Ўзбекистон Республикаси Ҳукумати билан Покистон Ислом Республикаси Ҳукумати ўртасида маданият, соғлиқни сақлаш, фан, техника, кадрлар тайёрлаш, туризм, спорт ва оммавий ахборот воситалари соҳасида ҳамкорлик тўғрисида 1992 йил 27 июнда имзоланган Битимга асосланиб, Ўзбекистон Республикаси Ҳукумати билан Покистон Ислом Республикаси Ҳукумати бундан кейин «Икки томон» деб аталади 2005—2009 йиллар давомида қуйидаги маданий алмашув дастурини амалга оширишга келишиб олди.

Икки томон 15—20 кун давомида 15—20 кишидан иборат бўлган фольклор/мусиқа ва рақс труппалари алмашувини амалга оширадилар.

Икки томон икки ҳафта давомида расмлар, китоблар ва ҳунармандчилик буюмлари, ислом санъати ва меъморчилиги бўйича кўргазма алмашувини амалга оширадилар. Кўргазма бир мутахассис иштирокида ўтказилиши лозим.

Икки томон 7—14 кун давомида 8—10 кишидан иборат бўлган миллий қўшиқчиларнинг ташрифи билан ўзаро алмашадилар.

Икки томон маданияти ва маданий анъаналарига тегишли бўлган нашрлар алмашуви амалга оширилади.

Икки томон таклифномага асосан фестивалда унинг шарт-шароитларига риоя қилган ҳолда иштирок этадилар.

10—20 ўзбек санъаткорлари ҳар йил октябрь ойи давомида Исломободда Лок Бирса томонидан ташкил этиладиган Йиллик миллий фольклор фестивалида иштирок этишлари мумкин. Локк Бирса, шунингдек, ушбу фестивалларда Покистон номидан чиқиши мумкин.

Покистон қўшиқчи ва мусиқачилари ҳар икки йилда Самарқанд шаҳрида ўтказиладиган «Шарқ тароналари» халқаро мусиқа фестивалида иштирок этишлари мумкин.

Лок Бирса икки ҳафта давомида Ўзбекистонда ўзининг бир мутахассиси иштирокида Покистон миллий санъати ва буюмлари кўргазмасини ўтказади. Ўзбекистон томонидан амалга ошириладиган худди шундай кўргазма яхши кутиб олинади.

Музейшунослар, мусиқашунослар, фальклоршунослар, кутубхона тадқиқотчилари ва миллий санъат бўйича мутахассислар ўн беш кун давомида бир-бирларининг давлатларига ташриф буюришлари мумкин.

Томонлар икки ҳафта давомида архив ходимлари гуруҳи алмашувини амалга оширадилар.

Томонлар архивга оид нашрлар ва архив материаллари алмашувини амалга оширадилар.

Томонлар 3 ой давомида антиквариат, манускриптлар ва фотосурат кўргазмаси алмашинувини, шунингдек икки давлат қадимий маданий бойликларини биринчи ўринга олиб чиқадилар. Кўргазмалар мутахассислар маърузалари ёрдамида таништирилади.

Ҳар икки томон ўз археология ва ёдгорликларини сақлаш соҳасида технологиялар билан танишиш мақсадида мутахассислар алмашувини амалга оширадилар.

Археология ва унинг тармоқлари соҳасидаги нашрлар алмашуви амалга оширилади.

Ўзбекистон томони Алмашув дастурида назарда тутилган 7 кунлик муддатга 7 кишидан иборат бўлган ёшлар делегациясини юборади. Покистон томони ҳам худди шундай муддатга 7 кишидан иборат бўлган ёшлар делегациясини юборади. Ушбу ташрифларнинг мақсади, вақти ва муддати ўзаро дипломатик каналлар орқали аниқланади.

Юборувчи томон ёшлар делегацияси халқаро йўл харажатларини ўз зиммасига олади ва қабул қилувчи томон ёшлар делегациясини овқатлантириш, жойлаштириш, тиббий суғурта ва ички ташув харажатларини ўз зиммасига олади.

Томонлар футбол ва волейбол жамоалари алмашувини ўтказадилар.

Ушбу дастур юқорида кўрсатиб ўтилган алмашувлардан ташқари дипломатик каналлар орқали келишиб олинган бошқа алмашинувларни истисно қилмайди.

Келишилган моддаларга оид харажатларни амалга оширишни эътиборга олган ҳолда, юборувчи томон делегациялар, труппа ва жамоаларнинг халқаро йўл харажатларига жавобгардир ва қабул қилиб олувчи томон овқатлантириш, жойлаштириш, ички ташув ва бошқа давлат делегация, труппа ва жамоаларининг ташрифи давомида тиббий таъминот харажатлари учун жавобгардир.

Ушбу дастур имзоланган кундан бошлаб кучга киради.

Тошкент шаҳрида 2005 йил 6 мартда икки нусхада, ҳар бири ўзбек ва инглиз тилларида тузилди, бунда барча матнлар бир хил кучга эга.