1-modda. Oʻzbekiston Respublikasining 1993-yil 28-dekabrda qabul qilingan “Mahsulotlar va xizmatlarni sertifikatlashtirish toʻgʻrisida”gi 1006–XII-sonli Qonuniga (Oʻzbekiston Respublikasi Oliy Kengashining Axborotnomasi, 1994-yil, № 2, 50-modda; Oʻzbekiston Respublikasi Oliy Majlisining Axborotnomasi, 2000-yil, № 7-8, 217-modda; 2003-yil, № 5, 67-modda) quyidagi oʻzgartish va qoʻshimchalar kiritilsin:

1) 5-modda ikkinchi qismining:

beshinchi xatboshisi “va uni Oʻzbekiston Respublikasi Vazirlar Mahkamasi tasdigʻiga kiritadi” degan soʻzlar bilan toʻldirilsin;

yettinchi xatboshisidagi “shuningdek oziq-ovqat mahsulotini hamda bunday mahsulotni tayyorlashda ishlatiladigan asbob-uskunalarni davlat roʻyxatidan oʻtkazishni amalga oshiradi” degan soʻzlar chiqarib tashlansin;

2) 10-moddaning uchinchi qismidagi “davlat boshqaruvining tegishli organi bunday talabnomalarni kechiktirmay ishlab chiqishi va amalga kiritishi shart” degan soʻzlar “Oʻzstandart” agentligi davlat boshqaruvining tegishli organlari bilan birgalikda bunday talabnomalarning kechiktirmay ishlab chiqilishi va amalga kiritilishini taʼminlaydi” degan soʻzlar bilan almashtirilsin.

2-modda. Oʻzbekiston Respublikasining 1996-yil 29-avgustda qabul qilingan “Urugʻchilik toʻgʻrisida”gi 267–I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 130-modda; 1997-yil, № 4-5, 126-modda; 1999-yil, № 5, 124-modda) 1-moddasining uchinchi xatboshisidagi “sertifikatlangan (reproduksion) urugʻliklar” degan soʻzlar “reproduksion urugʻliklar” degan soʻzlar bilan almashtirilsin.

3-modda. Oʻzbekiston Respublikasining 1997-yil 30-avgustda qabul qilingan “Oziq-ovqat mahsulotining sifati va xavfsizligi toʻgʻrisida”gi 483–I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 239-modda; 2003-yil, № 5, 67-modda) 6-moddasining ikkinchi qismidagi “Oʻzbekiston standartlashtirish, metrologiya va sertifikatlashtirish agentligi tomonidan davlat sanitariya nazorati organlari beradigan gigiyena sertifikati asosida” degan soʻzlar “gigiyena sertifikati berilayotganda davlat sanitariya nazorati organlari tomonidan” degan soʻzlar bilan almashtirilsin.

4-modda. Oʻzbekiston Respublikasining 1999-yil 15-aprelda qabul qilingan “Temir yoʻl transporti toʻgʻrisida”gi 766–I-sonli Qonunining (Oʻzbekiston Respublikasi Oliy Majlisining Axborotnomasi, 1999-yil, № 5, 118-modda) 21-moddasi:

ikkinchi qismidagi “hamda qonun hujjatlariga binoan mazkur talablarga muvofiqlikka doir majburiy sertifikatlashtirishdan oʻtkazilishi zarur” degan soʻzlar chiqarib tashlansin;

quyidagi mazmundagi uchinchi qism bilan toʻldirilsin:

“Temir yoʻl transporti faoliyatida foydalaniladigan texnika vositalari va mexanizmlarni, shuningdek koʻrsatiladigan xizmatlarni sertifikatlashtirish qonun hujjatlarida belgilangan tartibda amalga oshiriladi”;

uchinchi—toʻqqizinchi qismlari tegishincha toʻrtinchi—oʻninchi qismlar deb hisoblansin.

5-modda. Oʻzbekiston Respublikasining 1999-yil 19-avgustda qabul qilingan “Yoʻl harakati xavfsizligi toʻgʻrisida”gi 818–I-sonli Qonunining (Oʻzbekiston Respublikasi Oliy Majlisining Axborotnomasi, 1999-yil, № 9, 215-modda) 12-moddasi “talablariga mos boʻlishi hamda” degan soʻzlardan keyin “qonun hujjatlarida nazarda tutilgan hollarda” degan soʻzlar bilan toʻldirilsin.

6-modda. Oʻzbekiston Respublikasining 1999-yil 20-avgustda qabul qilingan “Telekommunikatsiyalar toʻgʻrisida”gi 822–I-sonli Qonunining (Oʻzbekiston Respublikasi Oliy Majlisining Axborotnomasi, 1999-yil, № 9, 219-modda; 2004-yil, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 311-modda) 10-moddasidagi “barcha” degan soʻz chiqarib tashlansin.

7-modda. Oʻzbekiston Respublikasining 1999-yil 20-avgustda qabul qilingan “Turizm toʻgʻrisida”gi 830–I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 9, 227-modda) 10-moddasining uchinchi qismi chiqarib tashlansin.

8-modda. Ushbu Qonun rasmiy eʼlon qilingan kundan eʼtiboran kuchga kiradi.