Oʻzbekiston Respublikasi Oliy Majlisi Senatining “Oʻzbekiston Respublikasining 2006-yilgi Davlat budjeti toʻgʻrisida” 2005-yil 2-dekabrdagi 99-1-son qaroriga muvofiq:

1. Quyidagilar:

2006-yilgi asosiy makroiqtisodiy koʻrsatkichlar 1-ilovaga* muvofiq;

Oʻzbekiston Respublikasining 2006-yilgi Davlat budjetining asosiy parametrlari 2-ilovaga* muvofiq;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining, Respublika yoʻl jamgʻarmasining, budjetdan tashqari Maktab taʼlimi jamgʻarmasining 2006-yilgi asosiy parametrlari 3—5-ilovalarga* muvofiq tasdiqlansin.

2. 2006-yilgi Davlat budjeti taqchilligining cheklangan miqdori yalpi ichki mahsulot hajmiga nisbatan 1,5 foiz miqdorida belgilansin.

Belgilab qoʻyilsinki, Davlat budjeti taqchilligini moliyalashtirish faqat noinflyatsion manbalar, shu jumladan davlat obligatsiyalarini joylashtirishdan tushumlar, respublika budjeti mablagʻlarining 2006-yil boshidagi qoldiqlari va tashqi qarz jalb qilish hisobiga amalga oshiriladi.

3. 2006-yil uchun:

yuridik shaxslardan daromad (foyda) soligʻi stavkalari 6-ilovaga* muvofiq;

savdo va umumiy ovqatlanish korxonalari uchun yalpi daromaddan soliq stavkalari 7-ilovaga* muvofiq;

mikrofirmalar va kichik korxonalar uchun yagona soliq toʻlovi stavkalari 8-ilovaga* muvofiq;

lotereyalar, totalizatorlar va tavakkalchilikka asoslangan boshqa oʻyinlarni tashkil etish boʻyicha faoliyatni amalga oshiruvchi yuridik shaxslar uchun yalpi tushumdan yagona soliq stavkalari 9-ilovaga* muvofiq;

yuridik va jismoniy shaxslarning tadbirkorlik faoliyati ayrim turlari boʻyicha belgilab qoʻyilgan soliqlar stavkalari 10 va 11-ilovalarga* muvofiq;

roʻyxat boʻyicha respublikada ishlab chiqariladigan va chetdan keltiriladigan tovarlardan aksiz soligʻi stavkalari 12-1 va 12-2-ilovalarga* muvofiq;

suv resurslaridan foydalanganlik uchun soliq stavkalari 13-ilovaga* muvofiq;

yer osti boyliklaridan foydalanganlik uchun soliq stavkalari 14-ilovaga* muvofiq;

katodli (tozalangan) mis ishlab chiqarishdan olingan ortiqcha foydadan soliq stavkalari 15-ilovaga* muvofiq;

yuridik shaxslardan olinadigan mulk soligʻi stavkalari 16-ilovaga* muvofiq;

jismoniy shaxslardan olinadigan mulk soligʻi stavkalari 17-ilovaga* muvofiq;

yagona yer soligʻi stavkalari 18-ilovaga* muvofiq;

yagona yer soligʻini qishloq xoʻjaligi yerlarining normativ qiymatidan kelib chiqqan holda toʻlashga oʻtgan toʻlovchilar uchun yagona yer soligʻi stavkalari 19-ilovaga* muvofiq;

yagona yer soligʻi toʻlashga oʻtmagan toʻlovchilar uchun yer soligʻi stavkalari 20-ilovaga* muvofiq;

mahalliy soliqlar va yigʻimlar stavkalari 21-ilovaga* muvofiq;

Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar va yigʻimlar stavkalari 22 va 23-ilovalarga* muvofiq;

24-ilovaga* muvofiq belgilangan soliqqa tortish obyektlarining Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga 0,7 foizi miqdorida hamda Maktab taʼlimi jamgʻarmasiga — 1 foizi miqdorida majburiy ajratmalar stavkalari tasdiqlansin.

4. 2006-yilda:

qoʻshilgan qiymat soligʻi stavkasi 20 foiz miqdorida;

fuqarolarning ish haqidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy sugʻurta badallari stavkasi 2,5 foiz miqdorida;

xarid, taʼminot-sotish, brokerlik faoliyati, shuningdek komission shartnomalar boʻyicha xizmatlar koʻrsatuvchi mikrofirmalar va kichik korxonalar uchun yagona soliq yalpi daromadning 30 foizi miqdoridagi stavka boʻyicha saqlab qolinsin, qimmatli qogʻozlar bozorida brokerlik faoliyatini yuritayotgan mikrofirmalar va kichik korxonalar bundan mustasno, ular yalpi daromadning 10 foizi miqdoridagi stavka boʻyicha yagona soliq toʻlaydilar.

