Ўзбекистон Республикаси «Давлат солиқ хизмати тўғрисида»ги Қонунининг 7-моддаси ва Ўзбекистон Республикаси «Давлат божхона хизмати тўғрисида»ги Қонунининг 6-моддасига мувофиқ Давлат солиқ қўмитаси ва Давлат божхона қўмитаси қарор қилади:

1. Қуйидагилар ўз кучини йўқотган деб топилсин:

Ўзбекистон Республикаси Давлат солиқ қўмитаси томонидан 1997 йил 1 июлда 97-52-сон билан тасдиқланган Акциз маркалари билан маркаланмаган тамаки маҳсулотларини ва алкоголли ичимликларни мусодара қилиш ва сотиш тартиби (1997 йил 4 июль, рўйхат рақами 353);

Ўзбекистон Республикаси Давлат солиқ қўмитаси томонидан 1997 йил 24 сентябрда 97-78-сон билан ва Ўзбекистон Республикаси Давлат божхона қўмитаси томонидан 1997 йил 22 сентябрда 05/8-71-сон билан тасдиқланган «Акциз маркалари билан маркаланмаган тамаки маҳсулотларини ва алкоголли ичимликларни мусодара қилиш ва сотиш тартиби»га ўзгартиришлар ва қўшимчалар (1997 йил 2 октябрь, рўйхат рақами 353-1).

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.