LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Milliy valyutaning joriy qilinishi va diniy tashkilotlarni ro‘yxatga olganlik uchun yig‘imlar undirishni tartibga solish maqsadida Vazirlar Mahkamasi qaror qiladi:
O‘zbekiston Respublikasi Vazirlar Mahkamasining “Diniy tashkilotlar ustavlarini ro‘yxatga olish haqidagi arizalarni ko‘rib chiqish Qoidalarini, ro‘yxatga olinganlik uchun yig‘imlarni olish tartibini va ularning miqdorlarini tasdiqlash to‘g‘risida” 1991-yil 18-dekabrdagi 313-son qarori (O‘zbekiston Respublikasi QT, 1991-yil, 12-son, 40-modda) ga quyidagi o‘zgartirishlar kiritilsin:
2-banddagi “2000 so‘m”, “1000 so‘m”, “500 so‘m”, “200 so‘m” so‘zlari tegishli ravishda “eng kam ish haqining yigirma baravari miqdorida”, “eng kam ish haqining o‘n baravari miqdorida”, “eng kam ish haqining besh baravari miqdorida”, “eng kam ish haqining ikki baravari miqdorida” so‘zlari bilan almashtirilsin.