Маҳсулот тақсимотига оид битимлар доирасида валюта тушумини мажбурий сотиш масалаларини тартибга солувчи қонун ҳужжатлари бир хилда қўлланилишини таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг «Конларнинг Кандим гуруҳи участкаларига, Хаузак ва Шоди участкаларига ҳамда Қўнғирот участкасига нисбатан маҳсулот тақсимотига оид битимни амалга ошириш чора-тадбирлари тўғрисида» 2004 йил 14 сентябрдаги 428-сон қарорининг 2-бандига қуйидаги мазмундаги бешинчи хатбоши қўшилсин:

«операторнинг Ўзбекистон Республикаси резидентлари ҳисобланган пудратчилари (етказиб берувчилари) Битимни амалга ошириш бўйича операциялар доирасида ўзларининг ҳисоб рақамларига тушадиган валюта тушумининг мажбурий сотувини улар томонидан Битимни амалга ошириш мақсадида импорт қилинган товарлар (ишлар) хизматлар қийматига камайтириб амалга оширадилар».

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.