Oʻzbekiston Respublikasi Moliya vazirligi Davlat soliq qoʻmitasi bilan birgalikda Yagona soliqni hisoblash va toʻlash tartibi toʻgʻrisidagi Nizomni ikki hafta muddatda ishlab chiqsin va belgilangan tartibda tasdiqlasin.

5. 2006-yil 1-yanvardan boshlab:

yuridik va jismoniy shaxslar tomonidan dividendlar va foizlar tarzida olinadigan daromadlardan soliq stavkalari 15 foizdan 10 foizgacha;

yagona ijtimoiy toʻlov stavkalari, mablagʻlar budjetdan tashqari Pensiya jamgʻarmasi, Ish bilan taʼminlashga koʻmaklashish davlat jamgʻarmasi va Kasaba uyushmalari Federatsiyasi Kengashi oʻrtasida 25-ilovada* keltirilgan normativlarga muvofiq taqsimlangan holda, 31 foizdan 25 foizgacha pasaytirilsin.

Xoʻjalik yurituvchi subyektlarga yagona ijtimoiy toʻlov stavkasini pasaytirish natijasida hosil boʻlgan mablagʻlarni xodimlarning ish haqini oshirishga yoʻnaltirish tavsiya etilsin.

6. 2006-yil 1-yanvardan boshlab respublika ishlab chiqaruvchi korxonalari tomonidan ishlab chiqarilayotgan suyultirilgan gaz uchun, qonun hujjatlariga muvofiq hisoblab chiqiladigan 21 foiz miqdorida aksiz soligʻi joriy etilsin, “Oʻztransgaz” AK mintaqalararo unitar korxonasi tomonidan aholiga sotiladigan gaz hajmi bundan mustasno.

8. 2006-yil 1-yanvardan boshlab Andijon, Buxoro va Xorazm viloyatlari qishloq xoʻjaligi tovar ishlab chiqaruvchilari uchun, eksperimentni davom ettirish doirasida, qishloq xoʻjaligi yerlarining normativ qiymatidan kelib chiqqan holda yagona yer soligʻini hisoblab chiqish tatbiq etilsin.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Oʻzbekiston Respublikasi Davlat soliq qoʻmitasi bilan birgalikda qishloq xoʻjaligi yerlarining normativ qiymatini yagona yer soligʻini hisoblab chiqish uchun Andijon, Buxoro va Xorazm viloyatlarining barcha qishloq xoʻjaligi tovar ishlab chiqaruvchilariga belgilangan tartibda yetkazsin.

12. Davlat tasarrufidan chiqarish va xususiylashtirishdan Davlat budjetiga yoʻnaltiriladigan mablagʻlar ulushi, balansida mulkning xususiylashtiriladigan qismi boʻlgan korxonalar ixtiyorida qoldiriladigan mablagʻlar hisobiga, ularni budjetdan tashqari Pensiya jamgʻarmasiga yoʻnaltirgan holda, 40 foizdan 65 foizgacha koʻpaytirilsin.

13. Mahalliy hokimiyat va boshqaruv organlarining barcha darajadagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Davlat budjetidagi ulushini koʻpaytirish maqsadida quyidagi umumdavlat soliqlari:

suv resurslaridan foydalanganlik uchun soliq;

yuridik va jismoniy shaxslarning tadbirkorlik faoliyati ayrim turlariga belgilab qoʻyiladigan soliq;

respublikada ishlab chiqariladigan alkogolli mahsulotlar, spirt, pivo va oʻsimlik yogʻiga aksiz soligʻi boʻyicha tushumlar toʻliq miqdorda mahalliy budjetlar daromadlariga oʻtkazilsin.

14. 2006-yil uchun:

Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlar va xarajatlar hajmlari, respublika budjetidan dotatsiyalar va maqsadli subvensiyalarning cheklangan miqdorlari 26-ilovaga* muvofiq;

Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga umumdavlat soliq tushumlaridan ajratmalar normativlari 27-ilovaga* muvofiq;

Qoraqalpogʻiston Respublikasi budjetining, viloyatlar va Toshkent shahar mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 28-ilovaga* muvofiq tasdiqlansin.

