Ўзбекистон Стандартлаштириш, метрология ва сертификатлаштириш агентлиги билан Сингапур Стандартлар, ишлаб чиқариш ва инновация кенгаши, (бундан кейин биргаликда «Томонлар» ва алоҳида ҳолда «Томон» деб аталувчилар);
савдо ҳамда саноатдаги тўсиқларни бартараф этиш мақсадида халқаро ҳуқуқ нормаларига мувофиқ стандартлаштириш, метрология ва аккредитация соҳасида ҳамкорликни ривожлантиришни кўзлаб;
атроф-муҳитни муҳофаза қилиш, инсон ҳаёти ва соғлиғи учун хавфсизликни таъминлашнинг муҳимлигини англаб;
икки мамлакатнинг қонун-қоидалари доирасида икки мамлакатнинг иқтисодий манфаатларини оширишга интилиб;
Томонлар, мазкур Битим ва ўз давлатлари қонун-қоидалари, стандартлаштириш, метрология ва аккредитация соҳасида қуйидагиларни қамраб олган қўшимча битим, баённома ва дастурлардан келиб чиққан ҳолда ҳамкорлик қилишга аҳдлашиб олдилар:
(a) илмий ва техникавий ҳамкорликка кўмаклашиш ва савдодаги техник тўсиқларни бартараф этиш учун миллий стандартларни халқаро стандартлар билан уйғунлаштиришни таъминлаш;
(b) давлатлараро таъминланадиган маҳсулотларнинг меъёрий ҳужжатларини уйғунлаштириш бўйича ҳамкорликда фаолият кўрсатиш;
(c) физик катталиклар учун миллий ва ишчи эталонларни ишлаб чиқиш, такомиллаштириш ва солиштириш бўйича биргаликда фаолият кўрсатиш.
(a) стандартлаштириш, метрология ва аккредитация соҳасида меъёрий ҳужжатлар, ахборотлар ва даврий нашрларни,
(d) стандартлаштириш ва метрология соҳасида мутахассисларни ўқитиш ва малакасини ошириш бўйича маълумот ҳамда материалларни.
Томонлар халқаро нормалар (стандартлар) ва қоидаларга асосланган ҳолда мувофиқликни баҳолашда аккредитация тизимини такомиллаштиришга кўмаклашадилар.
Томонлар мувофиқликни баҳолаш (аккредитация) доирасида ўтказиладиган илмий анжуманлар, семинарлар ва амалий тренингларда ўзаро ҳамкорлик қиладилар.
Томонлар маҳсулотни рўйхатга олиш борасида доимий равишда ҳамкорликни юритишга келишдилар. Айнан шу мақсадда Томонлар тарафидан ўзаро тан олинган процедураларга асосан уларнинг мамлакатларида амал қилаётган, мажбурий сертификатлаштириш лозим бўлган маҳсулотлар рўйхати тўғрисида бир-бирларини ўз вақтида хабардор қиладилар.
(1) Томонлар, мазкур Битим доирасида олиб борилган иш фаолиятида қабул қилиб олинган ҳужжат ва тегишли маълумотларнинг махфийлигини таъминлайдилар;
(2) Томонлар эришилган илмий-техникавий натижаларнинг махфийлигини таъминлайдилар, агар бошқа Томон ёзма равишда хабардор қилинган бўлса;
(3) Ҳамкорлик давомида Томонлардан бири олган илмий-техникавий ахборот учинчи томонга фақат ушбу ахборот берган Томоннинг ёзма равишдаги розилиги билангина берилиши мумкин.
Томонлар стандартлаштириш, метрология ва аккредитация бўйича турли халқаро ташкилотлар доирасида ҳамкорлик қиладилар, Томонлардан бири иккинчи Томон аъзо ҳисобланадиган халқаро ташкилотларда қатнашиш ёки уларга аъзо бўлишда бир-бирларини қўллаб-қувватлайдилар.
Томонлар стандартлаштириш, метрология ва аккредитация соҳаларида ўзларининг имкониятларини мувофиқлаштириш ва иккала Томоннинг халқаро фаолиятдаги мавқеини ошириш мақсадида стандартлаштириш, метрология ва аккредитация бўйича халқаро ташкилотлар доирасида узвий ҳамкорлик қиладилар.
Томонлар стандартлаштириш, метрология ва аккредитация соҳаларида тажриба алмашиш мақсадида мутахассисларга маслаҳат бериш ва ўқитиш бўйича делегациялар, мутахассислар алмашинувини ташкил қиладилар.
Мазкур Битим қоидаларини қўллаш ва талқин қилишда юзага келган келишмовчиликлар ўзаро Томонларнинг маслаҳатлашувлари ва музокаралари орқали ҳал қилинади.
Томонларнинг ўзаро келишувларига кўра мазкур Битимга алоҳида баённомалар билан расмийлаштириладиган ўзгартиришлар киритилиши мумкин, бунда баённомалар мазкур Битимнинг ажралмас қисми ҳисобланиши керак.
Мазкур Битим Томонлар учинчи мамлакатлар билан стандартлаштириш, метрология ва аккредитация соҳаларида имзоланган битимларга таъсир қилмаслиги лозим.
Мазкур Битимнинг талаблари бажарилишининг молиявий шартлари Томонларнинг ўзаро келишувида амалга оширилиши керак.
Мазкур Битим имзоланган кундан бошлаб кучга киради. Томонлар мазкур Битимнинг амал қилишини бошқа томонга ёзма равишда хабардор қилиб тўхтатиши мумкин. Мазкур Битим бошқа Томондан юқорида келтирилган хабарни олган кунидан кейин 3 ойдан сўнг кучини йўқотади.
Сингапур шаҳрида 2007 йил 25 январда, икки асл нусхада, ҳар бири ўзбек ва инглиз тилларида тузилди, бунда барча тилдаги матнлар бир хил кучга эга. Мазкур Битимни талқин қилишда келишмовчиликлар пайдо бўлганда инглиз тилидаги матни устувор ҳисобланади.