Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш механизмини такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари Н.М. Ханов зиммасига юклансин.

1. Вазирлар Маҳкамасининг 2006 йил 1 декабрдаги 247-сон қарори билан тасдиқланган Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги Идоралараро экспертлар кенгаши томонидан енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш тартиби тўғрисида низомда:

а) 9-банднинг ўн тўртинчи хатбоши қуйидаги таҳрирда баён қилинсин:

«Экспертлар кенгаши ташаббускор таклифининг тасдиқланган мезонларга мувофиқлигини ўрганиб ҳамда ишчи органнинг дастлабки баҳоси натижаларини кўриб чиқиб ўн иш куни мобайнида бундан кейин ишлаб чиқишнинг мақсадга мувофиқлиги тўғрисида расмий хулоса беради»;

б) 10-банднинг иккинчи хатбоши қуйидаги мазмундаги иккинчи ва учинчи хатбоши билан алмаштирилсин:

«Лойиҳаларнинг техник-иқтисодий асослашини ишлаб чиқиш Экспертлар кенгаши томонидан тасдиқланадиган енгил саноат корхоналарини қуриш, қайта ихтисослаштириш ва модернизация қилиш лойиҳаларини танлаб олиш бўйича мезонлар асосида амалга оширилади.

Вазирлар Маҳкамасининг 2007 йил 7 июндаги 110-сон қарори билан тасдиқланган Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисидаги низомнинг 1-бандида назарда тутилган тегишли талабларга мувофиқ бўлган лойиҳалар бўйича лойиҳаларнинг техник-иқтисодий асослашини ишлаб чиқиш ва экспертизадан ўтказиш кўрсатиб ўтилган низомнинг IV бўлимига мувофиқ амалга оширилади»;

в) 11-бандда:

биринчи хатбоши қуйидаги таҳрирда баён қилинсин:

«Лойиҳанинг техник-иқтисодий асослаши экспертизадан ўтказиш учун «Ўзбекенгилсаноат» давлат-акциядорлик компаниясига берилади. Лойиҳанинг техник-иқтисодий асослашини «Ўзбекенгилсаноат» давлат-акциядорлик компаниясида экспертизадан ўтказиш лойиҳа бўйича қабул қилинган технологик ечимни (фойдаланиладиган технологиялар даражаси, асбоб-ускуналарнинг — технологик жараённинг тавсия этилаётган занжирининг комплекслилиги, юқори сифатли ва кенг турдаги маҳсулотлар ишлаб чиқаришни ташкил этиш имконияти, халқаро стандартларга мувофиқ бўлган сифатни бошқариш тизимининг мавжудлиги, хом ашё базаси билан таъминланганлик, шунингдек умуман тармоқ бўйича лойиҳани амалга оширишнинг комплекслилиги) баҳолаш юзасидан икки ҳафта муддатда амалга оширилади. Лойиҳанинг техник-иқтисодий асослашини «Ўзбекенгилсаноат» давлат-акциядорлик компаниясида экспертизадан ўтказиш натижаларига кўра ташаббускор уни кўриб чиқиш учун Экспертлар кенгашига киритади»;

учинчи хатбоши қуйидаги таҳрирда баён қилинсин:

«Ўзбекенгилсаноат» давлат-акциядорлик компаниясининг техник-иқтисодий асослаш юзасидан эксперт хулосаси»;

еттинчи хатбоши қуйидаги таҳрирда баён қилинсин:

«Лойиҳа ташаббускори «Ўзбекенгилсаноат» давлат-акциядорлик компанияси хулосасига рози бўлмаган тақдирда Экспертлар кенгашига асосланган эътирозни тақдим этиш ҳуқуқига эга. Экспертлар кенгаши лойиҳанинг техник-иқтисодий асослашини «Ўзбекенгилсаноат» давлат-акциядорлик компанияси хулосаларини, шунингдек лойиҳа ташаббускори фикрини ҳисобга олган ҳолда кўриб чиқади ва тегишли қарор қабул қилади»;

г) 14-банднинг «в» кичик бандидаги «лойиҳанинг техник-иқтисодий асослаши бўйича бир ёки бир нечта ваколатли экспертиза органларининг салбий хулосаси мавжуд бўлган тақдирда» сўзлари чиқариб ташлансин;

д) 15-банднинг иккинчи хатбоши чиқариб ташлансин;

е) 16-банд қуйидаги таҳрирда баён қилинсин:

«16. Лойиҳанинг техник-иқтисодий асослаши бўйича Экспертлар кенгашининг ижобий қарори лойиҳанинг техник-иқтисодий асослашида назарда тутилган шартлар, талаблар ва параметрларга мувофиқ лойиҳани келгусида амалга ошириш учун асос ҳисобланади.

