Ўзбекистон Республикасининг Олий Кенгаши қарор қилади:

1. «Ўзбекистон Республикасининг Давлат байроғи тўғрисида»ги Ўзбекистон Республикасининг Қонуни қабул қилинган кундан бошлаб амалга киритилади.

2. Белгилаб қўйилсинки, аввалги Давлат байроғидан у Ўзбекистон Республикасининг янги Давлат байроғи билан алмаштирилгунга қадар икки ой давомида фойдаланиш мумкин.

3. Ўзбекистон Республикаси Президенти ҳузуридаги Вазирлар Маҳкамасига:

1991 йил 1 декабргача Ўзбекистон Республикаси Давлат байроғини тайёрлаш, сақлаш ва йўқ қилиб ташлаш тартибини белгилаш;

Ўзбекистон Республикаси Ҳукуматининг қарорларини «Ўзбекистон Республикасининг Давлат байроғи тўғрисида»ги Ўзбекистон Республикаси Қонунига мувофиқлаштириш топширилсин.

4. Қуйидагилар ўз кучини йўқотган деб ҳисоблансин:

Ўзбекистон Республикаси Олий Совети Президиумининг «Ўзбекистон Республикаси Давлат байроғи тўғрисидаги Низомни тасдиқлаш ҳақида»ги 1974 йил 27 сентябрь Фармони (Ўзбекистон Республикаси Олий Советининг Ведомостлари, 1974 йил, № 27, 323-модда);

Ўзбекистон Республикаси Олий Совети Президиумининг «Ўзбекистон, Республикаси Давлат байроғи тўғрисидаги Низомга ўзгартишлар ва қўшимчалар киритиш ҳақида»ги 1978 йил 29 июнь Фармони (Ўзбекистон Республикаси Олий Советининг Ведомостлари, 1978 йил, № 19, 323-модда);

Ўзбекистон Республикаси Олий Совети Президиумининг «Ўзбекистон Республикаси Давлат байроғи тўғрисидаги Низомга ўзгартишлар ва қўшимчалар киритиш ҳақида»ги 1981 йил 30 июль Фармони (Ўзбекистон Республикаси Олий Советининг Ведомостлари, 1981 йил, № 22, 445-модда);

Ўзбекистон Республикасининг «Ўзбекистон Республикаси Олий Совети Президиумининг «Ўзбекистон Республикаси Давлат байроғи тўғрисидаги Низомга ўзгартиш ва қўшимчалар киритиш ҳақида»ги 1981 йил 27 ноябрь Қонуни (Ўзбекистон Республикаси Олий Советининг Ведомостлари, 1981 йил, № 33, 647-модда);

Ўзбекистон Республикаси Олий Совети Президиумининг «Ўзбекистон Республикаси Давлат байроғи тўғрисидаги Низомга қўшимчалар киритиш ҳақида»ги 1984 йил 11 сентябрь Фармони (Ўзбекистон Республикаси Олий Советининг Ведомостлари, 1984 йил, N 26, 382-модда);

1984 йил 3 декабрда қабул қилинган «Ўзбекистон Республикаси Олий Совети Президиумининг Ўзбекистон Республикасининг айрим қонун актларига ўзгартишлар ва қўшимчалар киритиш тўғрисидаги Фармонларини тасдиқлаш ҳақида»ги Ўзбекистон Республикаси Қонунининг (Ўзбекистон Республикаси Олий Советининг Ведомостлари, 1984 йил, № 34, 485-модда) Ўзбекистон Республикаси Олий Совети Президиумининг «Ўзбекистон Республикасининг Давлат байроғи тўғрисидаги Низомга қўшимчалар киритиш ҳақида»ги 1984 йил 11 сентябрь Фармонини тасдиқлашга доир қисми.