Oʻzbekiston Respublikasi Moliya vazirligiga:

tegishli budjetlarga dotatsiyalar, maqsadli subvensiyalar va budjet ssudalari (daromadlar va xarajatlar oʻrtasidagi vaqtinchalik kassa tafovutlari uchun) ajratishda ularning miqdorlarini hududlar boʻyicha barcha soliqlar va toʻlovlarning toʻliq tushishidan, shuningdek budjetning birinchi navbatdagi xarajatlarini (hisoblab yozilgan ish haqi, nafaqalar, stipendiyalar va ularga tenglashtiriladigan toʻlovlarni) soʻzsiz moliyalashtirish zarurligidan kelib chiqqan holda aniqlashtirish;

respublika budjetidan Samarqand viloyati mahalliy budjetiga beriladigan daromadlarning tasdiqlangan miqdorlariga, “OʻzBAT” qoʻshma korxonasidan Samarqand viloyatida shakllanadigan soliq tushumlarini hisobga olgan holda, respublika budjeti bilan Samarqand viloyati mahalliy budjeti oʻrtasida oʻzaro hisob-kitob qilish orqali daromadlar va xarajatlar oʻrtasida vujudga keladigan kassa boʻyicha tafovutlarni tartibga solgan holda aniqlashtirishlar kiritish huquqi berilsin.

15. Oʻzbekiston Respublikasi Moliya vazirligi “Oʻzagromashservis” uyushmasi huzuridagi Qishloq xoʻjaligi texnikasini hamda mashina texnologiyalarini sinash va sertifikatlash markaziga ajratiladigan budjet mablagʻlarini, uni 2010-yildan boshlab toʻliq oʻzini oʻzi mablagʻ bilan taʼminlashga oʻtkazish uchun, bosqichma-bosqich har yili 15 foizga qisqartirib borishni nazarda tutsin.

16. 2006-yil uchun Oʻzbekiston Respublikasi Vazirlar Mahkamasining zaxira jamgʻarmasi hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlarining zaxira jamgʻarmalari miqdorlari 29-ilovaga* muvofiq tasdiqlansin.

17. Belgilab qoʻyilsinki, 2006-yilda Oʻzbekiston Respublikasi Hukumati nomidan yoki uning kafolati ostida jalb qilinadigan xorijiy kreditlar hajmi 2005-yildagi xorijiy kreditlar boʻyicha asosiy qarzni toʻlash hajmidan ortiq boʻlmasligi kerak.

18. Oʻzbekiston Respublikasi Moliya vazirligi Samarqand viloyatida Davlat budjeti ijrosini gʻazna tizimiga oʻtkazish, shuningdek Qoraqalpogʻiston Respublikasida, Buxoro, Namangan, Surxondaryo, Sirdaryo, Xorazm viloyatlarida va Toshkent shahrida joylashgan budjet tashkilotlari uchun budjetning gʻazna ijrosini bosqichma-bosqich joriy etish chora-tadbirlarini amalga oshirishni davom ettirsin.

19. Oʻzbekiston Respublikasi Moliya vazirligi:

2007-yilgi davlat budjeti loyihasini taqdim etish bilan bir vaqtda Vazirlar Mahkamasiga belgilangan tartibda Oʻzbekiston Respublikasi Davlat budjeti parametrlarining 2008-2009-yillar uchun maqsadli yoʻnalishlarini taqdim etsin;

Oʻzbekiston Respublikasi Iqtisodiyot vazirligi bilan birgalikda makroiqtisodiy koʻrsatkichlar prognozi bajarilishini va Oʻzbekiston Respublikasi Davlat budjeti ijrosini tahlil etish natijalari boʻyicha, zarurat boʻlganda, Oʻzbekiston Respublikasi Vazirlar Mahkamasiga Davlat budjeti asosiy parametrlarini Davlat budjetining belgilangan taqchilligi doirasida aniqlashtirishga doir takliflar kiritsinlar.

