Ўзбекистон Республикасининг «Давлат статистикаси тўғрисида»ги Қонунининг 6-моддасига асосан ҳамда Ўзбекистон Республикаси Вазирлар Маҳкамасининг 2003 йил 8 январдаги 8-сонли қарори билан тасдиқланган Ўзбекистон Республикаси Давлат статистика қўмитаси тўғрисидаги низомга ва Ўзбекистон Республикаси Президентининг 2006 йил 26 апрелдаги ПҚ-335-сонли қарори билан тасдиқланган Ўзбекистон Республикаси Давлат мулкини бошқариш давлат қўмитаси тўғрисидаги низомга мувофиқ, Ўзбекистон Республикаси Давлат статистика қўмитаси ва Ўзбекистон Республикаси Давлат мулкини бошқариш давлат қўмитаси қарор қилади:

1. Ўзбекистон Республикаси Макроиқтисодиёт ва статистика вазирлиги томонидан 1999 йил 5 июлдаги 2-5-4-54-сон билан ва Давлат мулкини бошқариш ва тадбиркорликни қўллаб-қувватлаш қўмитаси томонидан тасдиқланган ҳамда Ташқи иқтисодий алоқалар вазирлиги (1999 йил 6 июлдаги ША-01-01-3472-сонли), Давлат солиқ қўмитаси (1999 йил 9 июлдаги 99-88-сонли) билан келишилган «Давлат активлари иштирокида ташкил этилган қўшма корхоналарнинг ҳисоби ва фаолияти мониторингининг ягона тартиби» (1999 йил 6 август, рўйхат рақами 797) ўз кучини йўқотган деб топилсин.

2. Мазкур Қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.