Ўзбекистон Республикаси Президентининг 2006 йил 31 майдаги «Чигит етказиб бериш механизмини ҳамда ўсимлик ёғи ва ёғ-мой маҳсулотлари сотишни тартибга солиш тўғрисида»ги ПҚ-360-сонли қарори ва Ўзбекистон Республикаси Вазирлар Маҳкамасининг 2004 йил 5 февралдаги «Маҳсулотлар, хом ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида»ги 57-сонли қарорига асосан қарор қиламиз:

1. Илова* қилинаётган Ўсимлик ёғини сотиш тартиби тўғрисидаги низом тасдиқлансин.

2. Мазкур қарор кучга кирган кундан бошлаб Ўзбекистон Республикаси Иқтисодиёт вазирлиги, Ўзбекистон Республикаси давлат мулкини бошқариш ва тадбиркорликни қўллаб-қувватлаш Давлат қўмитаси, Молия вазирлиги, Ёғ-мой ва озиқ-овқат саноат уюшмаси, Ўзбекистон республика товар хом-ашё биржасининг 2004 йил 5 апрелдаги «Биржа савдоларида ўсимлик мойини сотиш тартиби тўғрисида Вақтинчалик низомни тасдиқлаш тўғрисида»ги 25, 01/24-18, 46, 01/1-10, 42-01/156-сонли қарори ўз кучини йўқотган деб ҳисоблансин.

3. Ушбу қарор Ўзбекистон Республикаси Адлия вазирлигида давлат рўйхатидан ўтган кундан бошлаб ўн кундан сўнг кучга киради.