Ушбу Низомнинг 10-банди учинчи хатбошида назарда тутилган лойиҳаларнинг техник-иқтисодий асослашини тасдиқлаш лойиҳанинг техник-иқтисодий асослаши бўйича Экспертлар кенгашининг ижобий қарори олингандан кейин Вазирлар Маҳкамасининг 2007 йил 7 июндаги 110-сон қарори билан тасдиқланган Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисидаги низомнинг IV бўлимига мувофиқ амалга оширилади».

2. Вазирлар Маҳкамасининг 2007 йил 7 июндаги 110-сон қарори билан тасдиқланган Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисидаги низомда (Ўзбекистон Республикаси ҚТ, 2007 й., 6-сон, 34-модда):

а) 1-бандда:

«г» кичик банддаги «камида 25 фоиз» сўзлари «50 фоиздан ортиқ» сўзлари билан алмаштирилсин;

«д» кичик банд ўз кучини йўқотган деб ҳисоблансин;

б) 6-банд қуйидаги таҳрирда баён қилинсин:

«6. ДТИА (ДТИҲ) лойиҳа ташаббускори ёки унинг буюртмаси бўйича лойиҳалаш ташкилоти ёки инжиниринг компанияси томонидан ишланма юзасидан топшириқ асосида ишлаб чиқилади.

Лойиҳанинг ДТИА (ДТИҲ)ни ишлаб чиқувчи, агар фаолиятнинг ушбу турини амалга ошириш учун лицензия олиш Ўзбекистон Республикаси қонун ҳужжатларида назарда тутилган бўлса, тегишли соҳада объектларни лойиҳалаштириш учун лицензияга эга бўлиши керак.

Лойиҳалаштиришнинг сифати учун жавобгарлик ишлаб чиқувчига юкланади»;

в) 9-бандга қуйидаги мазмундаги хатбоши қўшилсин:

«Фақат ушбу Низомнинг 1-банди «б» кичик бандига мувофиқ амалга ошириладиган лойиҳалар бўйича лойиҳанинг ТИА (ТИҲ)ни лойиҳанинг ДТИА (ДТИҲ)ни ишлаб чиқмасдан ишлаб чиқишга йўл қўйилади»;

г) 11-банддан «танлов асосида» сўзлари чиқариб ташлансин;

д) 12-бандда:

«в» кичик банддан «техник даражаси ва» сўзлари чиқариб ташлансин;

қуйидаги мазмундаги хатбоши қўшилсин:

«Саноатнинг базавий тармоқларида (электр энергетикаси, нефть ва газни қайта ишлаш, кимё ва оғир саноатда) инвестиция лойиҳасининг ДТИА (ДТИҲ) ва ТИА (ТИҲ) фақат «Ўзоғирнефтгазкимёлойиҳа» институти Илмий-техник кенгашининг ижобий хулосасидан кейин ушбу бандда кўрсатилган ваколатли органларга экспертиза қилиш учун киритилади»;

е) 13-банд қуйидаги таҳрирда баён қилинсин:

«13. Лойиҳа ташаббускори Вазирлар Маҳкамасининг тегишли Ахборот-таҳлил департаментига ДТИА (ДТИҲ)ни тегишли тушунтириш хатини, кўриб чиқиладиган материалларни, шунингдек ушбу Низомнинг 12-бандида кўрсатилган ваколатли экспертиза органларининг хулосаларини илова қилган ҳолда икки нусхада киритади»;

ж) 14-банд қуйидаги таҳрирда баён қилинсин:

«14. Вазирлар Маҳкамасининг тегишли Ахборот-таҳлил департаменти уч кун муддатда ушбу Низомга 4-иловага мувофиқ шакл бўйича лойиҳанинг ДТИА (ДТИҲ)ни тасдиқлаш тўғрисидаги ҳужжатни тайёрлайди ва икки кун муддатда Вазирлар Маҳкамасининг Иқтисодиёт ва ташқи иқтисодий алоқалар масалалари комплекси раҳбари билан келишиш учун Вазирлар Маҳкамасининг Иқтисодиёт ва ташқи иқтисодий алоқалар масалалари йиғма ахборот-таҳлил департаментига тақдим этади»;

з) 15-банд ўз кучини йўқотган деб ҳисоблансин;

и) 16-банд қуйидаги таҳрирда баён қилинсин:

«16. ДТИА (ДТИҲ) Вазирлар Маҳкамасининг тегишли Комплекси раҳбари томонидан тасдиқланади.

