Oʻzbekiston Respublikasi Prezidentining “Banklardagi depozit hisobvaraqlaridan naqd pul toʻlovlarini uzluksiz taʼminlash kafolatlari toʻgʻrisida” 2005-yil 5-avgustdagi PQ-147-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

1. Vazirlar Mahkamasining “Tadbirkorlik faoliyati bilan shugʻullanuvchi jismoniy shaxslardan soliqlar va yigʻimlarni undirishni tartibga solish toʻgʻrisida” 1997-yil 23-oktabrdagi 483-son qarorining (Oʻzbekiston Respublikasi QT, 1997-y., 10-son, 35-modda) 1-bandi toʻrtinchi xatboshidagi ikkinchi jumla chiqarib tashlansin.

2. Vazirlar Mahkamasining “Naqd pul muomalasini mustahkamlash va tijorat banklarining masʼuliyatini oshirishga doir qoʻshimcha chora-tadbirlar toʻgʻrisida” 2001-yil 22-iyundagi 264-son qarorining (Oʻzbekiston Respublikasi QT, 2001-y., 6-son, 31-modda) 6-bandi uchinchi xatboshida “mablagʻlar mavjud boʻlgan hollarda, mehnatga haq toʻlash va qonun hujjatlarida nazarda tutilgan ehtiyojlar uchun naqd pulni” soʻzlari “banklarning depozit hisob raqamlarida mablagʻlar mavjud boʻlganda naqd pulni” soʻzlari bilan almashtirilsin.

3. Vazirlar Mahkamasining “Bozorni isteʼmol tovarlari bilan toʻldirishni ragʻbatlantirish hamda ishlab chiqaruvchilar va savdo tashkilotlarining oʻzaro munosabatlarini takomillashtirish chora-tadbirlari toʻgʻrisida” 2002-yil 13-noyabrdagi 390-son qarori (Oʻzbekiston Respublikasi QT, 2002-y., 11-son, 67-modda) 7-bandining ikkinchi va uchinchi xatboshi chiqarib tashlansin.

4. Vazirlar Mahkamasining 2003-yil 13-fevraldagi 75-son qarori (Oʻzbekiston Respublikasi QT, 2003-y., 2-son, 15-modda) bilan tasdiqlangan Oʻzbekiston Respublikasida chakana savdo qoidalarining 189-bandiga oltinchi xatboshidan keyin quyidagi mazmundagi yangi xatboshi qoʻshilsin:

“plastik kartochkalardan foydalanilgan toʻlovni qabul qilishdan bosh tortish”;

yettinchi—oʻn toʻqqizinchi xatboshilar tegishli ravishda sakkizinchi—yigirmanchi xatboshilar deb hisoblansin.

1. Vazirlar Mahkamasining “Naqd pul tushumidan foydalanishni tartibga solish toʻgʻrisida” 1995-yil 3-fevraldagi 29-son qarorining 1-bandi hamda qarorga ilova.

2. Vazirlar Mahkamasining “Teri, moʻyna xom ashyosi va qorakoʻl tayyorlashni va ularni respublikadan tashqariga olib chiqib ketishni tartibga solish toʻgʻrisida” 1998-yil 25-avgustdagi 366-son qarorining 2-bandi.

3. Vazirlar Mahkamasining “Neft mahsulotlari, suyultirilgan va siqilgan gaz sotish tizimini tartibga solish, ulardan foydalanish va avtotransport vositalarining ishlatilishi ustidan nazoratni kuchaytirish toʻgʻrisida” 1998-yil 31-dekabrdagi 542-son qarorining 4-bandi.

4. Vazirlar Mahkamasining “Davlatga qarashli boʻlmagan maktabgacha bolalar muassasalari tarmogʻini tashkil etish va rivojlantirish chora-tadbirlari toʻgʻrisida” 1999-yil 24-iyundagi 313-son qarorining (Oʻzbekiston Respublikasi QT, 1999-y., 6-son, 33-modda) 5-bandi.

5. Vazirlar Mahkamasining “Tijorat banklarining kichik tadbirkorlikni rivojlantirishda qatnashishini ragʻbatlantirishga doir qoʻshimcha chora-tadbirlar toʻgʻrisida” 2000-yil 19-maydagi 195-son qarori (Oʻzbekiston Respublikasi QT, 2000-y., 5-son, 25-modda) 1-bandining ikkinchi xatboshi, 3-bandi hamda qarorga 1-ilova.

6. Vazirlar Mahkamasining “Oʻzbekcharmpoyabzali” uyushmasi korxonalarining barqaror faoliyatini taʼminlashga doir chora-tadbirlar toʻgʻrisida” 2001-yil 12-apreldagi 172-son qarorining (Oʻzbekiston Respublikasi QT, 2001-y., 4-son, 22-modda) 4-bandi.

7. Vazirlar Mahkamasining “Pul mablagʻlarining bankdan tashqari muomalasini yanada qisqartirish chora-tadbirlari toʻgʻrisida” 2002-yil 5-avgustdagi 280-son qarorining (Oʻzbekiston Respublikasi QT, 2002-y., 8-son, 46-modda) 3-bandi.