20. Oʻzbekiston Respublikasi Moliya vazirligining:

a) 2005-yilning asosiy koʻrsatkichlarini:

Davlat budjeti daromadlarini 3330 mlrd soʻm, xarajatlarini 3420 mlrd soʻm miqdorida hamda budjet taqchilligi hajmini yalpi ichki mahsulot hajmiga nisbatan 0,6 foizgacha kamaytirgan holda aniqlashtirish;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi mablagʻlarini daromadlar boʻyicha 990,4 mlrd soʻm va xarajatlar boʻyicha — 979,6 mlrd soʻm miqdorida aniqlashtirish;

b) Oʻzbekiston Respublikasi Markaziy banki bilan birgalikda 2006-yil yanvar oyida 2005-yil uchun barcha darajalardagi budjetlar bilan yakuniy aylanmalar oʻrtasidagi oʻzaro hisob-kitoblarni tartibga solishga doir operatsiyalarni, 2005-yilgi Davlat budjetining ijrosi toʻgʻrisidagi hisobotda oʻtkazilgan operatsiyalarni aks ettirgan holda, oʻtkazish toʻgʻrisidagi takliflari qabul qilinsin.

21. Oʻzbekiston Respublikasi Vazirlar Mahkamasining 30-ilovaga muvofiq qarorlari oʻz kuchini yoʻqotgan deb hisoblansin.

Oʻzbekiston Respublikasi Hukumatining 31-ilovaga muvofiq ayrim qarorlariga oʻzgartirish va qoʻshimchalar kiritilsin.

22. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda mazkur qarorning qabul qilinishi munosabati bilan amaldagi qonun hujjatlariga oʻzgartirish va qoʻshimchalar yuzasidan Vazirlar Mahkamasiga bir oy muddatda takliflar kiritsin.

Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ilgari chiqarilgan normativ hujjatlarini bir hafta muddatda ushbu qarorga muvofiqlashtirsinlar.

23. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Golishev zimmasiga yuklansin.

1. Oʻzbekiston Respublikasi Vazirlar Mahkamasining “Davlat mulkini davlat tasarrufidan chiqarish va xususiylashtirishdan tushgan mablagʻlardan foydalanishni tartibga solish chora-tadbirlari toʻgʻrisida” 1997-yil 20-oktabrdagi 481-son qarorining 2-bandi.

2. Vazirlar Mahkamasining “Soliq solishning soddalashtirilgan tizimiga oʻtgan mikrofirmalar va kichik korxonalarga soliq solish tartibi toʻgʻrisida” 1998-yil 15-apreldagi 159-son qarori.

3. Oʻzbekiston Respublikasi Vazirlar Mahkamasining “Qurilish materiallari sanoati korxonalarini davlat tomonidan qoʻllab-quvvatlash yuzasidan qoʻshimcha chora-tadbirlar toʻgʻrisida” 1999-yil 20-maydagi 255-son qarorining 3-bandi.

4. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining “Soliq solishning soddalashtirilgan tizimiga oʻtgan mikrofirmalar va kichik korxonalarga soliq solish tartibi toʻgʻrisida” 1998-yil 15-apreldagi 159-son qaroriga oʻzgartirish kiritish haqida” 1999-yil 11-noyabrdagi 493-son qarori.

5. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining ayrim qarorlariga qoʻshimchalar va oʻzgartirishlar kiritish toʻgʻrisida” 2000-yil 2-avgustdagi 299-son qarorining 1-bandi.

6. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2000-yil 2-oktabrdagi 380-son qarori.

7. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2001-yil 27-iyundagi 276-son qaroriga ilovaning 9-bandi.

8. Oʻzbekiston Respublikasi Vazirlar Mahkamasining “Oʻzbekiston Respublikasining 2002-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida” 2001-yil 31-dekabrdagi 490-son qaroriga 31-ilovaning 4-bandi.

9. Oʻzbekiston Respublikasi Vazirlar Mahkamasining “Aloqa va axborotlashtirish sohasida boshqaruvni tashkil etishni takomillashtirish toʻgʻrisida” 2002-yil 23-sentabrdagi 328-son qaroriga 5-ilovaning 8-bandi.

10. Oʻzbekiston Respublikasi Vazirlar Mahkamasining “Oʻzbekiston Respublikasining 2003-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida” 2002-yil 30-dekabrdagi 455-son qaroriga 26-ilovaning 2 va 6-bandlari.

11. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 16-iyundagi 270-son qaroriga ilovaning 2-bandi.

12. Oʻzbekiston Respublikasi Vazirlar Mahkamasining “Oʻzavtoyoʻl” davlat-aksiyadorlik kompaniyasi va Oʻzbekiston Respublikasi Moliya vazirligi huzuridagi Respublika yoʻl jamgʻarmasi faoliyatini tashkil etish masalalari toʻgʻrisida” 2003-yil 21-avgustdagi 361-son qarori bilan tasdiqlangan Oʻzbekiston Respublikasi Moliya vazirligi huzuridagi Respublika yoʻl jamgʻarmasi daromadlarini shakllantirish va mablagʻlarini sarflash tartibi toʻgʻrisidagi nizomning 7-bandi “e” kichik bandining toʻrtinchi xatboshi.

