Davlatning ishonchli vakillari va professional boshqaruvchi kompaniyalarning xususiylashtirilgan korxonalarning korporativ boshqarish jarayoniga qatnashish faoliyatining samaradorligini nazorat qilish maqsadida Oʻzbekiston Respublikasi Davlat mulkini boshqarish davlat qoʻmitasi qaror qiladi:

1. Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi tomonidan 2004-yil 21-iyulda 01/06-15-son qarori bilan tasdiqlangan Davlat ulushlarini boshqarish boʻyicha davlatning ishonchli vakillari, boshqaruvchi kompaniyalar va ishonchli boshqaruvchilar faoliyati samaradorligi monitoringini yuritish tartibi toʻgʻrisidagi nizomga (2004-yil 30-iyul, roʻyxat raqami 1394) ilovaga* muvofiq oʻzgartirish va qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.