳоли пунктлари район марказидан анча узоқда бўлган ёки бу пунктларга бориш қийин бўлган ҳолларда комиссиялар истисно тариқасида ушбу Кодекснинг 179, 179-2-моддаларида ҳамда 180-моддаси биринчи, иккинчи ва учинчи қисмларида назарда тутилган маъмурий ҳуқуқбузарлик тўғрисидаги ишларни ҳам кўриб чиқишлари мумкин. Бундай аҳоли пунктларининг рўйхати халқ депутатлари Советларининг ижроия қўмиталари, Қорақалпоғистон Республикаси Вазирлар Кенгаши томонидан белгилаб қўйилади».

22. 227-модданинг биринчи қисмида «ССР Иттифоқининг қонун актлари билан ҳамда Министрлар Советининг қарорлари» деган сўзлар «Ўзбекистон Республикасининг қонун ҳужжатлари» деган сўзлар билан алмаштирилсин.

23. 229-моддадан «55» рақами; «93-моддаси биринчи қисмида (ов қилиш, балиқ овлаш ва балиқ запасларини муҳофаза қилиш тўғрисидаги қоидаларни бузганлик тўғрисидаги ишлардан ташқари)» деган сўзлар; «114», «212», «213» рақамлари чиқариб ташлансин.

24. 233-модданинг биринчи қисми «ушбу Кодекснинг 48» деган сўзлардан сўнг «88, 89 (автомобиллар, самолётлар, поездлар ва бошқа восита ҳамда қурилмаларни ишлатиш чоғида белгиланган меъёрдан ортиқ шовқини тарқатилиши бундан мустасно)» деган сўзлар билан тўлдирилсин.

25. 241-модда қуйидагича таҳрирда баён этилсин:

Саноатда ишларни бехатар олиб бориш устидан назорат қилиш ва кончилик назорати давлат назорати қўмитаси идоралари ушбу Кодекснинг 52, 62-моддаларида (кенг тарқалган фойдали қазилмалардан фойдаланиш ва уларни муҳофаза қилиш бўйича ҳуқуқбузарликлар бундан мустасно), 63-моддасида (фойдали қазилма бойликларини қазиб олиш жараёнида қилинган ножўя ҳаракатлар, кенг тарқалган фойдали қазилмаларни қазиб чиқариш ва улардан фойдаланиш бундан мустасно), 99 ва 101-моддаларида назарда тутилган маъмурий ҳуқуқбузарлик тўғрисидаги ишларни кўриб чиқадилар.

Саноат ишларни бехатар олиб бориш устидан назорат қилиш ва кончилик назорати давлат назорати қўмитаси идоралари номидан маъмурий ҳуқуқбузарлик тўғрисидаги ишларни кўриб чиқиш ва маъмурий жазо чораси бериш ҳуқуқига қуйидагилар эгадирлар:

саноатда ишларни бехатар олиб бориш устидан назорат қилиш ва кончилик назорати давлат назорати қўмитаси инспекторлари — юз сўмгача миқдорда жарима соладилар;

район (областлараро) инспекцияларининг бошлиқлари уч юз сўмгача миқдорда жарима соладилар;

саноатда ишларни бехатар олиб бориш устидан назорат қилиш ва кончилик назорати давлат назорати қўмитаси округ бошқармаларининг бошлиқлари — беш юз сўмгача миқдорда жарима соладилар;

Ўзбекистон Республикаси Саноатда ишларнинг бехатар олиб борилишини назорат қилиш ва кончилик назорати давлат қўмитасининг Раиси ва унинг ўринбосарлари минг сўмгача жарима соладилар».

26. 246-моддада

а) биринчи қисми қуйидаги таҳрирда баён этилсин:

«Санитария назоратини амалга оширувчи идоралар ва муассасалар ушбу Кодекснинг 46, 47-моддаларида, 85-моддасида (атмосфера ҳавосига энг юқори даражада зарар етказиш нормативини бузганлик ва махсус ваколатли давлат идораларининг рухсатини олмай туриб атмосфера ҳавосига зарар етказиш учун), 88-моддасида (автомобиллар, самолётлар, поездлар ва бошқа восита ҳамда қурилмаларни ишлатиш чоғида белгиланган меъёрдан ортиқ шовқин тарқалиши учун), 86, 87, 89, 90, 91-моддаларида (бундай ҳаракат санитария-гигиена қоидаларини ва атмосфера ҳавосини муҳофаза қилиш нормаларини бузишдан иборат бўлса) ва 92-моддасида (давлат санитария назоратини амалга оширувчи идораларнинг кўрсатмаларини бажармаганлик), 169-1-моддасида (деҳқончилик маҳсулотида) назарда тутилган маъмурий ҳуқуқбузарлик тўғрисидаги ишларни кўриб чиқадилар».

б) иккинчи қисмида:

— биринчи бандидаги «(атмосфера ҳавосини муҳофаза қилиш қоидаларини ва нормаларини бузганлик бундан мустасно)» деган сўзлар чиқариб ташлансин;

— иккинчи бандидаги «атмосфера ҳавосини муҳофаза қилиш» деган сўзлар чиқариб ташлансин.

27. 248-модданинг биринчи хатбоши «116-моддасида» деган сўзлардан ва 169-1-моддасида (чорвачилик маҳсулотида)» деган сўзлар билан тўлдирилсин.

