1-модда. Ўзбекистон Республикасининг 1995 йил 21 декабрда қабул қилинган «Ўзбекистон Республикасининг Марказий банки тўғрисида»ги 154-I-сонли Қонунига (Ўзбекистон Республикаси Олий Мажлисининг Ахборотномаси, 1995 йил, № 12, 247-модда; 1998 йил, № 9, 181-модда; 1999 йил, № 5, 124-модда; 2001 йил, № 1-2, 23-модда; 2003 йил, № 1, 8-модда; 2005 йил, № 1, 18-модда) қуйидаги ўзгартиш ва қўшимчалар киритилсин:

1) 3-модда иккинчи қисмининг тўртинчи хатбошиси қуйидаги таҳрирда баён этилсин:

«банклар, кредит уюшмалари, микрокредит ташкилотлари ва гаровхоналар фаолиятини лицензиялаш ҳамда тартибга солиш, банклар, кредит уюшмалари, микрокредит ташкилотлари ва гаровхоналарни назорат қилиш, қимматбаҳо қоғозлар бланкалари ишлаб чиқаришни лицензиялаш»;

2) 17-модданинг еттинчи ва саккизинчи хатбошилари «кредит уюшмалари» деган сўзлардан кейин «микрокредит ташкилотлари» деган сўзлар билан тўлдирилсин;

3) VIII бўлимнинг номи «кредит уюшмалари» деган сўзлардан кейин «микрокредит ташкилотлари» деган сўзлар билан тўлдирилсин;

4) 50-модда куйидаги таҳрирда баён этилсин:

Марказий банк молия-банк тизими барқарорлигини сақлаб туриш, омонатчилар, қарз олувчилар ва кредиторларнинг манфаатлари ҳимоя қилинишини таъминлаш мақсадида банклар, кредит уюшмалари, микрокредит ташкилотлари ва гаровхоналар фаолиятини тартибга солади ҳамда назорат қилади.

Марказий банк банклар ва кредит уюшмаларини рўйхатга олади, шунингдек банк операцияларини амалга ошириш ҳуқуқини берувчи лицензиялар беради, кредит уюшмалари, микрокредит ташкилотлари, гаровхоналар фаолиятини ва қимматбаҳо қоғозлар бланкалари ишлаб чиқаришни лицензиялайди.

Банклар ва кредит уюшмаларини рўйхатга олиш, банклар, кредит уюшмалари, микрокредит ташкилотлари ва гаровхоналарга лицензиялар бериш ҳақ эвазига, Марказий банк томонидан белгиланган тартибда амалга оширилади. Қимматбаҳо қоғозлар бланкалари ишлаб чиқаришга лицензиялар бериш ҳақ эвазига, қонун ҳужжатларида белгиланган тартибда амалга оширилади. Берилган лицензиялар тўғрисидаги маълумотлар эълон қилиниши керак.

Марказий банк Банкларни давлат рўйхатига олиш дафтари, кредит уюшмалари, микрокредит ташкилотлари, гаровхоналарга ҳамда қимматбаҳо қоғозлар бланкалари ишлаб чиқаришга берилган лицензиялар реестрини юритади»;

5) 51-модданинг:

биринчи қисми учинчи хатбошиси «кредит уюшмалари» деган сўзлардан кейин «ва микрокредит ташкилотлари» деган сўзлар билан тўлдирилсин;

иккинчи хатбошиси «кредит уюшмалари» деган сўзлардан кейин «микрокредит ташкилотлари» деган сўзлар билан тўлдирилсин;

тўртинчи хатбошисидаги «ва кредит уюшмаларининг» деган сўзлар «кредит уюшмалари ва микрокредит ташкилотларининг» деган сўзлар билан алмаштирилсин;

саккизинчи хатбошиси «кредит уюшмалари» деган сўзлардан кейин «микрокредит ташкилотлари» деган сўзлар билан тўлдирилсин;

ўнинчи хатбошиси «кредит уюшмалари» деган сўзлардан кейин «ва микрокредит ташкилотлари» деган сўзлар билан тўлдирилсин;

6) 53-модданинг тўртинчи қисми «Кредит уюшмалари» деган сўзлардан кейин «микрокредит ташкилотлари» деган сўзлар билан тўлдирилсин.

2-модда. Ушбу Қонун расмий эълон қилинган кундан эътиборан кучга киради.