Вазирлар Маҳкамасининг тегишли Комплекси раҳбари томонидан тасдиқланган лойиҳанинг ДТИА (ДТИҲ) ҳар бир саҳифасига «20__ й. _______да _____-сон билан тасдиқланган» деган ёзувли штемпель билан мажбурий белги қўйилади. Тасдиқланган ДТИА (ДТИҲ)нинг бир нусхаси лойиҳа ташаббускорига берилади, иккинчи нусхаси эса Вазирлар Маҳкамасининг тегишли Ахборот-таҳлил департаментида қолади, лойиҳанинг ТИА (ТИҲ) тасдиқланганда — Вазирлар Маҳкамасининг Умумий бўлимига берилади».

к) 20-бандда:

иккинчи хатбошидаги «қарори» сўзи «қабул қилинадиган қарори» сўзлари билан алмаштирилсин;

қуйидаги мазмундаги учинчи хатбоши қўшилсин:

«Вазирлар Маҳкамасининг қарори қабул қилиниши зарурлигини асослайдиган кўриб чиқиладиган материаллар билан биргаликда тегишли тушунтириш хатини»;

учинчи—бешинчи хатбоши тегишли равишда тўртинчи—олтинчи хатбоши деб ҳисоблансин;

л) 21-банддаги «қарори» сўзи «қабул қиладиган қарори» сўзлари билан алмаштирилсин;

м) 22-банддаги «қарори» ва «қарорига» сўзлари «қабул қиладиган қарори» ва «қабул қиладиган қарорига» сўзлари билан алмаштирилсин;

н) 23-бандга қуйидаги мазмундаги хат боши қўшилсин:

«Ўзбекистон Республикаси Вазирлар Маҳкамаси томонидан тасдиқланган инвестиция лойиҳасининг ТИА (ТИҲ) ҳар бир саҳифасига «Ўзбекистон Республикаси Вазирлар Маҳкамасининг 20__ й. _______даги ____ -сон ____ билан тасдиқланган» деган ёзувли штемпель билан мажбурий белги қўйилади»;

о) V бўлим ва 31-банд ўз кучини йўқотган деб ҳисоблансин;

п) 36-банд қуйидаги таҳрирда баён қилинсин:

«36. Лойиҳани молиялаштириш (биргаликда молиялаштириш) тўғрисидаги жамғармани бошқариш бўйича Кенгашнинг қарори, лойиҳанинг тасдиқланган ДТИА (ДТИҲ) асосида инвестиция лойиҳасининг ТИА (ТИҲ) ишлаб чиқилади.

Жамғарма маблағлари ҳисобига молиялаштириш (биргаликда молиялаштириш) тавсия қилинаётган инвестиция лойиҳасининг ТИА (ТИҲ) саноатнинг базавий тармоқларида (электр энергетикаси, нефть ва газни қайта ишлаш, кимё ва оғир саноатда)ги лойиҳалар бўйича «Ўзоғирнефтгазкимёлойиҳа» институти билан келишилиши керак (инвестиция лойиҳасининг ТИА (ТИҲ) ишлаб чиқувчиси «Ўзоғирнефтгазкимёлойиҳа» институти ҳисобланган ҳоллар бундан мустасно)»;

р) Инвестиция лойиҳасини техник-иқтисодий асослаш (ТИА)нинг намунавий таркибида (5-илова):

11.4-11.5-бандлар қуйидаги мазмундаги 11.4—11.8-бандлар билан алмаштирилсин:

«11.4. Иқтисодий самарадорликни баҳолаш;

11.5. Қарзга олинган маблағларнинг (улардан фойдаланилган тақдирда) қопланишини ва ўз вақтида қайтарилишини ҳисобга олган ҳолда молиявий самарадорликни баҳолаш, валютанинг қопланиши;

11.6. Лойиҳанинг асосий таваккалчиликларга сезгирлиги;

11.7. Соф жорий қиймат кўрсаткичлари ва капитал қўйилмалар ички қайтарилувчанлигининг иқтисодий нормаси;

11.8. Молиявий натижаларнинг мамлакат иқтисодиётига таъсирини баҳолаш»;

15-бандга «11.5» рақамларидан кейин «11.8» рақамлари қўшилсин;

с) Лойиҳани техник-иқтисодий асослашнинг асосий техник-иқтисодий кўрсаткичларининг 9-бандидаги (6-илова) «қайтариш» сўзи «тақдим этиш» сўзлари билан алмаштирилсин.