Ўзбекистон Республикаси Ҳукумати билан Хитой Халқ Республикаси Ҳукумати, бундан кейин «Томонлар» деб аталувчилар,

дўстона муносабатлар ва техник-иқтисодий ҳамкорликни янада ривожлантириш мақсадида,

Ўзбекистон Республикаси Ҳукуматининг сўровига мувофиқ Хитой Халқ Республикаси Ҳукумати Ўзбекистон Республикаси Ҳукуматига 2004 йил 1 июлдан бошлаб 2009 йил 30 июнгача беш йил давомида 50.000.000 (эллик миллион) юан миқдорида фоизсиз кредит тақдим этади.

Мазкур кредит икки мамлакат ҳукуматлари ўртасида келишилган техник-иқтисодий ҳамкорлик лойиҳаларида фойдаланилиши лозим.

Кредит Ўзбекистон Ҳукумати томонидан 2014 йил 1 июлдан бошлаб 2024 йил 30 июнгача икки мамлакат ҳукуматлари ўртасида келишилган конвертирланадиган валютада ёки Ўзбекистоннинг экспорт товарлари билан ўн йил давомида қисмларга бўлиб тўланиши лозим. Мазкур кредитнинг фойдаланилган ўндан бир қисми ҳар йилда тўлаб борилиши лозим. Ўзбекистон Ҳукумати томонидан кредит тўлови амалга оширилувчи конвертирланадиган валютага ўрта арифметикага мувофиқ ҳисоблаб берилган хитой юани (женминби)нинг ўрта курси заёмнинг фойдаланилган қисмини тўлаш учун алмашув курси бўлади. Мана шу ўрта курс ушбу кредит фойдаланилиши давомида ҳар йилнинг охирги иш кунида Хитой банки томонидан эълон қилинади.

Ушбу Битимни амалга ошириш учун ҳисоб-китоб бўйича тегишли қоидалар Ўзбекистон Ҳукумати ваколат берган банк ва Хитой банки томонидан қўшимча равишда келишиб олинади.

Ушбу Битим имзоланган санадан бошлаб кучга киради ва Томонлар ушбу Битимда белгиланган тегишли мажбуриятларини бажаргунларига қадар амал қилади.

Ушбу Битим Тошкент шаҳрида 2004 йил 15 июнда икки нусхада, иккала Томон учун бир нусхадан, ҳар бири ўзбек, хитой ва рус тилларида тузилган, бунда барча матнлар бир хил кучга эга.

Ушбу Битим қоидаларини талқин қилишда келишмовчиликлар юзага келган ҳолда рус тилидаги матндан фойдаланилади.