Oʻzbekiston Respublikasi Prezidentining “Bozor islohotlarini chuqurlashtirish va iqtisodiyotni yanada erkinlashtirish sohasidagi ustuvor yoʻnalishlar amalga oshirilishini jadallashtirish chora-tadbirlari toʻgʻrisida” 2005-yil 24-iyundagi PF–3618-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

1. Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalari 8-bandida:

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin va “Sugʻurta va auditorlik tashkilotlari, birjalar” soʻzlaridan keyin “Oʻzbekiston Respublikasi Hukumati qarorlari bilan tashkil etiladigan aksiyadorlik kompaniyalari (shu jumladan davlat-aksiyadorlik kompaniyalari va xolding kompaniyalari) shaklidagi davlat boshqaruvi organlari” soʻzlari qoʻshilsin.

2. Vazirlar Mahkamasining “Tadbirkorlik faoliyatini tashkil etish uchun roʻyxatdan oʻtkazish tartibotlari tizimini tubdan takomillashtirish toʻgʻrisida” 2003-yil 20-avgustdagi 357-son qarori (Oʻzbekiston Respublikasi QT, 2003-y., 8-son, 72-modda) bilan tasdiqlangan Tadbirkorlik subyektlarini davlat roʻyxatidan oʻtkazish, hisobga qoʻyish va ruxsat beruvchi hujjatlarni rasmiylashtirish tartibi toʻgʻrisidagi nizomda:

a) 2-bandning ikkinchi xatboshi “Auditorlik va sugʻurta tashkilotlari, birjalar” soʻzlaridan keyin “Oʻzbekiston Respublikasi Hukumati qarorlari bilan tashkil etiladigan aksiyadorlik kompaniyalari (shu jumladan davlat-aksiyadorlik kompaniyalari va xolding kompaniyalari) shaklidagi davlat boshqaruvi organlari” soʻzlari qoʻshilsin;

b) 5-bandda:

uchinchi xatboshidan “mazkur bandning toʻrtinchi xatboshida nazarda tutilganlardan tashqari” soʻzlari chiqarib tashlansin;

toʻrtinchi xatboshi chiqarib tashlansin;

beshinchi—yettinchi xatboshi toʻrtinchi—oltinchi xatboshi deb hisoblansin;

toʻrtinchi xatboshi “sugʻurta va auditorlik tashkilotlari, birjalar” soʻzlaridan keyin “Oʻzbekiston Respublikasi Hukumati qarorlari bilan tashkil etiladigan aksiyadorlik kompaniyalari (shu jumladan davlat-aksiyadorlik kompaniyalari va xolding kompaniyalari) shaklidagi davlat boshqaruvi organlari” soʻzlari qoʻshilsin;

oltinchi xatboshi quyidagi mazmundagi uchinchi jumla bilan toʻldirilsin:

“Borish qiyin boʻlgan va togʻli tumanlarda tashkil etiladigan tadbirkorlik subyektlarini davlat roʻyxatidan oʻtkazish uchun belgilangan miqdorning 20 foizi miqdorda roʻyxatdan oʻtkazish yigʻimi undiriladi”;

band quyidagi mazmundagi yettinchi xatboshi bilan toʻldirilsin:

“Dehqon xoʻjaliklari roʻyxatdan oʻtkazish yigʻimi toʻlashdan ozod qilinadi”;

v) 11-bandning ikkinchi xatboshidagi “taʼsis hujjatlarining notarial tasdiqlangan” soʻzlari “davlat tilidagi taʼsis hujjatlarining belgilangan tartibda notarial tasdiqlangan” soʻzlari bilan almashtirilsin;

g) 12-bandda:

“a” kichik bandi “bozor ustav fondiga taʼsis hujjatlarida koʻrsatilgan miqdorning kamida 30 foizini kiritilganligini tasdiqlaydigan hujjat” soʻzlari bilan toʻldirilsin;

“b” kichik bandning ikkinchi xatboshi quyidagi mazmundagi ikkinchi jumla bilan toʻldirilsin:

“Ushbu hujjatlar davlat tiliga tarjima qilingan, belgilangan tartibda notarial tasdiqlangan holda taqdim etilishi kerak”;

d) 72-bandda:

beshinchi xatboshi quyidagi mazmunda bayon qilinsin:

