Loyiha tashkilotlari va buyurtmachilar 1995-yil 1-maydan boshlab, Davarxitektqurilishnazorati amalga oshirish uchun umumiy moʻljaliy hisoblarning 1—9 boblari boʻyicha qurilishning moʻljaliy qiymatining 0,1 foiz miqdordagi xarjlarini koʻzda tutishlari lozim, ushbu xarjlar umumiy moʻljaliy hisoblarning (smetaning) 10 bobida aks ettiriladi.

Buyurtmachilar obyektlarni qurilish-montaj ishlari bajarilayotgan joyda roʻyxatdan oʻtkazish (qayta oʻtkazish) chogʻida Davarxitektqurilish-nazorati organlari hisobiga, tegishli yilda bajarilishi lozim qurilish-montaj ishlari va roʻyxatdan oʻtkazish (qayta oʻtkazish) vaqtida amaldagi qiymatlardan kelib chiqib hisoblangan, ushbu organlarni taʼminlab turish uchun mablagʻlarning 25 foizini oʻtkazadilar. Navbatdagi toʻlovlar chorakma-chorak, har chorakning birinchi oyida bajariladi.

Ushbu Tartib amalga kiritilguncha tasdiqlangan loyihalar boʻyicha Davarxitektqurilishnazorati organlarini taʼminlab turish uchun xarjlar qurilayotgan korxonalar direksiyalarini taʼminlab turish, shu jumladan texnik nazorat, mualliflik nazorati uchun moʻljallangan xarjlar evaziga qoplanadi.

Favqulodda hollarda ular koʻzda tutilmagan ishlar va xarjlar uchun zaxiralardan qoplanishi ham mumkin. Ushbu modda boʻyicha mablagʻlar boʻlmagan hollarda, koʻzda tutilgan mablagʻlar buyurtmachining asosiy faoliyati boʻyicha mablagʻlari evaziga yoki boshqa mavjud moliya manbalari evaziga qoplanadi.

Davarxitektqurilishnazorati organlari hisobiga oʻtkazilgan mablagʻlar doimiy va roʻyxatdan tashqari mulozimlar, tekshirish, mashvarat (konsultatsiya, maslahat), ekspertik xulosalari uchun jalb qilingan mutaxassislar maslahatlariga haq toʻlash; maxsus nazorat- oʻlchov qurollarini, asboblar bilan jihozlangan avtotransport xarid qilish va taʼminlab turish; xizmat xonalarini saqlab turish va ushbu organlar vazifalarini bajarishning oʻziga xos xususiyatlari, nazorati doirasidagi qurilish koʻlamlari va xususiyatlarini toʻla inobatga oladigan tasdiqlangan moʻljalnomalarga (smetalarga) muvofiq aloqa va devonxona (kanselyariya) buyumlari xarajatlari uchun sarflanadi. Oʻzga maqsadlar uchun sarflashga yoʻl qoʻyilmaydi. Yil oxiridagi pul mablagʻlari qoldigʻi musodara qilinmaydi va kelgusi yil ham ushbu maqsadlar uchun sarflanadi.

Davarxitektqurilishnazorati organlarini taʼminlab turish uchun xarjlar miqdorini belgilashning taʼkidlangan tartibi, 1995-yilning mayidan boshlab tasdiqlangan loyihalar uchun amalga kiritiladi.