Ўзбекистон Республикаси Давлат мулкини бошқариш ва тадбиркорликни қўллаб-қувватлаш Давлат қўмитаси билан Украина Давлат мулки жамғармаси, бундан кейин «Томонлар» деб аталувчилар,

Томонлар давлатларининг хўжалик юритувчи субъектлари ўртасида ўзаро манфаатли муносабатларни ўрнатишга интилиб,

ўз ваколатлари ва Ўзбекистон Республикаси билан Украинанинг миллий қонунлари меъёрлари доирасида фаолият олиб бориб,

икки давлат хўжалик юритувчи субъектларининг хусусийлаштириш дастурларида ўзаро иштирок этишлари учун шарт-шароитларни яратишга кўмаклашиб,

Томонлар хусусийлаштириш жараёни, ҳукуматнинг тегишли меъёрий-ҳуқуқий ҳужжат ва қарорлари, Ўзбекистон Республикаси билан Украина ҳудудларида хусусийлаштирилаётган корхоналар ҳамда объектларнинг тавсифи тўғрисида, шу жумладан амалий учрашувлар, семинарлар, маслаҳатлашувлар ва бошқа қўшма тадбирлар ўтказиш орқали, шунингдек Томонларнинг сўровларига кўра ахборот алмашадилар.

Томонлар, Ўзбекистон Республикаси билан Украинанинг оммавий ахборот воситаларида хусусийлаштириш масалалари бўйича ахборотни жойлаштиришга кўмаклашадилар.

Томонларнинг ўзаро розиликларига кўра ушбу Битимга алоҳида баённомалар билан расмийлаштириладиган ва унинг ажралмас қисми ҳисобланадиган ўзгартиш ва тўлдиришлар киритилиши мумкин.

Ушбу Битимнинг қоидаларини талқин қилиш ва қўллаш билан боғлиқ барча масалалар Томонлар ўртасида маслаҳатлашув ҳамда музокаралар орқали ҳал қилинади.

Ушбу Битим имзоланган кундан бошлаб кучга киради.

Ушбу Битим беш йил давомида амал қилади ва Томонларнинг биронтаси унинг амал қилишини тўхтатиш нияти тўғрисида камида олти ой илгари бошқа Томонни дипломатик каналлар орқали ёзма равишда хабардор қилмаса, у кейинги беш йиллик муддатларга ўз-ўзидан узаяверади.

Тошкент шаҳрида 2004 йил 25 июнда икки нусхада, ҳар бири ўзбек, украин ва рус тилларида тузилди, бунда барча матнлар бир хил кучга эга.

Ушбу Битимнинг қоидаларини талқин қилиш мақсадида рус тилидаги матндан фойдаланилади.