“nomi oʻzgargan taqdirda — tuman (shahar) statistika organlari tomonidan belgilangan tartibda berilgan yangi firma nomi toʻgʻrisidagi guvohnomaning, roʻyxatdan oʻtkazilganligi toʻgʻrisidagi guvohnomaning asl nusxalari, almashtiriladigan muhr va shtamp, shuningdek yangi muhr va shtamp namunalarining uch nusxadagi eskizi”;

band quyidagi mazmundagi oʻninchi xatboshi bilan toʻldirilsin:

“Muassislar tarkibiga xorijiy shaxs kirishi bilan bogʻliq holda taʼsis hujjatlariga oʻzgartirish va qoʻshimchalar kiritishda roʻyxatdan oʻtkazgan organga, shuningdek ushbu Nizom 12-bandining “b” kichik bandida koʻrsatilgan hujjatlar ham taqdim etiladi”;

oʻninchi va oʻn birinchi xatboshi tegishli ravishda oʻn birinchi va oʻn ikkinchi xatboshi deb hisoblansin;

e) Nizom quyidagi mazmundagi 76-band bilan toʻldirilsin:

“76. Boshqa organning yuridik shaxslar davlat reyestrida hisobda turgan tadbirkorlik subyektini qayta roʻyxatdan oʻtkazish uchun tadbirkorlik subyektini davlat roʻyxatidan oʻtkazish uchun nazarda tutilgan hujjatlar bilan birga ushbu reyestrdan koʻchirma ham taqdim etiladi. Koʻchirma tadbirkorlik subyekti murojaati olingan paytdan boshlab bir kun mobaynida tadbirkorlik subyekti hisobda turadigan yuridik shaxslar davlat reyestridagi organ tomonidan beriladi.

Tadbirkorlik subyektini qayta roʻyxatdan oʻtkazishda tadbirkorlik subyektiga oldin roʻyxatdan oʻtkazilgan sana toʻgʻrisida hamda roʻyxatdan oʻtkazgan organ toʻgʻrisidagi maʼlumot koʻrsatilgan davlat roʻyxatidan oʻtkazish toʻgʻrisidagi guvohnoma beriladi.

Tadbirkorlik subyektini yangidan roʻyxatdan oʻtkazgan organ ikki kun mobaynida ushbu tadbirkorlik subyekti yuridik shaxslar davlat reyestrida hisobda turgan organga tadbirkorlik subyektini davlat roʻyxatidan oʻtkazganlik toʻgʻrisidagi guvohnomaning nusxasini yuboradi. Ushbu tadbirkorlik subyekti yuridik shaxslar davlat reyestrida hisobda turgan organ tadbirkorlik subyektini davlat roʻyxatidan oʻtkazilganligi toʻgʻrisidagi guvohnomaning nusxasini olgandan keyin uning roʻyxatdan oʻtkazish hujjatlarini yangidan qayta roʻyxatdan oʻtkazgan organga yuboradi va bu toʻgʻrisida davlat reyestriga tegishli yozuv kiritadi”;

76-band 77-band deb hisoblansin;

j) 1-ilovaning I boʻlimi “Roʻyxatdagi xodimlarning taxmin qilinayotgan soni __________ kishi” xatboshidan keyin quyidagi mazmundagi xatboshi bilan toʻldirilsin:

“Asosiy faoliyat turi __________”.

1. Vazirlar Mahkamasining 1993-yil 19-avgustdagi 423-son qarori bilan tasdiqlangan Vazirliklar, idoralar va xoʻjalik boshqaruvi organlari tomonidan undiriladigan xorijiy valyutadagi bojlar, yigʻimlar va soliq boʻlmagan boshqa toʻlovlar tariflari stavkalarining I boʻlimi.

2. Vazirlar Mahkamasining “Tadbirkorlik subyektlarini davlat roʻyxatidan oʻtkazish va hisobga qoʻyish tizimini takomillashtirish toʻgʻrisida” 2001-yil 22-avgustdagi 347-son qarori (Oʻzbekiston Respublikasi QT, 2001-y., 8-son, 47-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2005-yil 11-fevraldagi 59-son qaroriga 1-ilovaning 9-bandi (Oʻzbekiston Respublikasi QT, 2005-y., 2-son, 6-modda).