13. Oʻzbekiston Respublikasi Xalq Komissarlari Sovetining 1945-yil 7-avgustdagi 1370-son qarori.

14. Oʻzbekiston Respublikasi Vazirlar Mahkamasining “Oʻzbekiston Respublikasining 2004-yilgi Davlat budjeti parametrlari toʻgʻrisida” 2003-yil 25-dekabrdagi 567-son qaroriga 27-ilovaning 5-bandi.

15. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2004-yil 17-yanvardagi 28-son qaroriga ilovaning 7-bandi.

16. Oʻzbekiston Respublikasi Vazirlar Mahkamasining “Oʻzbekiston Respublikasining 2005-yilgi Davlat budjeti parametrlari toʻgʻrisida” 2004-yil 28-dekabrdagi 610-son qaroriga 22-ilova va 32-ilovaning 2-bandi.

17. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 15-avgustdagi 198-son qaroriga ilovaning 1-bandi.

1. Oʻzbekiston Respublikasi Vazirlar Mahkamasining “Aholi bilan pulli hisob-kitoblarni amalga oshirishda nazorat-kassa mashinalarini majburiy qoʻllanish tartibi toʻgʻrisida” 1994-yil 26-dekabrdagi 621-son qarorining 8-bandi ikkinchi xatboshidagi “Oʻzbekiston Respublikasi Moliya vazirligi tomonidan” soʻzlari “xoʻjalik yurituvchi subyektlar tomonidan qonun hujjatlarida belgilangan tartibda” soʻzlari bilan almashtirilsin.

2. Oʻzbekiston Respublikasi Vazirlar Mahkamasining “Davlat mulkini davlat tasarrufidan chiqarish, xususiylashtirishdan tushgan mablagʻlarni hisobga olish, taqsimlash va ulardan foydalanishni nazorat qilish tartibini tasdiqlash toʻgʻrisida” 1998-yil 22-avgustdagi 362-son qarori bilan tasdiqlangan Davlat mulkini davlat tasarrufidan chiqarish, xususiylashtirishdan tushgan mablagʻlarni hisobga olish, taqsimlash va ulardan foydalanishni nazorat qilish tartibida:

a) 3-bandda:

ikkinchi xatboshidagi “40” raqami “65” raqami bilan almashtirilsin;

oxirgi xatboshi chiqarib tashlansin;

b) 25-bandning ikkinchi xatboshidagi “40” raqami “65” raqami bilan almashtirilsin;

v) 27-bandning birinchi va ikkinchi xatboshidagi “30 foiz” soʻzlari “25 foiz” soʻzlari bilan almashtirilsin;

g) 28-1-banddagi “qoldiriladigan” soʻzidan oldin “Hukumat qarorlariga koʻra” soʻzlari qoʻshilsin.

3. Oʻzbekiston Respublikasi Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisida nizomda:

1.2.1-banddagi “bajarilgan ishni hisobga olish boʻyicha dastlabki hujjatlarda” soʻzlari “xoʻjalik yurituvchi subyektni mukofotlash toʻgʻrisidagi nizomlarda” soʻzlari bilan almashtirilsin;

2.1.2.5-band quyidagi tahrirda bayon qilinsin:

“2.1.2.5. Inventarlar va xoʻjalik buyumlari qiymatini hisobdan chiqarish xarajatlari hamda ularni belgilangan maqsadda foydalanish uchun yaroqli holatda saqlash (taʼmirlash, yuvish, tuzatish, dezinfeksiya qilish va h. k.) bilan bogʻliq boshqa xarajatlar”;

2.1.2.14; 2.1.2.15; 2.1.2.16-bandlar chiqarib tashlansin;

2.3.8.2-band quyidagi tahrirda bayon qilinsin:

“2.3.8.2. Bir marta beriladigan mukofotlar, yil davomidagi ish yakunlari boʻyicha ragʻbatlantirishlar, uzoq muddat ishlaganlik uchun ragʻbatlantirish va toʻlovlar, shu jumladan xoʻjalik yurituvchi subyektning oʻz qaroriga koʻra natura bilan toʻlovlar, shuningdek yagona ijtimoiy toʻlov summasi, ular boʻyicha hisoblangan haq”;

1-ilovada:

a) 1.21-2-band quyidagi tahrirda bayon qilinsin:

“1.21-2. Davlat mulkini boshqarish boʻyicha boshqaruvchi kompaniyalar, davlat ishonchli boshqaruvchilari va ishonchli boshqaruvchilar mukofotlari va xizmatlar haqi, shuningdek boshqa professional boshqaruvchi kompaniyalar mukofotlari boʻyicha xarajatlar”;

b) 1.28-band quyidagi tahrirda bayon qilinsin:

“1.28. Bayramlar va atoqli sanalar, ijtimoiy faoliyatdagi yutuqlar munosabati bilan xodimlarni ragʻbatlantirish hisoblanadigan bir martalik mukofotlar”;

v) 1.14., 1.45., 1.46-bandlar chiqarib tashlansin.

4. Oʻzbekiston Respublikasi Vazirlar Mahkamasining “Bojxona yigʻimlari stavkalari toʻgʻrisida” 1999-yil 30-apreldagi 204-son qaroriga ilovaning 1-bandi quyidagi tahrirda bayon qilinsin:

5. Oʻzbekiston Respublikasi Vazirlar Mahkamasining “Kapital qurilishda iqtisodiy islohotlarni chuqurlashtirishga doir qoʻshimcha chora-tadbirlar toʻgʻrisida” 2000-yil 5-avgustdagi 305-son qarorining 7-bandidagi “ekologiya soligʻini” soʻzlari chiqarib tashlansin.

6. Oʻzbekiston Respublikasi Vazirlar Mahkamasining 2003-yil 1-iyuldagi 296-son qarori bilan tasdiqlangan Neft mahsulotlari sotuvchi korxonalarning cheklangan ustamalarini shakllantirish toʻgʻrisida nizomning 9-bandiga quyidagi mazmundagi xatboshi qoʻshilsin:

“Narxlarni boshqarish jamgʻarmasiga oʻtkaziladigan mablagʻlardan budjetdan tashqari Pensiya jamgʻarmasiga, Respublika yoʻl jamgʻarmasiga va Maktab taʼlimi jamgʻarmasiga majburiy ajratmalar ajratilmaydi”.

8. Oʻzbekiston Respublikasi Vazirlar Mahkamasining “Xususiylashtirishdan tushadigan mablagʻlarni taqsimlash tartibini takomillashtirish toʻgʻrisida” 2003-yil 14-noyabrdagi 512-son qarori 1-bandining uchinchi xatboshidagi “xususiylashtirilayotgan korxonalar” soʻzlaridan oldin “Hukumatning qarorlari boʻyicha” soʻzlari qoʻshilsin.

9. Oʻzbekiston Respublikasi Vazirlar Mahkamasining “Sanoatning kon qazish tarmoqlari ayrim korxonalarining yuqori daromadiga soliq solish toʻgʻrisida” 2004-yil 1-iyundagi 252-son qarorida:

2-bandning ikkinchi va uchinchi xatboshi quyidagi tahrirda bayon qilinsin:

“Olmaliq kon-metallurgiya kombinati” ochiq aksiyadorlik jamiyati 2004-yil 1-iyundan boshlab Oʻzbekiston Respublikasi Vazirlar Mahkamasi tomonidan tasdiqlangan stavkalar boʻyicha misning jahon narxlari darajasiga qarab undiriladigan ortiqcha foyda uchun soliq toʻlovchi hisoblanadi;

ortiqcha foyda soligʻi toʻlangandan keyin kombinat ixtiyorida qoladigan mablagʻlar keyinchalik Oʻzbekiston Respublikasi Iqtisodiyot vazirligi bilan kelishilgan investitsiya loyihalarini amalga oshirishda maqsadli foydalanish uchun “Olmaliq kon-metallurgiya kombinati”ning vakolatli bankdagi maxsus hisob raqamida jamlanadi”.

2-bandning toʻrtinchi xatboshidagi “jamlangan mablagʻlar” soʻzlari “jamlangan mablagʻlar maxsus hisob raqamiga oʻtkazilmagan yoki ulardan” soʻzlari bilan almashtirilsin;

ilova chiqarib tashlansin.

10. Oʻzbekiston Respublikasi Vazirlar Mahkamasining “Oʻzbekiston tasviriy sanʼat galereyasining faoliyatini tashkil etish masalalari toʻgʻrisida” 2004-yil 10-sentabrdagi 425-son qarori 2-bandining toʻrtinchi xatboshidagi “va ekologiya soligʻini” soʻzlari chiqarib tashlansin.