Ўзбекистон Республикаси Вазирлар Маҳкамасининг 1995 йил 24 мартдаги «Чорвачиликда хусусийлаштиришни давом эттириш ва хусусий тадбиркорликни қўллаб-қувватлаш чора-тадбирлари тўғрисида»ги 96-сонли қарорига асосан ишлаб чиқилган «Чорва моллари, бинолар ва асбоб-анжомларни танлов — кимошди савдоси асосида сотиш тартиби» ўз аҳамиятини йўқотганлиги ҳамда идоравий норматив-ҳуқуқий ҳужжатларнинг қонун ҳужжатларига мувофиқлигини таъминлаш мақсадида қарор қиламиз:

1. Ўзбекистон Республикаси Қишлоқ хўжалиги вазирлиги, Молия вазирлиги, Адлия вазирлиги, Давлат мулкини бошқариш ва тадбиркорликни қўллаб-қувватлаш давлат қўмитаси томонидан тасдиқланган «Чорва моллари, бинолар ва асбоб-анжомларни танлов — кимошди савдоси асосида сотиш тартиби» (1995 йил 20 апрель, рўйхат рақами 136) ўз кучини йўқотган деб ҳисоблансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб 10 кун ўтганидан кейин кучга киради.