28. 249-модда қуйидаги таҳрирда баён этилсин:

Ўзбекистон Республикаси Табиатни муҳофаза қилиш давлат қўмитасининг идоралари ушбу Кодекснинг 47-1, 51-моддаларида, 52-моддасида (кенг тарқалган фойдали қазилмаларни қазиб чиқариш ва улардан фойдаланиш ҳамда атроф-муҳитни муҳофаза қилиш хусусидаги), 53-55, 57-61-моддаларида, 62-моддасида (кенг тарқалган фойдали қазилмаларни қазиб чиқариш ва улардан фойдаланиш ҳамда атроф-муҳитни муҳофаза қилиш хусусидаги), 63-моддасида (табиатни муҳофаза қилиш қисмида), 64, 65, 66-моддаларида, 67-моддасида (сув хўжалиги иншоотлари ва қурилмаларидан фойдаланиш қоидаларини бузганлик учун) 69-85-моддаларда, 89-моддада (атмосфера ҳавосига энг юқори даражада зарар етказиш нормативини бузганлик ва махсус ваколатли давлат идораларининг рухсатини олмай туриб атмосфера ҳавосига зарар етказмаганлик бундан мустасно), 86, 87, 90, 91-моддаларида (атмосфера ҳавосига зарар етказиш ва бу санитария-гигиена қоидаларининг бузилиши ҳисобланган ҳоллар бундан мустаснодир), 88-моддасида (автомобиллар, самолётлар, поездлар ва бошқа восита ҳамда қурилмаларни ишлатиш чоғида белгиланган меъёрдан ортиқ шовқин тарқатиладиган ҳоллар бундан мустаснодир), 92-моддасида (давлат санитария назоратини амалга оширувчи идораларнинг кўрсатмаларини бажармаслик бундан мустаснодир), 93-97-1-моддаларида, 101-1-моддасида (табиатни муҳофаза қилиш объектлари хусусидаги), 114-моддасида, 161-моддасида (ажратилган минтақаларда ва ёғоч кўприклар ва тахта тўшама кўприкларда чекиш бундан мустасно), 165-моддасида, 211-моддасида (табиатни муҳофаза қилиш қонунлари бузилган ҳолларда), 212, 213-моддаларида назарда тутилган маъмурий ҳуқуқбузарлик тўғрисидаги ишларни кўриб чиқадилар.

Ўзбекистон Республикаси Табиатни муҳофаза қилиш давлат қўмитасининг номидан маъмурий ҳуқуқбузарлик тўғрисидаги ишларни кўриб чиқиш ва маъмурий жазо бериш ҳуқуқига қуйидагилар эгадилар:

Ўзбекистон Республикаси Табиатни муҳофаза қилиш давлат қўмитасининг бош давлат назоратчилари, уларнинг ўринбосарлари, Қорақалпоғистон Республикаси Табиатни муҳофаза қилиш давлат қўмитасининг, областлар, Тошкент шаҳар табиатни муҳофаза қилиш қўмиталарининг бош давлат назоратчилари ва уларнинг ўринбосарлари — фуқароларга уч юз сўмгача ва мансабдор шахсларга минг сўмгача миқдорда жарима солишга;

Ўзбекистон Республикаси Табиатни муҳофаза қилиш давлат қўмитаси, Қорақалпоғистон Республикаси табиатни муҳофаза қилиш давлат қўмитаси, областлар, Тошкент шаҳар Табиатни муҳофаза қилиш қўмиталарининг катта давлат назоратчилари — фуқароларга икки юз сўмгача ва мансабдор шахсларга беш юз сўмгача миқдорда жарима солишга;

Ўзбекистон Республикаси Табиатни муҳофаза қилиш давлат қўмитаси, Қорақалпоғистон Республикаси Табиатни муҳофаза қилиш давлат қўмитаси, областлар, Тошкент шаҳар табиатни муҳофаза қилиш қўмиталарининг давлат назоратчилари — фуқароларга юз сўмгача ва мансабдор шахсларга уч юз сўмгача миқдорда жарима солишга хақлидирлар.

Ўзбекистон Республикаси Табиатни муҳофаза қилиш давлат қўмитасининг Қорақалпоғистон Республикаси Табиатни муҳофаза қилиш давлат қўмитасининг, вилоятлар ва Тошкент шаҳар табиатни муҳофаза қилиш қўмиталарининг бош давлат инспекторлари ва уларнинг ўринбосарлари, катта давлат инспекторлари ва давлат инспекторлари ҳуқуқбузарликларнинг милтиғи ва бошқа ов ёки балиқ тутиш қуролларини мусодара қилишга ҳамда фуқаролар ва мансабдор шахсларни уч йилгача муддатга ов қилиш ҳуқуқидан маҳрум этишга ҳақлидирлар».

29. 100, 242, 250, 251 ва 252-моддалар ўз кучини йўқотган деб ҳисоблансин.

30. 268-модданинг биринчи қисмидан «84-моддасида (251-модда иккинчи қисмининг сўнгги абзацида санаб ўтилган мансабдор шахсларга солинган жариманинг миқдори ўн сўмдан ошиб кетмаса)» сўзлари чиқариб ташлансин.

31. 321-модданинг бешинчи хатбошидаги, «балиқларни муҳофаза қилиш» сўзлари «балиқ овлаш қоидаларига риоя этилиши устидан давлат назорати ва балиқ запасларини муҳофаза қилиш» деган сўзлар билан алмаштирилсин.

32. 325-модданинг учинчи қисмидаги «252-модданинг иккинчи» деган сўзлар «249-модданинг учинчи» деган сўзлар билан алмаштирилсин.